صباح النور يا اماريج تسلمى يارب وانتوا تستاهلوا المجهود دة واكتر كمان ربنا يديم المحبة بينا يارب
أصيلة أصيل كلك زوق والف شكر وياريت نشوفك معانا تانى
الهدى والنور تسلمى يارب وبالنسبة لعجينة العشر دقائق انا بصراحة مش عارفة لينكها فين وعلى فكرة الوصفة دى مش بتاعتى مش انا اللى كتباها فأكيد اى بنت مسيفها حتنزلك اللينك
MISS_CHEF فكرة حلوة يلا ايدى على كتفك
رواء الاسلام رورو حيبقى هو هو يا رواء بس بدل الماء ضعى الزبادى بمعنى انك بتخلطى الدقيق فى الزبادى وتقلبيهم كويس قوى وممكن تفكيهم بشوية ماء صغيرين قوى لو حسيتى انه عايز يارواء وتروحى كباهم عادى فى الشوربة وتكملى الكشك وبالهنا والشفا
صباح النور يا اماريج تسلمى يارب وانتوا تستاهلوا المجهود دة واكتر كمان ربنا يديم المحبة بينا...
سلطة الكرنب ( الكول سلو )
نص كرنبه +2 جزرة مقشرة ومبشورة+2 معلقة سكر+2 معلقة خل+1/2ك كريمة لبانى (قشدة الخفق)+5 معالق مايونيز+ربع كوب حليب+ذرة ملح
الطريقة
نقطع الكرنب قطع صغيرة جدا نضع الجزر المبشور على الكرنب و نخلطهم ببعض فى طبق غويط نضع المايونيز + الكريمة اللبانى + الحليب + الملح + الخل + السكر ونقلبهم كويس جدا مع بعض نصب الخليط على الكرنب بالجزر ونقلبه كويس جدا لحد ما الخلطه تبقى فى الكرنب كله ضعيها فى اناء زجاجى او بلاستيك وضعى قطعة نايلون على وش الطبق ودخليها الثلاجة مايقلش عن ساعتين
ملحوظة:
كل ما تترك فى التتبيلة كل ما تبقى احلى انا بقطع الكرنب شرائح بالسكينة الكهرباء وبعدين بالمخرطة بتاعة الملوخية
بتطلع حلوة احلى من الكبة