جمبرى مقلى خدتها من مدونة مدام سلامونى جربتها وعجبتنى اوى واعتدمتها
كيلو جمبرى منضف ومقشر
4كوب ماء و1 ونص كوب نشا و2 بيضه و3/4 م ص توم بودره +3/4م ص بصل بودره
بقسماط وزيت للقلى
فىطبق غويط نخلط المكونات ماعدا البقسماط وبودرة البصل والتوم نحطهم فى كيس نايلون كبير علشان يسهل تغطية الجمبرى فى الاول نضع الجمبرى فى خليط البيض وبعد كده نضعه فى خليط البقسماط وبعدين نعيد مره تانيه خليط البيض وبعدين البقسماط وعلى الزييييت يتقلى لحد ما يبقى لونه دهبى جميل وبالهنا والشفاااااااااااااا

قدمت منال العالم في احدى حلقاتها اللي تبث في رمضان الان
فتة كفتة
جربتها
سهلة ولذيييذة

المقادير:

خبز مقطع مقلي

للكفتة:
لحم مفروم
بصل مفروم ناعم
بقدونس مفروم ناعم
ملح وبهارات

صلصة الطماطم:

2 ملعقة كبيرة زيت زيتون
حبة بصل مفروم
3 فص ثوم مهروس
4 حبات طماطم مقشر مقطع
نصف حبة فلفل رومي حلو مفروم
نصف ملعقة طعام صلصة طماطم
ملح وبهارات

صوص الروب او الزبادي:

6 كوب زبادي روب
4 فص ثوم مهروس
فلفل اخضر بارد مفروم
ملح
نعنع ناشف

الطريقة:

نجهز خليط الكفتة بخلط كل مقاديره سوا ونعملهم اصابع صغيرة ونشوحهم على النار ثم نغطيهم لينضجو







لعمل صلصة الطماطم:
نضع الزيت في قدر على النار ونشوح البصل والثوم ثم نضع باقي المقادير ونتركها لتنضج



نخلط جميع مقادير خلطة الروب سوا ونجهزها



نضع في صحن التقديم الخبز المقلي




ثم صلصة الطماطم التي جهزناها ثم صوص الروب
ونصف فوقه الكفتة



ونزينها بالبقدونس ونقدمها بالهنا والشفا





اتمنى تنال اعجابكم وتجربوها لانها لذييذة

جربتها لما قالت عليه دندون والبنات وكانت تحفه

طريقتى فى الباشميل مش بحط بيض خالص وبحاول قد ما بقدر اقلل الدسم ازااااااااااى ؟؟؟
بحط الماده الدهنيه ادها دقيق يعنى مثلا 3 معالق كبار ماده دهنيه عليهم 3 معالق دقيق طب ازاى بقلل الدسم بخلط زبده وزيت يعنى معلقتين زيت عليهم معلقه زبده و بحط عليهم 3 معالق دقيق واحرك بسرعه ومش بخلى الدقيق لونه يحمر لا يدوب اروح ضايفه اللبن وبيكون مش ساقع بطلعه قبلها بمده من التلاجه وبخلط برضه لبن وميه يعنى كوبيتين لبن عليهم كوبايه ميه واحرك لحد ما اوصل للقوام المطلوب ابداء اضيف الملح والفلفل ورشه صغيوره كبابه صينى وبس كده احطه على وش الصوانى وفوقيها رشه جبنه موتزريلا او شيدر وادخلها الفرن بتبقى لونها دهبى وجميل وفى المكرونه بالباشميل بحط تحت خالص رشة بقسماط و طبقة بسيطه باشميل وفى النص كمان باشميل ورشة جبنه فوق اللحمه المفرومه بتطلع متامسكه وجميله

اماني
صباح الفل اخبار ياسمينة ايه؟

انا مش قصدي كده انا قصدي الشاتوه حاجة او الكيكة بتاعة فراشة الربيع اللي انت كتباها الاتنين يعني

هاضيف بقى كمان

البيكاتا بطريقة دون
المحشي بخلطتي متهيألي كلنا بنعمل نفس الخلطة ودي هتلاقوها هنا في الملف بالصور في الأول

الرز بالخلطة بطريقة دينا

وانا ليا طريقة في الرز البسمتي مفيش اسهل منها باسلق الرز زي المكرونة في مية وزيت وباضيف له ملح وكركم اصفر وفصين حبهان وفص قرنفل

اول ما يستوي اصفيه واكون مجهزة مكسرات محمصة لوز مقشر وصنوبر وزبيب واحطه فوق الوش عند التقديم على الرز وحواليه اللحمة او الفراخ او الشيش طاووق وباقدم جنبه سلطة حارة بابشر طماطم وفلفل حامي واحدقهم بملح وفلفل اسود فقط لا غير بس هتستغربوا انها بتغير من طعم الرز وبتخليه طعمه حلو خاصة لو بتحبوا الحار

الناجتس ودي هتعجب الولاد قوي

بافرم صدور الفراخ المخلية وبعدين ارش عليها رشة ملح+ رشة فلفل اسود+رشة بودرة بصل+ رشة بودرة توم واعجنها واقطعها اشكال او قطع مدورة زي ما احب واتبلها في البيض والبقسماط طعمها بالضبط زي بتاعة كوكي بالميلي