صباح الخير عليكم
معليش النت غلس ومش بعرف ادخل بانتظام وماشاء الله عليكم ايوه كده عرفت دندون ترجعكم لنشاطكم بتاع زمان ربنا يكرمها يارب
رشروش طبعا انا باركتلك من زمان يارب تكون وشها حلو عليكم ويارتنى عندك كنت ساعدتك فى النقل والترتيب ربنا يباركلك فيها
ودلوقتى ندخل فى المفيد على طوووووووووووووووووووول
اولا بسبوسة دون السريعه دى تعمليها وعنيكى مغمضه والبطريقه كتبتها نورا
ثانيا كيكة البن الساخن لفراااااااااشه وعلى فكره يا طمطم كيكة الشاتوه لحنان مش لفراشه هذا للعلم واعطاء كل ذى حق حقه
المقادر
كيكة فراشة الربيع
عملت منها كب كيك وكيكة مدورة دهنت وشها شربات وغطيتها بجوز الهند ومرة غطيتها بصوص شوكولا وعملت منها جاتوه وعملت منها تورتة وعملتها منها ماربل كيك في قالب التوست 0000000000000000
عملتها كتير وكل مرة تثبت كفائتها الحمد لله
الصور ده إحدى المرات اللي كنت عاملاها فيها على هيئة كب كيك توينكيز حشيتها كريمة ودهنتها مربى مخففة بشوية مية وغطيتها بجوز الهند طلعت فظيييييييعة
على فكرة أنا مش ببالغ لو أتقنتوا الكيكة ده مش هتسيبوها أبدا وهتبقى بالنسبة ليكم زي كوباية الشاي
المقادير
2بيض كبير
كوب دقيق
كوب سكر بودرة
1 م ص بودر
فانيليا
1/2 كوب لبن بيغلي (يعنى ساخن جدااا)
ملعقة كبيرة مليانة زبدة متماسكة
اولا تحطي معلقة الزبدة في اللبن الساخن اللي هو الحليب وتسيبيها تسيح معاه
تضربي البيض والسكر والفانيليا 5 دقايق او اكتر شوية لحد ماتعلى كتييير ولونها يفتح


بعدين تجيبي الحليب اللي الزبدة ساحت فيه وتضيفي شوية شوية والمضرب شغاااااااااال وبالراحة اوي وانتى بتصبي مش تحطيهم مرة واحدة وعشان تتأكدي انها تمام معاكي بيكون قوامها تقيل شوية يعنى بعد ماتضيفي اللبن
زي المية

تخلطي الدقيق والبودر وتهدي المضرب على أقل سرعه وتضيفي الدقيق ملعقة ملعقة والمضرب شغاااال على الهادي
بعد ماتخلصي كمية الدقيق على المضرب على أعلى سرعة ثوانى بس لتتأكدي من الإختلاط التمااااااااااام
وبس على الفررررررن عدل
التورته الاسفنجيه انا خدتها من حنان ولاقيت فراشه كتباها بنفس الطريقه وانا على طول معتمداها عندى فى المناسبات واعياد الميلاد المقادير
كوب دقيق عادى (ولو دقيق كيك استخدمى كوب وتلت واستغنى عن النشا)
تلت كوب نشا
كوب سكر بودرة
6بيض كبير
فانليا (انا استخدمت 4 اكياس من اللى انتو شايفينها الكيس واحد جم بس هى مش خام يعنى مخلوطة بسكر لو خام استخدمى اقل او حسب خبرتك بحيث ماتبين زفارة البيض)
الطريقة
اضربى البيض مه السكر والفانيليا لمدة 10 الى 15 دقيقة (الصورة الأولى فى المشاركة 19اثناء ال5 دقائق الأولى من الضرب والثانية بعد 10 دقائق والثالثة بعد 15 دقيقة)
الدقيق لازم تنخليه مرتين قبل استعماله ثم تنخليه مرة ثالثة عند اضافته الى العجينه ولكنننننننننننننننننننننن


تنبيه هاااااااااااااام جداااااااااااااااااااااااااا
لماتضيفى الدقيق للعجينة ضيفى معلقة معلقة الصورة الأولى فى المشاركة 20 وتضيفيها فوق العجينة بالمنخل او مصفاية الشاى وتحاولى توزعيها على سطح العجينة كله لأن العجينة تقيلة واذا أضفتى كمية كبيرة من الدقيق ستتكون عندك كتل صغيرة من القيق داخل العجينة لكن اذا حسيتى انها عملت كده او لزيادة الإطمئنان بعد ماتخلصى اضافة الدقيق كله اديها ضربة بالمضرب الطهربى بس كام ثانية لتتأكدى من تداخل كل أجزاء الخليط الصورة التانية بعد ماخلصت
تصبيها فى صينية(انا دهنت جوانب الصينية بالسمن ورشيته دقيق والقاع دهنته سمن وثبت عليه دائرة من ورق الزبدة)

