السلام عليكم ورحمة الله وبركاته
ماشاء الله عليكم دايما متألقين
فراشه انتي بجد شاطره اوي الله اكبر عليكي

حنونه كهرمانه
من امبارح بدور علي طريقة كيكة الموكا الفظيعه بتاعتك وتهت في المشاركات وتلخبطت
معلش ممكن تكتبيهالي او تعمليلي اقتباس للشرح
انا مش فهمت ايو حتة اني اقسم نص الصوص ؟؟؟؟؟؟؟؟؟؟؟؟؟؟ مش فاهم خالص
انهي صوص
بجد نفسي اعملها انهارده اوي

فراشه انا عملت سويسرول كتاب نرجس

ما شاء الله اللهم بارك طالع جميل اوي

بس هو بيتلف على اي جهة؟؟

يعني الجهة السفلية هي اللي بتبقى جوا ولا برا؟؟

أنا لفيته بحيث ان الجهة السفلية هي اللي برا علشان تستحمل اللف وماتتشققش

وعملت من نفس العجينة كب كيك حلو بس أحشيه ايه ؟؟انا عايزة كريمة تكون خفيفه مش دسمه وبنفس الوقت تكون جامدة متماسكة!!

بس عموما هو حلو واعتمدته جزاك الله خيرا ياحبيبتي

امولة انا مجربتوش غير مرة واحدة وافتفت معايا بس مش الطريقة دي
بس كنت فاصلة البياض عن الصفار وكان هش جداا رهيب بجد
مقاس الصينية الصاج العادي ممكن الخبراء يفيدوكي اكتر

ام يوسف هعملك اقتباس دلوقتي للطريقة بس انا مش فاهمة انهي حتة الي انتي مش فاهماها لو قريتي الشرح كويس هتعرفي او قوليلي بالظبط وانا اقولك
شهيرة طب فين الصور ياجميل او نزليلنا الطريقة والمقادير برضو من فضلك


كيك الموكا...

الاول عملت كيك شاتوه الشوكولاتة عادي جدا بالطريقة المعتادة هقولها في الاخر للي ميعرفهاش عشان يبقي الشرح وافي



وبعدين جبت الكيك بعد ماطلع مالفرن واستهدي شوية مش نسيبه يبرد لاء لازم نشتغل فيه وهي دافية
هنجيب كباية فيها ماية سخنة ونحط فيها السكينة الي هنشتغل بيها
وهنقطع راق متوسط السمك من وش الكيك لا تخين ولا رفيع








الخطوة الي بعدها اننا نفرغ قلب الكيك كدة




هنعمل دة ازاي؟؟
هنحدد بالسكين من الابع جهات بس مننزلش لاخر الكيك من تحت عشان متتفتحش من تحت دة مهم جدا ونقطع قلب الكيك نصفين او اكتر وبعدين نشيل القلب دة بس نحاول منفتفتوش يعني نحاول نشيلها بلوك قطعة علي بعض بكدة فرغنا الكيك من القلب وممكن في الاخر نشيل الزوائد بالمعلقة




ناخد الكيك ونحطه في القالب الي خبزنا فيه الكيك بس بعد مانكون فرشناه بالبلاستيك الشفاف



وهنجيب الكريمة الخطيرة نحشي بيها الكيك كدة(المقادير بعد ماخلص الشرح)




عاوزين بقي نغظي وش الكيك عشان نغطي الكريمة فيه طريقتين
1)نحط وش الكيك الي قطعناه في الاول بالراااااحة خالص
2)نغطي بقلب الكيك الي طلعناه عشان كدة قلت نحاول نحافظ عليه قطعتين او تلاتة او حتي اربعة كبار ودة الافضل لان القلب بيبقي هش وطري اوي مش زي الوش
انا للاسف وش الكيك اتفتفت معايا معرفتش اغطي بيه ومكنتش مطلعة القلب سليم فكان مفتفت عندي فحطيته كدة وحاولت اضغط عليه بالمعلقة كويس اوي








ونقفل البلاستيك علي الكيك كويس اوي وندخل الكيك التلاجة 3 ساعات انا دخلتها الفريزر شوية وبعدين التلاجة



ممكن نسيبها من بالليل للصبح



نطلع الكيك بقي من القالب باننا نشد البلاستيك بالراحة خالص ونقلب الكيك يعني نخلي القاع هو الوش والعكس
ونشوف لو فيه زيادات في قاع الكيك(الي هو وش الكيك) نحاول نشيلها ونكحتها بالراحة بالسكينة
نكون جهزنا صوص الشوكولاتة المعتمد عندي مش بيغيروا ابدا ونضيفه علي وش الكيك وندخلها التلاجة تاني تسقع وتؤكل باااااااااااااردة
بس بجد جناااااااااااااااان طعمها خيالي










شوفو الكريمة رهيبة ازاي







مقادير الكريمة:
2 باكو كريم شانتيه او دريم ويب
تلات اربع علبة قشطة
معلقة ونصف كبيرة كاكاو خام
تلات اربع معلقة : معلقة صغيرة نسكافيه
و شوية سكر بودرة



