كفياكم النهارده وبكره نكمل سلاااااااااااااااااااااام

ما شاء الله يا أماني

جميل جداااااااا تسلم ايديكي الله بارك حلووو

بسمه أكلاتك جميلة جدا ما شاء الله اللهم بارك عجبني بلح الشام

فين طريقة البطاطس المتبلة لكهرمانة؟؟

والله يا ابله دون اقتراحك اكثر من رائع لآن ده هيشجع بنات كتير تعمل حاجات جديدة ومتخافش من فشل التجربه وانا اولهم
اماني 61 معلش عندي كام سؤال للتشيزكيك .. يعني ايه لبنة بينار واجيبها منين ولو ممكن يكون في بديل ليها -ثاني حاجة هو انا هدوب الجيلاتين معالنسكافيه في حبه ميه صغيرة ولا كل واحد لوحده في ميه ؟ ومعلش هوالجيلاتين في منه انواع وممكن الاقيه عند العطار؟ معلش اسئلتي كتيرة بس انتي اللي شجعتيني اعملها من كتر شكرك فيها
بسمة ماشاء الله تطبيقك جميل ممكن لو سمحتي تكتبي طريقه كيك الموكا لكهرمانه بالتفصيل الممل وراعي اني مليش اوي في الحلويات بس هحاول اطبق معاكم وربنا يستر

ماشاء **** يابنات كل اكلاتكم جميلة اوي وتطبيقاتكم اجمل واجمل
بسمة ازيك ياقمر فينك من زمان لسة ماصلحتيش ايميلك دة عندي خبر ليكي هيفرحك اوي ماشاء **** كل تطبيقاتك جميلة اوي بالذات بلح الشام الي بموت فية ومابشبعش منة كمان كيك الموكا رائع جدا بس كنت عايزة اسالك على الحلى الي انتي عملتية دة انتي كاتبة 2 كاس لبن بودرة مش كتير يعني مش بيبان طعم وريحة اللبن البودرة في الاكل ولا اة؟؟؟؟؟اصلي مبحبش ريحة اللبن البودرة
وهل ممكن نستبدلة باننا نعمل الكريم كراميل تقيل شوية اوحتى نعمل كسترد تقيل شوية ولا انتي اة رايك؟؟؟؟؟؟؟؟؟؟؟
اماني انا كمان اكتر الحاجات الي في ملف روني جربتها وكانت جميلة جدا بالذات ساندويتش المفاجئات كان رائع والكنافة انا دايما في رمضان بعملها بطريقتها

ابلة دون اقتراحك رائع وهيفدنا كلنا ان شاء الله هيكون مرجع لينا لاكلات كلها متجربة وموثوق منها
دة بعض الحاجات الي مجرباها ومعتمداها عنديوكلها جميلة اوي هي طبعا حاجات بسيطة بالنسبة لابداع البنات الموجودين
1- لما بعصج اللحمة المفرومة لصواني مش بحط عليها اي مادة دهنية ابدا لان اللحمة اصلا فيها دهون (ودة تخفيفا من نسبة الدسم وبتكون اكتر صحية)انا بعملها اكتر الوقت في حلة تيفال بقطع عليها البصل واقلبها واوطي عليها عشان تنزل الدهون الي فيها واسيبها شوية ثم اقلبها واكون بشرة طماطماية صغيرة واحطها عليها ولو عندي جزر بحط جزر مبشور ثم اضع عليها شوية ماء والبهارات واسيبها تستوي وبس

2-عندي تدبيلة باستعملها احيانا للبانية والبفتيك والشاورما والشيش طاووك وكمان للفراخ المشوية في الكبة بصلة وطماطماية و3 او4 فصوص توم ومعلقتين زبادي او مايونيز ومعلقتين مستردة وعصير ليمون وخل وشوية زعتر وملح وبهارات ممكن استغني عن الزبادي واحط بدالة شوية لبن لو هقلي البانية من غير بيض هي بتكون جميلة وسريعة وبتخلي البانية او البفتيك طري اوي

3-الكبسة ودة متعلماها من واحدة سعودية بقطع بصلاية صغيرة وادبلها بشوية زيت وبعدين احط عليها طماطم مكعبات واسيبهم يتسبكو مع بعض واحط اللومي والقرفة والقرنفل والحبهان دول بحطهم سلام مش ماطحونين ثم اضع الشوربة واسيبهم يغلو في الشوربة شوية احيانا بشلهم لوحطة كميية كبيرة واكون بشره كمية جزر حلوة احط نصها فقط ثم اضع الرز البسمتى واظبط الملح واسيبة واكون مجهزة بصل مقطع مكعبات عشان اعمل البزار الي بيتحط على وجه الكبسة اشوحة في سمنة لغاية لما يصفر واكون مجهزة الزبيب واحطة علية واضع باقي الجزر المبشور واضع عليهم شوية بهارات كبسة واقلبهم واحطهم على وش الكبسة في الحلة عشان البصل يكمل سواة وبعدين ارش على وجة الكبسة نص معلقة كاري او صفار زعفران مذ وبين في معلقة ماء وساعة التقديم بشيل خلطة البزار على جنب وبعد غرف الكبسة احط البزار على وش الطبق
4- طاجن العكاوي بكون مجهزة بصلة وطماطماية وتوم مبشورين واتبل بيهم العكاوي مع الملح والبهارات ثم اشوح العكاوي بعد تدبيلها بمدة في شوية زيت صغيرين ثم اضع عليها علىيها بطاطس مقطعة حلقات وبصل وطماطم حلقات وشوية شربة او ماء ومكعب مرقة بيتي واغطيها وادخلها الفرن
5- محشي الكوسة بالذات بسوية في صينية في الفرن بعد مااحشية بالخلطة العادية بس بكتر فية اللحمة المفرومة واسقية بالشربة عادي بعد مابيستوي بحمرة في الشواية بيكون رائع جوزي بيحبة كدة جدا جدا
6- صينية الكوسة باللحمة المفرومة لما بيكون فايض عندي عصاج لحمة مفرومة بعمل صينية كوسة في الفرن عادية جدا بس قبل ماتستوي بشوية اقطع عليها شبت واقلبة معاها بيديها ريحة حلوة اوي وطعم جميل واضع على وجة الصينية اللحم المفروم
7- الجلاش عشان جوزي وابني بيحبوة جدا بااعملة بحشوات مختلفة مثل حشوة البيتزا او الشاورما او البرجر او الكبد والقوانص اوالجبن او السوسيس او السجقطبعا بعد مااسويهم الاول بنفس الطريقة الي كانت منزلاها ابلة دون