*المسافرة* :

تسلمين حياتي هتون عالسندويتشات اللذيذة.. والله أتمنى لو عيالي ياكلون جذيه كنت مرتاحة ههههههههههه.. تلقينهم بيشيلون كل اللي فوق.. وبياكلونه خالي وهذا ان كلوه بعد.. مع انه شكلهم يجنن ماشالله.. وبانتظار المزيد عيوني من هالوصفات الرائعة.. وربي يعطيج العافية.. ¸. • ( `•.¸ `•.¸ ) ¸.• (`'•.¸(` '•. ¸ * ¸.•'´)¸.•'´) «´¨`.¸.*..*المسافرة*..*.¸.´¨`» «´¨`.¸.* *. ¸.´¨`» (¸. •'´(¸.•'´ * `'•.¸)`'•.¸ ) .•´ `•.¸ `•.¸ ) ¸. •

تسلمين حياتي هتون عالسندويتشات اللذيذة.. والله أتمنى لو عيالي ياكلون جذيه كنت مرتاحة...

غرشوب رعبوب :

السلام عليكم ورحمة الله وبركاته :) اول مره اشارك بهالقسم وبحاول أكتب لكم شو عيالي يحبون ياكلون بس للاسف بدون صور بحاول أصور الاكلات إذا سويتهن بعدين بالنسبه للسمك عموما الاطفال يحبون الكنعد لانه بدون شوك طريقتي بالكنعد حتى زوجي يحبها المكونات سمك كنعد مقطع دوائر كبيره وشوي عريضه (سميك) بزار (بهارات) ليمونه ورق غار بطاطس مقلي ومقطع دوائر بصل مقطع دوائر طماط مقطع دوائر فصين ثوم علبتين صلصل متوسطات ملح مكعبين ماجي الخضروات باذنجان مقلي دوائر فلفل رومي بارد مقطع دوائر كوب طحين ابيض زيت للقلي حبة طماط كبيره وناظجه الطريقة أول تغسلين السمك عدل وبعدين تاخذين كل قطعه وتحاولين تشيلين الجلد بالسكين وبعدين تشيلين العظم هو اصلا القطعه فيها عظم على شكل زائد + حاولي تقطعين اللحمه اللي بوسط كل مربع وتطلعينها بدون جلد ولا عظم مادري فهمتو علي ؟؟؟ بتتكون عندك مجموعه من قطع السمك بدون جلد ولا عظم مكعبات بعدين تبلي السمك بالملح والبهارات وعصري عليها الليمون وخليها تتبل لمدة ساعه بعدين اقلي السمك في الزيت اول شي حطي مكعب السمك في الطحين وبعدين في الزيت وحمريه عادي بس لا تخلينه يابس يعني خليه يتم طري لونه ذهبي وناضج باعتدال سوي الصلصه وهي عباره عن الصلصل + ورق الغار + مكعبات الماجي + كوبين ماي+ حبة طماطم كبيره ناضجه + الثوم واذا تبين فلفل حار اخضر او احمر هذا اختياري وضربي هالخليط كله في الخلاط بعدين حطي الخليط على النار لين تلاحظين انه صار غليظ بدا يثقل جيبي صينية الفرن صفي السمك في الصينيه وبعدين فوقه البطاطس والباذنجان وبعدين البصل وبعدين الفلفل البارد وبعدين الطماط الحلقات وصبي عليه الصلصه ودخليه في الفرن شغلي من فوق ومن تحت لين تحسين السمك شرب الصلصه وتم منها شوي كمرق وتحمر الوجه سوي معاه رز ابيض او رز بخلطة البرياني مثل ماتحبين :26: معكرونة البشاميل بالدجاج والجبن طبعا كلكم تعرفون المعكرونه بالبشاميل اسلقي دجاجه وحطي حق الماي مكعبين ماجي وفلفل اسود وخليها لين تستوي بعدين طلعي الدجاجه وفي الماي مال الدجاجه سلقي المعكرونه زيدي الماي ملح وزيدي المرق ماي اذا حسيتي انه ماراح يكفي لسلق المعكرونه فتي الدجاجه وسوي لها صلصه عباره عن حبتين طماط حمرا وعلبة صلصل فلفل بارد حبة وحده صغيره ومفرومه ناعم بصله مفرومه ناعم مكعب ماجي بالخضار خلطي الطماط مع الصلصل وشويه ماي بالخلاط ومكعب ماجي بالخضروات حطي شويت زيت بالمقلاه وحمسي البصل لين يصير لونه ذهبي يذبل وبعدين حطي معاه الفلفل لين يذبل شوي وبعدين صبي عليه الصلصه اللي خلطيها وبعدين الدجاج وقيسي الملح وخليه لين تغلظ الصلصه وتحسينها صارت ثقيله صفي المعكرونه بعد ماتستوي سوي البشاميل وهو عباره عن : علبة قشطه ثلاثة اكواب حليب ست ملاعق اكل ممسوحه طحين ابيض زبده اللي اعتقد حجمها صغير 240 جم مب متأكد هي اصغر حجم ملح ورشه خفيييييييييييفه بزار اول شي سيحي الزبده وبعدين حطي الطحين وخليه لين يسوي فقاعات وتطلع ريحته بتشمين ريحة الطحين كنه متحمص بس لا تخلين النار عاليه لا متوسطه وحاسبي لا يحترق تراه ماياخذ اكثر من دقيقه بس صبي الحليب عليه وحركيه بسرعه وحطي علبة القشطه والملح ورشة البزار وحركيه لين تغلظ الباشميل حطي نص المعكرونه في الصينيه وفوقها حطي صلصة الدجاج فوق الدجاج صبي شوي بشاميل وبعدين حطي معكرونه وصبي باقي البشاميل وفوقه حطي جبنة شيدر سلايز وبعدين رشي جبنة موزاريلاوبالاخير رشي شوي بقسماط ودخليها الفرن من فوق ومن تحت وخليه لين الوجه يحمر ويم يمممممممممممممممم:26:

السلام عليكم ورحمة الله وبركاته :) اول مره اشارك بهالقسم وبحاول أكتب لكم شو عيالي يحبون...