المهممممممممممم
قبل ماتبتدى خطوات العمل تكونى مشغلة الفرن على 140 لأن الشغل لن يتعدى 20 دقيقة 15 البض والسكر و5 اضافة الدقيق وطبعا الصينية تكون مجهزة قبل الكلللل وبالنسبة لمقاسها 22أي ان قطر الصينية 22 سم=9 بوصة
المهم تصبى الخليط فى الصينية وتدخليها الفرن الغاز وليس الكهرباء وتضعيها فى الرف الأوسط وتعلى الحرارة الى 175 درجة مئوية(بالنسبة للفرن الكهرباءبامكانك النظر فى كتيب الدليل لأنى لا أستعمله فلا أعرف عنه الكثير)
تسبيها حوالى 40الى50 دقيقة لحد اما تلا قى ان وجهها أصبح بنفس اللون في الصوره

وعلطول تغطى وجهها بفوطة وتقلبينها رأساً على عقب وتتركيها حوالى 10 الى 15 دقيقة وتعدليها ستجديها ان شاء الله كما فى الصور لو تلاحظوا السطح مستوى تمااااااااااااما
تمرروا اى سكينة رفيعة بين الحافة والكيكة لتنفصل ثم تقلبيها
ننزع ورق الزبد من على الوجه

تورته بسكوت الشاى عملتها وعجبتنى طعمها وفكرتها جديده
تورتة بسكويت الشاي

ثاني مرة اعمل هذه التورته في اسبوع و ذلك بطلب من العائلة
تورتة سهلة و لذيذة و مناسبة تماما بهذا البرد. و هي ماخودة من كتاب اطباق النخبة
المقادير

مقادير أ

باكيه و نصف بسكويت الشاي حجم 175 غ مطحون
م ص بيكنغ باودر

مقادير ب

3 بيضات
1/2 كوب سكر
1/2 زيت
1/2 حليب سائل
رشة فانيليا

مقادير ج

3 حبات كيري
1/2 علبة قشطة
1/3 كوب سكر
1/3 كوب حليب باودر

تخلط مقادير ب في الخلاط و تضاف الى مقادير أ

يصب الخليط في صينية المخصصة للتورتة


تخبز في الفرن الى ان تنضج و تترك حتى تبرد
تقلب في صحن التقديم



تخلط مقادير ج في الخلاط و تصب على وجه التورتة




ممكن ان تحتفظي بقليل من الخلطو و تضيفين اليها ملعقة صغيرة من الكاكاو و تزيني بها وجه التورتة
انا استعمل شوكولاته هيرشي للتزيين

يا بنات هيا ليه الصور مش بتظهر يعنى انا بعملها كوبى وبست هنا بس مش باينه خالص ؟؟؟؟؟؟؟؟

اللبن المركز لفراشه من ساعغة ما عرفت طريقته منها وانا مش بجيبه من بره على طول بعمله فى البيت
كوب سكر +كوب ماء ( انا جربت مره برضه استبدل الميه بكوب لبن سايل وطلع تحفه )+ كوب لبن بودره ورشة فانليا مع بعض نخلطهم ونتركهم على نار هاديه لحد ما يتقل الخليط وتوصلى للقوام المطلوب ويستعمل
صوص الكراميل لفرااااااشه
نص كوب سكر + 5معالق كبار ميه فى طاسه على نار اول ما يغلو نهدى النار لحد ما تعمل وتدى لون دهبى نكون مجهزين نص كوب ميه دافيه ومدوبين فيه معلقتين كبار لبن بودره نبعد السكر عن النار ونحط عليه اللبن ونحركه بسرعه ونرجعه على نار هاديه ونحرك لحد ما يدوب السكر خالص ونسيبه على نار هاديه لحد ما يقل التلت يعنى يبقى صوص وهو لما يبرد هايتقل وممكن نضيف له معلقه صغيره زبده بعد ما نطفى عليه
الحاجتين دول اللبن المركز وصوص الكراميل جربتهم وطلعو تحفه ومش بستغنى عنهم اعتمدتهم عندى على طول

كول سلو دون
نص كرنبه و2 جزره مقشره ومبشوره و2 معلقه سكر و2معلقه خل ونص كوب كريمه لبانى و5 معالق مايونيز وربع كوب لبن وذرة ملح نورا بتكتفى باللبن بس وساعات بتحط خس وتفاح يتبشرو بالمبشره العاديه واهم حاجه تعمليها وتسيبيها فى التلاجه على الاقل 3 ساعات
خبز الصاج لشييييييييييييييرى
3 كوب دقيق
معلقه كبيره لبن بودره
نص معلقه كبيره خميره فوريه
معلقه صغيره سكر
2 معلقه كبيره زيت
رشة ملح و1 ونص كوب ماء دافىء للعجن
تخلط المكونات الجافه ثم نضيف الزيت ثم الماء تدريجيا حتى تتكون عجينه لينه ممكن تلاقيها بتلزق معاكى ماتحاوليش تزودى دقيق كتير سيبيها تخمر وهتلاقى التلزيق ده اختفى ولو دايقك اوى ممكن ترشى شوية دقيق اثناء التشكيلطبعا تقطع كور بعد كده تفرديها وتخبزيها على صاج او طاسه كبيره عندك يادوب اول ما يبداء يتنفخ الرغيف تقلبيه مش هاياخد معاكى ثوانى وتحتفظى بيه فى كيس نايلون علشان يفضل طرى وبالهنا والشفااااااااا