على الفطور يفضل بر مثل :
عند العصيده والحنيني والمراصيع

اما الغداء :
فمرقة اللحم او الدجاج ممتازه وهالله هالله بالفلفل الاسود معهم
او القرصان ولا المطازيز لان البر جداا مفييييد
وعليك ببعض الاعشاب المفيده
مثل الحبة السوداء والرشاد والفلفل الاسود

وتشربين لك القرفه او الكمون مع القرفه والزنجبيل وقشر القهوه لانهم ينظفوا
وشرب الحليب الصباح وعند النوم وحطي معه الزنجبيل او السفوف اللي انت مجهزته افضل
وهذا كل اللي اتذكره الحين

اجي مرة تانية واقولكم اني سألت وقالولي اهم شي الحلبة
وكمان البر << ماما تسوي بالدقيق البر فطير وتقطعها وتحطلها سمن بلدي وعسل وتسمى هادي الاكلة عريكة
وكمان مرقة دجاج ومرقة لحم
وبالنسبة للطبق حقك يا ام عزيزان انا اول مرة اشوفو بس شكلي راح اسويه ان شاء الله لما اولد :) شكرا يا بنات
باي

مشكوووووووووووووووووووووورين وماااقصرتو بردتو قلبي بردودكم الحمدلله المنتدى الى الحين فيه خير

فيه بعد ياقلبي القشر بالاضافة
الى الاشياء اللي ذكروها البنات
تحطين 5 حبات تمر
وملعقة قشر محموس
وشوية حلبة
وزبيب تقريبا ملعقتين
وشوية سنوت بلدي هو له اسم ثاني بس ما اعرف اسمه
وملعقة قرفة مطحونة صغيرة
وتخلينها تغلي على النار لمدة ثلث ساعة تقريبا
بعدين تصفينها وتحطينها في الابريق
طبعا ما يتحلى بالسكر اذا انه ما هو حالي
تحلينة بالعسل
بنات هذا الشراب مشهووووووووور عند الجنوبيات
وعلى فكرة يا بنات ترى اللي عندها فقر دم هذا الشراب
مممتاز للدم

بنات الصباح على الريق حاولوا تاخذوووووووون عسل
ملعقة تقريبا علشان ينظف الرحم بس اللي عندها سكر الحمل تبعد
عنه وتستعيض عنه بالتمر


فية بعد عريكة التمر
هذي سمن مع تمر ينحمس على النار وبعدين تحطين
البر وتحركين حتى ينخلط التمر مع البر

وهذي بعض الروابط اللي تخص النفاس
نظام فيافي.. بعد التعديل والترتيب

ديوان النفسااء ........... لكل النفسااء



:D :D :D :D

والله اكل النفاس معروف .. الحلبه .. والمرقوق .. وعصيدة التمر.. وعصيدة اللحم.. والقرص اللي هو عباره عن طحين بر مع ماء وملح شوووي وتصير عجينه شبه سايله وبعدها تجيبين المقلاه وتحطين شوووي زيت وتحطين العجينه وتسوينه على شكل دوائر زي الخبز .. ولما تسوين الكميه اللي تبغين .. تقطعين القرص صغااااار وتحطين عليه سمن وعسل ورشاد وحبه سودا واللي تبغين تحطينه حطيه .. حلووو طعمه مررره مع الحليب الحااار .. هذا الفطووور اغلب شي نسويه ..
طبعا هذا غير الحوايج .. اللي هي الرشاد والحبه السودا والقرفه والكمووون .. واشيااااء كثير ..

ان شاء الله استفدتوا . ..

بسأل امي واشوف اذا فيه شي جديد ..

في امان الله ..