امانى61
•
بصى دينا انا عملت 5 بيضات عليهم كوب الا ربع سكر وكيس فانلياو معلقة صغيرة محسن كيك وضربتهم بالمضرب لحد ما ابيض لونهم وبعد كده ضفت كوب الاربع دقيق عليهم ربع كوب كاكاو دارك ومعلقة بيكنج بودرمع العلم ان كنت باعمل المقدار ده قبل كده بس بدون المحسن وكانت بتنجح معايا ؟!!! وايوه يا دينا انا حطيت المحسن الشفاف اللى عامل زى الجل وطلعته من الثلاجه قبلها بمده!!!
don :
• اساس عمل الكيكة الاسفنجية غير المتعارف عليها اعملى بعد كدة الكيكة الاسفنجية بالطريقة دى دايما وحتنجح معاكى تماما يعنى المقدار اللى حكتبة فى اى وصفه فيها كيكة اسفنجية او جاتوة وحنكون كاتبين المقادير تتبعى الطريقة اللى انا حكتبها دلوقتى بالترتيب اللى حكتبه اول حاجة تعمليها نضع السكر والبيض والفانيليا والمحسن وربع كمية الدقيق اللى مكتوبة ونص كمية الماء ونشغل الخلاط على اعلى سرعه لحد ماتعلى وتنفش ثم نضع باقى كمية الدقيق بالبيكنج بودر وباقى كمية الماء ونخلطهم على درجة متوسطة ثم نعلى السرعه لاعلى قوة لمدة نص دقيقة ضروووورى ولازم ويجب لسهولة توضيب اجناب الكيكة الاسفنجية انك تضعى ماء ساخن فى طبق وبعدين تجيبى سكينة كبيرة وتضعيها الاول فى الماء وبعدين تقطعى بيها اة زيادات انتى مش محتاجاها وكدة الكيكة مش حتتفرفط منك بل بالعكس حتتساوى زى الخط المستقيم• اساس عمل الكيكة الاسفنجية غير المتعارف عليها اعملى بعد كدة الكيكة الاسفنجية بالطريقة دى دايما...
بصى يا أمانى أبله دينا كانت قايله الطريقة ديه فى عمل الكيكة الأسفنجية مع اى مقادير يعنى اعملى المقادير اللى انتى عارفاها و بس اعملى التكنينك ده و هتنجح معاكى إن شاء الله
يلا ابقى جربى و قوليلنا و بالهنا و الشفا
يلا ابقى جربى و قوليلنا و بالهنا و الشفا
الصفحة الأخيرة
بالنسبة لتحمير القطايف: اذا كنتى عيزاها مقرمشة يبقى تحمريها فى زيت غزير، اذا كنتى عيزاها طرية متقدحيش الزيت يكون على البارد شوية ومش غزير وممكن تخلطى زيت وسمنة مع بعض
:cook:
البشاميل الحلو للحلويات
200ج باسترى كريم - 100ج كريم شانتى
الطريقة
نضع الباسترى كريم فى طبق غويط ونحركه كويس بالمضرب السلك علشان ينعم شوية ونضيفله سنة حليب اثناء الضرب ثم نضع علية الكريم شانتى ونخلطهم ببعض تانى كويس ونضعه على وش الصينية
:cook:
الكريم باتسير
دى طريقة عمل الكريم باتسير فى البيت
كيلو حليب - 200ج سكر - 80ج كستر بودر - 4 صفار بيض - 2 ونص ج فانيليا
الطريقة
نضع فى طبق يلاستيك السكر وصفار البيض والفانيليا والكاستر بودر ونضربهم بالمضرب السلك كويس قوى قوى . نضع الحليب على النار لحد مايغلى ثم نضع علية الخليط ونخلط بالمضرب السلك كويس يادوب غلوة على النار ثم نضعها فى طبق ونغطيها بسرعة بكيس بلاستيك ونقفل على وش الطبق كويس قوى علشان متعملش قشرة (الطبقة الجامدة اللى بتتكون دايما على الوش)
:cook:
ملحوظة مفيدة
لو مش عايزة تقلى الدونات فى الزيت ممكن بعد مايخمر ترصصيه فى الصينية وتدهنى وشه بالبيض وندخله الفرن على 200 درجة
:cook:
ملحوظة
الشيف دايما لما بيجى يفرك الكنافة بعد ما بيقطعها بيضع على 1/2 كيلو الكنافة كوب سمنة + كوب سكر بودرة وبيفرك بيهم الكنافة كويس قوى
:cook:
1-كريمة لبانى = كريمة فريش = فريش كريم = قشدة الخفق