كوبونات الراقية تسجيل الدخول

Noody30
Noody30 •
الف شكر يا دندونة، كده انا فهمت بالنسبة للرقاق الطري، طيب بالنسبة للميل في العلب الجاهزة اسمها ايه؟؟ الزهار برضه و الا حاجة تانية؟؟ و هل ينفع الاقيها في مترو او الف ماركت؟؟

و بالنسبة للميزان، معنديش حد رايح عمرة، طيب ماركته ايه و اجيبه من هنا منين؟؟ معلش تعبتك معايا
natally
natally •
السلام عليكم ازيكم يا قمرات عالم حواء والله منورين
ازيك ياابلة دون
ياستي بصراحة الف شكر ليكي علي المجهود الجبار اللي انتي بتعمليه بصراحة
ومبروك علي الجزء الجديد ده وربنا مايحرمناش منك علي فكرة ياقمر انا من زمان وانا بدور علي الكيكة اللي بالعسل الاسود ربنا يكرمك وتنزليهالنا من فضلك
وكمان عايزة اسالك ازاي اعمل الخبيزة وهل ممكن احفظها في الفريزر
رواء الاسلام
رواء الاسلام •
don don :
انا كمان عايزة الكيكة يا دون الله يكرمك يا رب
don
don •
ronii ronii :
hello don عما العاشوره امبارح تسلم ايديكي اول مره تعمل ي البيت طعمها حلو اوي و دي الصوره ميرسي ليكي ;)
hello don عما العاشوره امبارح تسلم ايديكي اول مره تعمل ي البيت طعمها حلو اوي و دي...
معلش يا مسلمة سبت الجهاز ونزلت جرى جالى مشوار فى السريع وكان الدور عليكى فى الرد بصى يا ست الكل انا بعمل العدس الاسود كنوع من السلطات بس مش عارفة هى دى اللى انتى عيزاها ولا لأ عموما اكتبهالك ولعلها تطلع هيا
بصى مثلا
2 كوب عدس اسود مسلوق - 4 فصوص ثوم مهروسين - 2 عصير ليمونة كبار - ملح - حوالى نقول ربع كوب زيت زيتون -
اسلقى العدس عادى وصفية من الماء بتاعه
وبعدين قشرى الثوم واهرسيه مع الملح ثم ضعى عليه عصير الليمون
وبعدين ضعى الثوم بالملح بعصير الليمون بعد ما تخلطيهم على العدس
وتروحى خلطاهم كويس بالمعلقة مع معلقة زيت زيتون وتضعيهم فى الطبق و ترشى على الوش كمان معلقة زيت وبالهنا والشفا
على فكرة يا مسلمة جربى حطى معاهم بصلة خضراء مفرومة بتدى طعم جميل وممكن رشة شطة صغيرة للى بيحب الشطة
don
don •
don don :
ملحوظة بالنسبة للميل فى بالمهلبية ملهوش مقدار معين يعنى ممكن تعملية فى صينية كبيرة وممكن صينية صغيرة وهو مجرد راقات ما بين المهلبية والميل فى طعمه جميل جدا وخفيف جدا وبنستعمل المهلبية وهى ساخنة فبتطرى الميل فى شوية ذوقية حسب رغبتك بالمكسرات الصحيحة او المفرومة
ملحوظة بالنسبة للميل فى بالمهلبية ملهوش مقدار معين يعنى ممكن تعملية فى صينية كبيرة وممكن صينية...
نودى ايوة ممكن تلاقية فى الفا او فى مترو وهو مش الزهار دة انا بديلك مثال وهو علبة كرتون مكتوب عليها ميل فى ومتصور على غطاء العلبة وهو لاى شركة مش اسم معين لكن مكتوب علية من برة ميل فى وبالنسبة للميزان من عنيا حبصلك على اسمه واكتبهولك وهو ممكن تلاقية فى عمر افندى او اى حد بتاع ادوات منزلية كبير الميزان دة معروف ومميز لانه حديد غير الباقيين بيكونوا بلاستيك

رواء حاضر يا حبيبتى حكتبلكم الكيكة

natally العف يا حبيبتى انا تحت امركم وبالنسبة للكيكة حاضر وبالنسبة للخبيزة انا كتبتها قبل كدة يا نتالى عموما بصى عليها فى التلخيص حتلاقيها والتلخيص موجود فى توقيعى وتوقيع نودى

فـواغي ماشى يا ست الكل انا فى انتظارك وبالهنا والشفا