مشكورة حبيبتي على هالاطباق والاصناف المتنوعه واللذيذة

وفعلاً أبدعتي :17: :27: :cook:

وانا من عشاق الطبخات العربيه :cook:

وننتظر الجديد والمزيد:17: :cook:

اختي الحبيبة روشة طحن

بصراحة قلبي بيدعيلك كل ما قريت حاجة من الأشياء اللذيذة قوووووووووووووووووووووي اللي

قاعدة تتحفينا فيها كل يوم :24:

وكله ماشاء الله لا قوة الا بالله يجنن :32:

ايه رأيك تسجليني بدورة عندك وأنا حبقى تلميذة نجيبة حآكل وحآكل وحآكل من كل ما لذ وطاب

ومع كل لقمة حأدعيلك وأدعي لحبيب قلبك السكرة العسل أبو ضحكة جنان ربنا يخليهولك ويبارك لك فيه

ويرزقه بالرفقة الصالحة ويبعد عنه رفقة السوء وينولك فيه كل اللي بتتمنيهوله أنتي وأبوه :26:


باذن الرحمن أنا حجرب أول شيء البشنكات صح كده بس لو تسمحي يا جيجي عادة يقدموا مع سندويش الطعمية

باذنجان مع ثوم وخل وأحياناً يكون حار يا ريت لو عندك طريقته ..وكمان في باذنجان مخلل بيكون لونه أحمر

في مصر كانوا بيضعوه في علب صغيرة بلاستيك مع صحن الكباب يا ريت لو سمحتي لو عندك تكتبهولي ماجورة

يا شيف :cook:

سؤال اخير الطعمية ام الجدايل اللي بالسندويش نفس طريقة الطعمية اللي كتبتهالنا ولا غير ؟

اي دا الروعة يا روشة ( حماة بنتي ) فعلالالالالالالالالالالا روعة

استاذة في الطبخ وما ادري

من زمان ما دخلت قسم الاطباق الساخنة

وأول ما شوفت اسمك قلت اشوف حماة بنتي ايش بتسوي

الله يعطيك العافيه ويكتبلك على كل حرف كتبتيها السعادة والصحة والعافية

على فكرة ما كتبتيلي فتة الكوارع ياريت تكتبيه بدون امر

اختك ام البنات

السلام عليكم جميعا
كيف احوالكم انشاء الله بخير


حبيبتى yoyobaby
عنيا الاتنين البصاره هعملها حااااااااالا نورتى ياقمر انشاء الله تعجبك


الغاليه وجه الخير
ما تحرمش منك يارب ولا من كلامك وطبخاتك الحلوووووين ادعيلى انا هسوى كبستك النهارده والقهوه برضوا بتاعتك على النار اهى لسه بعملها سيباها تطبخ بروقااااااااااااااان
على مهلها خاااااااااالص وكله تمام التمام باذن الله


اجمل اخت طوق الياسمين
لالالالالالالالالالالا ايه النور ده يا مرحبه يا مرحبه نورك غطى على الكهربا هههههههههه ربنا لا يحرمنا منك يارب ياقمر
وانشاء الله الحبشتكنات تعجبك ياقمر وبالنسبه للبذنجان اللى بالخل والثوم نفسه الباذنجان اللى فىالمقالى الشعبيه اللى مع الحبشتكنات ولو عايزاه حار كترى الشطه وترى التوابل فى مصر غير هنا فا نتيجه الالوان مش بتبقى زى بتاعه مصر بالظبط حتى الخضار مش زى بتاع مصر نهااااااااااااااااااائى انا لما بكون فى مصر وارجع لما اجى اكل ااقول ايه ده الخضار مر وملوش طعممممم :11: لان خضار مصر النيل رواه والخير جواه :32:
وحكايه الباذنجان المخلل ده اللى مع الكباب انتى عارفه كل محافظه وليها طرقها فى الاكل فامش عارفه انتى اصدك شكله ايه بالظبط فى انواع كتيره من مخلالات الباذنجان خصوصا
هههههههههه دا انا اللى هاخود عندك دوره تدريبيه دا كفايه الكنتاكى بتاعك الروووووعه
تسلميلى وتسلملى دعواتك الحلووه يارب الوله ابنى ده طالع متشرررررررررد بيمووووووت فى لعب الكوره لاء وايه بقى لما يخبط الكوره فى حاجه ويوقعها يكسرها قال ايه بقى كده يبقى جووووووووون شوفتى الهنا اللى انا فيه ههههههههههههه
طعميه ام الجدايل؟؟؟؟؟ يعنى اخت هنا عمله طعميه ولا ايه مش فاهمه؟؟ اوكى عموما انا هدور عليها ولو لقيتها هقولك ياقمر

نورتينا بطيفك ياقمر والللهى احلى كلام مصرى طالع من بقك يا سكررررررررر سبحان الله يا طوق الياسمين روحك ماشاء الله جميييييله جداا وجزبتنى ليكى جدااااااا ربنا يديم المحبه يارب


ام البنات حبيبتى حماه ابنى القمر
تسلميلى ياقمر على الكلام الحلووو اللى زيك وعنيا الاتنين ياقمر احلى فته كوارع لحماه ابنى ومرات ابنى ههههههه انتى تؤمرى يا قمر وامرك على راسى من فوق كمان


** يرجى عدم الخروج عن الموضوعات الأصلية بأمور يفضل مناقشتها عبر الرسائل الخاصة

بسم الله

البصاره
المقادير
كوب فول مدشوش منقوع ليله كامله مع البيكنج بودر او الكربونات ومشطوف ومصفى
زيت
ربع كوب كزبره مفرومه
بصله كبيره مقطعه جوانح
بصل اضافى للتزيين
نعناع يابس 3 ملاعق كبار
ملح فلفل كزبره كمون فلفل حار
ثوم مدقوق (حسب الرغبه) فى ناس يحبو يحطوا الثوم وفى ناس مايحبو يحطوا الثوم
طريقه التحضير
ضعى الفول فى الماء البارد واتركيه يغلى على نار عاليه عشر دقائق مع مراعاه نزع الرغوه ثم خفففى النار واتركيه يستوى على مهله ثم ضعى الثوم واتركيه يغلى على نار هادئه عشر دقائق ثم ضيفى الكزبره والنعناع و التوابل كلها ماعدا الكمون واضربيه فى الخلاط جديدا ثم صبيه فى الطنجره واتركيه يغلى ثم طفى النار وضيفى الكمون
واقلى البصله فى الزيت الى ان تصبح لونها ذهبى ثم طشيها على البصاره وغطى بسرعه واتركى الغطاء عشر دقائق من دون فتح

ثم قدمى فى اطباق وزينيها بالبصل المقلى وقدمى بجانبه خبز الثوم وحلقات البصل بالخل والليمون وزيت الزيتون
وبالف هنا وعافيه


فته الكوارع
لاحلى حماة ....حماة ابنى

المقادير
كوارع غنم اوبقر مقطعه حلقات ومنقوعه فى الخل والملح والليمون ومشطوفه جيدا
مطيبات الشوربه(هيل فلفل اسود حب لورا مستكه بصل ثوم واحده مسمار وعود قرفه صغير)
كوب ارز
زيت او سمن
عيش حب محمص ومكسر
مقادير الدقه
ثوم مدقوق
كزبره مطحونه
وخل
مقادير الصلصه
2 ملعقه معجون طماطم+طماطمه كبيره طازجه
بصل جوانح
قرن فلفل حار حسب الرغبه
زيت
توابل (كركم كزبره كمون فلفل اسود ملح جوزه الطيب رسه بسيطه جدا سكر اناتو )
فصين ثوم مدقوقين
بقدونس مفروم لتجميل الطبق

ملاحظه
التوابل على حسب ذوق كل شخص يعنى ممكن لا تضيفى كل التوابل المذكوره

طريقه التحضير
اسلقى الكوارع مع وضع مطيبات الشوربه طبعا
اقلى الارز فى الزيت ثم اسقيه بشوربه الكوارع واتركيه يستوى

طريقه الصلصه
كشنى البصله فى الزيت ثم ضيفى الفلفل والثوم والكركم والتوابل كلها ماعدا الكمون ثم ضيفى الطماطم واتركيها تتسبك واذ احتاجت مايه ضعى شويه شوربه كوارع
طريقه الدقه
اقلى الثوم فى الزيت ثم اضيفى الكزبره وطشيها بالخل واقفلى الغطا بسررررعه وتركيها لحين التقديم
شوحى الكوارع فى قليل من الزيت والفلفل الاسود والففلل الحار

فى صحن تقديم كبير
صعى طبقه ارز ابيض ثم الخبز المحمص واسقيه بشوربه الكوارع المضاف اليها القليل من الدقه
ثم ضعى طبقه ارز اخرى واسقيها بقليل من الشوربه ايضا
ثم رصى الكوارع فوق الارز ورشى حولها الصلصه
ويمكنك ان تخلطى الكوارع مع مقدار من الصلصه حسب الرغبه

رشى فوقها البقدونس المفروم
وقدمى بجانبها فى ثلاث قوارب الصلصه والدقه والشوربه للى يحب يزيد

وبالف هنا وعافيه
ملحوظه
فته اللحم نفس الطريقه بس بدل الكوارع بيبقى لحم خروف او غنم وبنقلل الثوم شوى
وكذلك نفس فته لحمه الراس ولكن مع مرعاه تتبيل بالدقيق و قلى ( اللسان والفشه والكرشه ) فى الزيت الى ان يصبح لونهم ذهبى ومقرمش
:32: انا جعت


اى استفسار عن اى شىء انا فى الخدمه ديما