وندوق المهم طعم النسكافيه يبقي ظااااهر لو محتاج نزود شوية كمان نزود بس شوية شوية عشان ميمررش
نعملها ونسيبها في التلاجة شوية قبل مانحشي بيها الكيك ممكن نعملها اثناء خبز الكيك في الفرن او من قبلها بوقت كمان
نضرب الكريم شانتيه كويس وبعدين نضيف بقية المكونات



صوص الشوكولاتة (دة الي علي وش الكيك ياأم يوسف):
كوب الا ربع زبدة
ربع كوب كاكاو
كوب سكر بودرة....او حسب الرغبة
كوب: كوب الا ربع لبن
انا بعمله بدون التقيد باي مقادير

نحط كله علي النار ونسيبه يبرد شوية وبعدين نحطه علي الكيك بعد مانقلبه ويكون الكيك قعد في التلاجة فترة كويسة عشان الكريمة تجمد



كيك الشاتوه:
كوب ماء
كوب سكر
نصف كوب زيت
4 م ك لبن بودرة
4 م ك كاكاو خام



نضرب كله في الخلاط حتي يمتزج جيدا ناخد من الخليط دة حوالي تلات اربع الكوب انا اخدت هنا نصف كوب لاني مش عاوزة الصوص دة
وبعد كدة نضيف علي بقية الخليط 2 بيضة وفانليا ونضرب تاني في الخلاط واخيرا نصب الخليط في طبق عميق ونضيف تدريجيا 1 كوب دقيق عليه 1 م ك بيكنج بودر



الصوص الي طلع بقي من الشاتوه(تلات اربع الكوب) ممكن تفتفتوا شوية بسكوت شاي سادة وتسقوهم بشوية لبن مش كتير وتصبوا عليهم الصوص دة وتلفوهم اسطوانة في ورق فويل وعلي الفريزر علي طول بيطلع طعمه حلو جدا

ازيك ياكهرمانه

معلش الكاميرا عطلانة ياحبيبتي

سويسرول من كتاب نرجس حبيب سابا

لنجاح هذا الكيك لابد مراعاة السرعة في جميع الخطوات اي خلطه وخبزه وسرعة قلبه وهو ساخن

التشكيل صاج مستطيل مسطح تماما منخفض الجوانب مقاس 35*22*2

يدهن بالسمن اللين ويبطن بالورق بحيث يلتصق بالصاج ويأخذ شكله تماما يدهن الورق مرة ثانية (( أنا حطيت في قالب الخبز فقط ورق زبدة بدون اي دهن ))

الخبز فرن حار 218 في الرف العلوي

المقادير

4-5 بيضة

كوب سكر ناعم - ملعقة شاي فانيليا (( أنا أضفت ربع ملعقة صغيرة خل وقللت الفانيليا شوية))

ثلث كوب ماء ساخن - نصف ملعقة صغيرة بيكنج بودر

كوب دقيق منخول - ربع ملعقة صغيرة ملح

للحشو 2-3 ملعقة كبيرة مربى مشمش او فراولة مهروسه ناعمة لينة نوعا ليست سائلة (( أنا حطيت كريم شانتيه))

الطريقة يجهز الصاج والفرن

يخفق البيض بالمضرب حتى يغلظ نوعا ثم نضيف السكر مع استمرار الخفق حتى يغلظ الخليط

سضاف الماء والفانيليا ويستمر الخفق حتى يفتح لونه ويتضاعف حجمه ويعطي علامة الشريط

تنخل المقادير الجافة وتضاف ملعقة ملعقة مع التقليب بخفقه بملعقة مطاط او خشب للحصول على عجينة لينة خفيفة

تصب في القالب ويساوى وبتحريك الصاج حتى يكون السمك متجانسا

يخبز في فرن حار في الرف العلوي لمدة 12-15 دقيقة ويختبر النضح (( أخذ معايا 15 دقيقة بالظبط))

في اثناء الخبز تفرد فوطة نظيفة على المنضدة ويبسط فوقها ورقة زبدة ترش جيدا بالسكر الناعم بالمنخل وقد يكتفى بورق الزبدة المرشوشة بالسكر

يخرج الصاج من الفرن ويقلب سريعا وهو ساخن على الورقة المرشوشة بالسكر

ينزع الورق المغطي لقاع السويسرول وتقطع الحواف بسكين حاد اذا كانت جافة حتى لا تعوق عملية اللف

يلف المستطيل من الضلع الكبير او القصير حسب الرغبة بدون مربى حتى لا يتشرب الكعك الساخن المربى ويصير معجنا

تلف الورقة المحتوية على السكر مع الكيك ثم يلف بالفوطة ويبرد على منخل او قاعدة سلك

بعدها تحطي الحشو وتلفيه تاني وتحطيه بالثلاجة وتقطعيه قطع سمكها 2 ونص سنتي

الكتابة بالأحمر دي الحاجات اللي انا غيرتها او اضفتها

الطريقة ما شاء الله اللهم بارك ماعليهاش اي ملاحظات جميلة كسويسرول وجميلة ككب كيك كمان

بس انا لفيتها بحيث ان القاع هو اللي للخارج مش للداخل

مش عارفه ايه الصح في اللف؟؟!!