أدعوكم صديقاتى لمشاركتى أكلة شتوية شعبية مصرية مئة بالمئة

الرز بالفول الأخضر

المقادير
كيلو فول أخضر كبير الحجم (رومى)
بصلة كبيرة مفرومة
فلفلة حارة مفرومة
5 فصوص ثوم
ملح - فلفل - كمون - بهارات - قرفة - كسبرة جافة - شطة
2 ملعقة صلصة طماطم
كوب و نصف رز مصرى
2 كوب ماء
زيت نباتى أو سمن بلدى حسب الرغبة

الطريقة

1 - نقشر الفول الأخضر و نغسلة و نتركه ليجف جيداً فى مصفاه
2 - نحمر البصلة قليلاً فى الزيت ثم نضيف الثوم و الفلفلة الحارة
3 - نضيف الفول و نقلب أطول وقت ممكن (عشر دقائق على الأقل)
4 - نضيف جميع البهارات ما عادا الملح
(لا تنسى لأن لو ضفتى الملح من الأول الفول مش هيستوى)
5 - ضيفى الماء و الصلصة و اتركيها تغلى على نار هادئة ربع ساعة
6 - تذوفى واحدة فول كبيرة لتتأكدى إن الفول كله أستوى و عندها ضيفى الملح ثم الرز
7 - أتركيه يتشرب ثم وطى النار تماماً ربع ساعة حتى يستوى الرز
يقدم مع البطاطس المحمرة و السلطة الخضراء و المخلل
ودى أكلة خالية من البروتين الحيوانى للى عاوز يريح من اللحوم شوية أو للنباتيين

عزيزتى نساء صغيرات
سألتى عن الرز بالشعرية و ده أسهل رز فى الدنيا و إن شاء الله يظبط معاكى

المقادير

نصف كوب شعرية
2 كوب رز مصرى أو طويل مغسول و منقوع ربع ساعة
زيت نباتى أو سمن حسب زوقك
من 2 إلى 3 أكواب ماء حسب نوع الرز


الطريقة

1 - نضع الزيت أو السمن على النار و و عندما يسخن نضع الشعرية و نقلب حتر يصبح لون الشعرية بنى فاتح و احرصى أن لا تصبح الشعرية بنى غامق لأن كده معناه إنها اتحرقت و ما تنفعش خلاص
2 - نضع الرز و نقلب جيداً حوالى 3 دقائق ( قلبى دقيقة واحدة فقط و بحرص فى حالة الرز الطويل الحبة حتى لا تنكسر)
3 - ضيفى الماء و عندما يتشرب الرز وطى النار إلى أن يستوى

شفتى سهل إزاى ؟؟؟؟؟؟
:25: :25: :25: :25:

تسلم ايديك مشرووم

الف شكرا اختي مشروم على التعاون الجميل منك بصراحه ما كنت اعرف انها سهله .. لكن مشكوره ما قصرتي

السلام عليكم

اسمك حلوووووة :34:

واكلاتك طيبة :34: وحلوة مثلك :27: :27: