basmahmed :

ده حلى شفته هنا فى المنتدى باسماء مختلفه ومقادير مختلفه خد من كل طريقه حاجة وضفت شويه من عندى بس معتمد عندى وبعمله دايما لما بيبقى فى ضيوف شكله شيك وطعمه لذيذ جداااا المقادير: الطبقه الاولى:- 4 باكيت بسكويت اولكر شوية للبن نغمس البسكويت فى اللبن بسيط علشان ميدوبش ونرصه فى البيركس طبقه واحده بسكويت الطبقه الثانيه:- 2 كوب حليب بودره نحمصه فى طاسه تيفال باكيت كريم كراميل نص كوب سكر (او اقل حسب ماتحبى السكر انا عن نفسى قللته ) 4 معالق قشطه (الطريق مكتوب فيها علبه بس انا مش عايزاها دسمه اوى) 2 معلقه زبده (فى الطريقه اصبع زبده) نضربهم كلهم فى الخلاط ونحط نص الكميه على البسكويت وبعدين نرص طبقه تانيه من البسكويت المغموس بالحليب وعليها باقى الكميه الطبقه الثالثه: فى الطريقه 8 حبات جبنه كيرى وعلبة حليب نسله ونضربهم فى الخاط ونفردهم عليهم انا عملتها كالأتى : كان عندى جبنه كيرى سايبه وعملت الحليب المركز بطريقه شيرين ام ادهم حطيت فى الخلاط كوب للبن بورده عليه ربع كوب ماء دافئ وربع كوب سكر وضربتهم بقه حليب مركز ضفت عليهم الجبنه وزودت من عندة معلقه نشا كبيره مذوبه فى ميه وخدت الخليط ده حطيته على النار هادية وقلبت لحد ماحسيت مسك شويه فردته على باقى الطبقات ودخلتها الفرن المطفى لمده تلت ساعه ولما طلعتها رشيت عليها الكراميل اللى مع الكريم كراميل وفتت بسكويت ويفر زى فلوتس كده بس مش مغطى باشيكولاته ورشيته عليها ودخلتها التلاجه بعد مابردت شويه البطاطس المتبله بطريقة كهرمانه دة اللى عرفت اطلع طريقته من عندى دلوقتى وان شاء الله هكمل باقى الحاجات اللى اعتمدتها بس الجهاز يتضبط شويه

ده حلى شفته هنا فى المنتدى باسماء مختلفه ومقادير مختلفه خد من كل طريقه حاجة وضفت شويه من عندى بس...