كبسه اللحم .


* المقادير:

على حسب حجم العائله تحطين اللحم


مثلا

1) كيلو لحم

بصل + طماط + بهارات


ليمون اسود + اعواد دارسين

ارز المهيدب بسمتي أو الابيض
ابو كاس .........الخ فيه انواع كثير من الرز بس اهم شئ انه يكون ممتاز

الطريقه:

يغسل اللحم ويصفى من الماء

يقطع بصله واحده الى قطع صغيرة

وتحمر بالزيت الى ان تشقر .

وحطي عليها اللحم

وحمريه معاها الين ينشف من الماء


بعدين ضيفي لها البهارات وضيفي لها الدارسين بس عودين

وقليل من الفلفل الاسود

وبعدها ضيفي لها حبتين طماط مقطعه صغير .

ومكعب ماجي واحد

وفلفله بارده وحده الخضراء او الصفراء او الحمراء او تشكلين بكيفك بس مقدار واحده

وبعد مايستوي الطماط تضفين له الماء المغلي .

وتضيفين له الملح حسب الرغبه أنا احط 2 ملعقه طعام

لين يكون طعمه كويس

وتخلينه يستوي مده ساعتين

واذا كان اللحم فرش لمده ساعه ونص

قبل لا تحطين الرز بربع ساعه اغسليه بالماء الدافئ


ملاحظه:

وانتي تغسلين الرز ماتهرسينه وتكسرينه حبات الرز

دخلي يدك مثل الشوكه

________

وخلي يتنقع لمده عشر دقائق _ ربع ساعه
===========
وسوي الكشنه :

بصله واحده وافرميها صغير

وحمريها بزيت مقدار فنجان القهوة الصغير

وحطي معها نص ملعقه معجون طماطم

وضيفي لها قليل من الهيل المطحون

وزبيب اغسلي مقدار ملعقه وصفيه من المااااااء

وضيفي لها


وحركيه لين يمتزج مع الحمسه ( الكشنه )


وبس

===========


لا نضج اللحم طلعيه وصفيه من الماء


وصفي ماء اللحم وحطي في قدر ثاني

ورجعيه على النار ورجعي اللحم داخله مره ثانيه

وصفيه من الزيت حق اللحم بحيث انك تاخذين ملعقه وتشيلين الزيت الطافح

وحطي ليمون اسود وحده

وصفي الرز من الماء

وضيفه على اللحم بالقدر

والماء لازم يغطي مستوى الرز

اذا كان يحتاج للماء زيديه ماء مغلي بعد اضافتك للماء الي بتضيفينه ملح حسب الرغبة.

واذا كان الملح كويس مايحتاج تضيفين له.

بالفترة الي الرز يطبخ اذا كنتي تحبين تكون الكبسه حاره ضيفي ثلاث علوب فلفل حار.

وصفي من الكشنه الزيت

وخوذي زيت الكشنه وصبيه على اللحم والرز

وحركيه .
وبعد مايطبخ الرز وتقل نسبه الماء

قصري على النار وغطي القدر بقصدير

وحطي الغطاء فوقه



وبعد ماينضج الرز


تاخذين مقدار ملعقه كبيره حقت الرز


ارز وتخلطينها مع الكشنه في قدر الكشنه

وتحطين باقي الرز بصحن التقديم وعليه اللحم


و تحطين فوقه من الجوانب الرز المخلوط مع الكشنه


وتحطين عليه حلقات ليمون وبصل وبقدونس

وتقدمينه


وبالهنااااااااااااااااء والعافيه.

الكبسه الحمراء


المقادير

3 كاسات رز مزه الوليمه

دجاجه

بصل + طماط + بهارات مشكله + فلفل أسود .

لومي أسود + كـمون + مسمار ( قرنفل ) + قليل من الهيل تقريبأ 5 حبات

ورق الغار + أعواد دارسين .

ملح + ماجي أبيض + مكعب ماجي الدجاج <<<<<<<< حسب الذوق الماجي اذا تحبين حطي ماتحبين بلاش بس يعطي طعم

* الطريقه :

نغسل الرز وننقعه بمااااااء الدافئ

وبعدها

يفرم البصل صغير ويحمر على النار

بعد مايتحمر البصل على النار تضيفين له الدجاج المقطع الى اربع قطع او قطعتين

وتضيفينه له بعد ماينشف من الدجاج المويه

تضيفين له البهارات والفلفل الاسود واعواد الدارسين والقرنفل والهيل والماجي والملح وباقي البهارات


وتكونين مقطعه الطماطه ( طماطه كبيرة) تحطينها فوقها

لين تذبل


وبعدها تصبين عليه ماااااء مغلي .

وتخلينه يطبخ لين يستوي الدجاج


******* طريقه الكشنه :


خوذي بصله صغيره قطعيها حيل صغير وحمريها بمقدار واحد بياله زيت ( كاسه شاهي ) على النار
لين ينضج البصل ويشقر

تضفين له طماطتين كبيرة حمراء

مقطعه أكبر من تقطيع البصل بشوي
الين تستوي وتضفين عليها ملعقه معجون صلصه طماط لين تمتزج معاها وتستوي


وتضفين له الكمون نص ملعقه شاي .

وتضفين له قليل قليل من الهيل المطحون

وبعد ماتستوي الكشنه طفي النار وخليها


***************************


بعد مايستوي الدجاج تطلعينه وتحطينه بصينيه الفرن .

وخوذي شوي صبغ الزعفران مع قليل من الليمون واصبغي فيه الدجاج ودخليه الفرن للتتحمر .

صفي ماء الدجاج من اعواد الدارسين والبصل والهيل يكون عندك بعد ماتصفينه ماء صافي.


ورجعيه على النار .


ملاحظه ( تصفين المرق من اي نقطه زيت )

بعد مايغلي تكونين مصفيه الرز من المويه وتضيفينه له

وتخلينه يطبخ لين يغلي والماء لازم يكون مغطي الرز بشوي ماهو كثير ( لان الرز ماخذ كفايته من التنقيع ) .


بعد مايطبخ الرز والماء فيه

ضيفي له الكشنه وخليها تطبخ معه

وامزجيهاا بالملاس ((ملعقه الرز الكبيرة )) مع بعض .

وقبل لا ينشف الرز من الماء قصري على النار .

ولا استوى قدميه بصحن التقديم

وزينيه بشرائح الليمون والكزبرة .


بالهنااااااااااء والعافيه

المقادير :


دجاجه مقطعه الى مكعبات صغيرة

بصله كبيرة مقطعه صغير صغير حيل

معجون طماطم مقدار 2 ملعقه

مكعبات بطاطس حبتين

جزرتين مقطعه مكعبات

باذنجان مقطع مكعبات مقدار 1 باذنجان

ماجي الابيض ( اجينوا موتو)

فلفل بارد حبه وحده مقطع مكعبات

طماطه مقطعه الى قطع صغيره

فلفل حار مقطع من النص مقدار 3 حبات

ورق الغار ( ورقتين )

ليمون أسود ( حبه وحده ) + بهارات

2 عود دارسين

فلفل أسود مطحون + مكعب ماجي + ملح

أرز أبو بنتين ( على حسب الكميه الي تكفي أفراد الاسرة تحطي الرز )

** الطريقة:

يحمر البصل بالزيت مقدار كاسه شاي ( بياله)
وبعد مايحمر يضاف اليه الدجاج ويحمر مع

البطاطس والجزر والباذنجان والفلفل البارد والطماطه

ويضاف له البهارات وورق الغار والفلفل الاسود والليمون الاسود

والملح والماجي واعواد الدارسين .

وبعدها يضاف كاسين ماء مغلي مع ملعقتين معجون الطماط

وتوضع عليه الفلفل الحار المقطع من النص

ويترك على نار هادئه لينضج الدجاج

**********************

ويسلق الرز مع الماء والملح ويكون الماء نوع ما كثير


وقليل من الماجي الابيض ( اجينوا موتوا ) مقدار ملعقه السكريه الصغيرة بس

لان اذا كثرتي منه يخرب الطعم

بعد ما يستوي يصفى من الماء

ويضاف الى الدجاج

ويترك على نار هادئه حتى ينشف من الماء

بعد مايستوي تطفين النار

وتجيبين صحن التقديم

وتضعين فيه الرز الابيض على جوانب

وباقي الرز والدجاج يوضع في جوف الصحن

ويزين بالليمون والبقدونس وشرائح البصل الرقيقه


وبالهنااااااااااااء والعافيه

وماكول الهناء
:55:

برياني تاكلين منه لين تتعبين

اممممممممممممممممممممم اكثر من لذيذ


****************************

المقادير :

دجاجة مقطعه الى اربع قطع

ارز بسمتي أبيض ويفضل ( المهيدب أو الوليمه )

باذنجان حبتين مقطعه الى شرائح رفيعه

بطاطس مقدار 2 حبه مقطعه الى شرائح رفيعه.

فلفل بارد حبتين مقطع الى شرائح رفيعه.

جزر 3 حبات مقطع الى شرائح رفيعه.

بصله وحده مقطعه الى شرائح رفيعه .

دارسين + ماجي مكعب واحد بنكهه الدجاج + ملح

ليمون أسود + بهارات + ورق الغار

معجون طماط + كزبرة مقطعه صغير حيل حيل .

**** الطريقه:

يغلى الدجاج بماء وملح حتى ينضج مع البهارات .

يقلى البطاطس بالزيت ثم الجزر ثم الباذنجان ثم الفلفل البارد

وبعد مايستوي الدجاج

تصفينه من الماء وتقلينه بالزيت

وبعد ماتقلينه تضيفين البصل للزيت ويقلى

وبعد ماتخلصين من القلي

تحمرين بصله وحده مفرومه بالقدر الطبخ برش الماء عليه حتى يحمر البصل

ثم يضاف الطماطم المقطع الى قطع صغيرة ويخلط مع البصل حتى يبدأ بالاستواء بعدها

تضيفين الدجاج وتضيفين عليه بهارات وبعدها تضيفين كاس ماء مغلي فيه معجون طماط مقدار 2 ملعقه كبيرة

تغطين القدر وتقصرين على النار

**********************************

وتسلقين الرز وتضيفين له الملح ويكون الماء كثير نوع ما.


و((قليل من الماجي ابيض ( اجينوا موتوا ) ملعقه سكر صغيرة)) وملعقتين زيت

على شان الرز ما يلتصق في بعض

قبل لا يستوي الرز بقليل تشخلينه من الماء.

وتاخذين الخضروات الي سبق وقليتيها ( ماعدا البصل )

تضيفينه على الدجاج

وتضيفين الرز للدجاج والخضروات.

وتساوين الرز بملعقه الرز ( الملاس ).



وتضيفين له البصل وتخلينه على نار هادئه لمده دقائق.

يعني البصل يكون على وجه الرز

وقت تقديم الرز .

شيلي البصل مع قليل من الرز الي على وجه القدر وحطية في طبق

وانكبي ( اسكبي ) الرز بصحن التقديم

وخوذي الرز الابيض الي مع البصل اخلطيهم مع بعض وحطيه على اطراف الرز الي بصحن التقديم .

وزينيه بالكزبره والليمون .

وبالهناااااء والعافيه

وماكول الهناء على قلوبكم:55:

************
ونصيحه :

اي نوع تاخذونه للرز خوذوا المحصول القديم لانه أجود

لان الجديد بسرعه يتكسر ويكون نسبه النشاء فيه كثيرررة.

:27::27:

وجه الخير:21:


ولي عوده بالجديد واللذيذ بأذن الله :time:

ماشاء الله عليكى وجه الخير

طبخاتك وطريقتك مميزه :23: والوصف دقيق و بمزاااااااااااج وحرفنه ماشاء الله عليكى

طبخات ارز فعلا على اصووووووووووووولها

موضوع يستحق التثبيت :32:

تسلم ايدك يا ست الكل