don :

دجاج ملفوف بالسبانخ 1/2 ك ورق سبانخ – صدور فراخ – كريمة لبانى – بياض بيضة – ملح وفلفل الطريقة نسلق السبانخ فى ماء مغلى ونبردها بسرعه تحت ماء بارد ونصفيها من الماء ثم نضعها فى الخلاط مع الملح والفلفل ونساير الفراخ الصغيرة والكريمة وبياض البيضة لحد ماينعموا نفرد الصدر على الرخامة ونضع معلقة من الحشو ونلفها وبعدين نلفها فى ورقة فويل ونقفلها كويس نضع فى مقلاية زبد او سمن ونشوح فيها وحدات الفويل شوية ثم نضع شرائح بصل رفيعه لحد ماتصفر وشوية خل وشوية ماء صغيرين وندخلها الفرن لحد ماتستوى وبعد ماتطلع نفك الفويل ونطع الفراخ شرائح ملحوظة انتوا عارفين يعنى اية نساير الفراخ؟؟؟ مش الصدر بيبقى تخين ودايما تلاقى حتة رفيعه كدة مفصولة عنه ؟؟ هى دى اللى يقصدها

دجاج ملفوف بالسبانخ 1/2 ك ورق سبانخ – صدور فراخ – كريمة لبانى – بياض بيضة – ملح وفلفل...

don :

ياحبيبتى ربنا يخليكى اشكرك والله صباح الفل يا رانيا ربنا يخليكى يارانيتى بالنسبة للنعناع انتى جايبة قد اية؟؟ متجبيش من اى حاجة كتير ويكون اوانها فى السوق علشان تستخدميها وهى فى وقتها وهى فرش تبقى احلى انا بستحدمه زى الشبت والبقدونس وبيكون اسبوع عشر ايام انى بغسله واروح مسكاه من اسفل الساق وانطره كويس قوى من المياه وبعدين الفه فى كيس ورق واضعه فى الرف الفوقانى تحت الفريزر ولو لقيتى للنعناع من تحت جزور حطيه فى كوب فيه ماء حتلاقيه حيفضل مرعرع ياحبيبتى ربنا يخليكى اشكرك والله كلك زوق والله والله ياجنة الطبيخ سهل جدا واكيد لو عملتى حاجة حلوة وهما شكروكى وجبروا بخاطرك حتلاقى نفسك بتدخلى المطبخ تانى وتحاولى تعمليلهم حاجات تانية لحد ماتتقنى الاكل ونفسك تتفتح للمطبخ :26: لعلمك بقى انتى لو اخدتى بالك فى كيكة الجزر بالذات حتلاقى الشيف حسن قالها بطريقتين مختلفتين الصفار والبياض وحتلاقيهم مكتوبين بطريقة غير اللى قالها مرة قال 5 بياض بيض وكان بيشاور بايده على الصفار ومره قال 5 بياض بيض ومره قال 7 بس اسلم طريقة انا رجعتلها تانى دلوقتى وركزت مع الصور ومع الكمية اللى محطوطة فى الاطباق وان شاءالله كدة مظبوطة 100 مية وانا عدلتها 5 اصفر و7 ابيض اهلا تسلمى يا احلى بتول :26: بالنسبة لزيت الزيتون كان مكتوب ومجبش شيرته ولكن قال على الزبدة وهى مش مكتوبة فاحسن حاجة تشوحى الخضار فى زيت الزيتون ولما تيجى تعملى اقراص الاومليت اعمليها بالذبدة وبالنسبة للصوص حرجع الصفحه اشوفها وانتى عموما تقصدى انك عايزة تحطيه على الحلويات من فوق ؟؟ ربنا يكرمك يا ولاء يارب الف شكر ياحبيبتى :26: ياخساره يا مها شفتها بعد ما الغسيل اتبل :(

ياحبيبتى ربنا يخليكى اشكرك والله صباح الفل يا رانيا ربنا يخليكى يارانيتى بالنسبة للنعناع...

جنة1 :

والله ياجنة الطبيخ سهل جدا واكيد لو عملتى حاجة حلوة وهما شكروكى وجبروا بخاطرك حتلاقى نفسك بتدخلى المطبخ تانى وتحاولى تعمليلهم حاجات تانية لحد ماتتقنى الاكل ونفسك تتفتح للمطبخ :26: السلام عليكم ورحمة الله وبركاتة يسعد صباحك ومساك يا دندن ، جزاكى الله كل غير انك دايماً بتردى علينا شوفى يا جميل ، انا عارفة ان الطبخ سهل ونفسى مفتوحة لية ..وربنا جعلك انتى ودردشة مطابخ سبب لعشقى للوقوف فى المطبخ ، لاكن انا قصدت بظروفى ان عندى يوم الجمعة فقط اجازة فى الاسبوع ومش شرط اكون متواجدة فى البيت ، وبوصل البيت تقريباً ما بين 6.30 و7 مساءً وعندى ثلاث أطفال اكبرهم حوالى ثلاث سنوات ونصف ........... فتخيلى الوضع امبارح عملت ليهم تورتة الكيوى اللى فى ملف الاخت شروح الكلام وعلشان اعملها كان لازم اقف حوالى الساعة 5.30 الصبح فى المطبخ ......... وجوزى يقولى مش ضرورى ، وانا اقولة ابداً ، نفسى اعملها :42: وعلى فكرة انا لما عملت النوجا جلاسية من الملف بردوا طلع جميل جداً اما موضوع صوص الشكولاتة انا كان قصدى عاوزة اعرف استخدماتة ، هل هو لتغطية ولا حشو الحلويات ؟ اصلى مش بتباع البرنامج فى التليفزيون على طول وشفت مقاديرة نازلة فى الملف فحبيت استفسر عنة

والله ياجنة الطبيخ سهل جدا واكيد لو عملتى حاجة حلوة وهما شكروكى وجبروا بخاطرك حتلاقى نفسك بتدخلى...

don :

سلطة روسى كيس خضار مشكل او 1/2 ك جزر مسلوق – 1/2 ك فاصوليا مسلوقة – 1/2 ك بسلة مسلوقة – بطاطساية كبيرة مسلوقة – مايونيز – ملح وفلفل – خل – بيض مسلوق الطريقة نفطع البطاطس المسلوقة مكعبات صغيرة او متوسطة لما تيجى تسلقى الخضار تسلقيه فى ماء مغلى معاه زرة كربونات علشان يفضل لونه اخضر مزهزة زبعدين تبرديه على طول بماء بارد وتشطفيه وتصفيه من الماء نضع الخضار على البطاطس والمايونيز وفلفل وملح ونقلبها كويس وبعدين نغرفها فى طبق التقديم وتجمليها بالبيض المسلوق

سلطة روسى كيس خضار مشكل او 1/2 ك جزر مسلوق – 1/2 ك فاصوليا مسلوقة – 1/2 ك بسلة مسلوقة –...

don :

ارز بالشعيرية 2 كوب ارز – 3/4 كوب شعيرية – 2 حبهان – 2 قرنفل – ورقة لاورو – ملح وفلفل 2 معلقة سمنة او زبت الطريقة نضع زيت وسمن فى حله على النار ونحمر فيها الشعيرية لحد مالونها يحمر ثم نضع الارز عليها ونقلبهم كويس ثم نضع الحيهان والقرنفل والاورو والملح والفلفل ونقلب ثم نضع الماء او شوربة الفراخ وقلب ونغطيه ويستوى عادى

ارز بالشعيرية 2 كوب ارز – 3/4 كوب شعيرية – 2 حبهان – 2 قرنفل – ورقة لاورو – ملح وفلفل 2...