يامصريين الحقوني
انتوا ميه ميه وطبخكوا يجنن
عندي عزومة على سمك
ومبعرفش اطبخ؟؟
هاشويه وخلاص بره البيت لكن الرز اعمله ازاي
في رز لونة احمر بالبصل ومش مسكر اعمله ازاي ضروري
ضروري

بعد اذنك يا دينا هارد على مشمشة والحقها على بال ما تيجي

بالنسبة للرز الأحمر انا باعمله كالآتي

2 كوب رز مصري مغسول كويس
3 حبات طماطم مقطعة قطع صغيرة
3 حبات فلفل حامي لو بتحبيه حامي
بصلة متوسطة مقطعة قطع صغيرة خالص

حمري البصلة في حوالي 3 معالق زيت كبيرة لحد ما تذبل ولونها يصفر ضيفي لها الطماطم والفلفل المقطع قطع صغيرة وقلبيهم على النار وهدي النار لحد ما تحسي الطماطم ذبلت وبكت ميتها وتقريبا اتسبكت يعني لونها اغمق تروحي حاطة الأرز المغسول عليها وتقلبي كويس وبعدين تزودي مياه لحد ما تغطي الأرز يدوبك تغطيها بحيث لو حطيتي المعلقة فوق وش الأرز تكون متغطية بالمية وتحطي الملح، لما المية تغلي وتتشرب يعني تحسي انها قلت في الحلة خالص توطي على الأرز على نار هادية وبياخد زى تقريبا 15 دقيقة ، لو حسيتي انه محتاج مية ممكن تنثري عليه شوية مية صغيرة

في ناس بتعصر الطماطم بدل ما تقطعها صغير زى ما تحبي الفرق ان طريقتي الطماطم بتكون باينة في الأرز اما لو معصورة مش هتشوفيها هتشوفي لونها بس

بعد اذنك يا دون أنا كمان

ليه يا مشمشة تعملي مشوي بس
لو حابه انك تعمليه مقلي اتفضلي طريقة دون لعمل سمك موسى مقلي
http://forum.hawaaworld.com/showthread.php?t=460783&page=39&pp=10

و الرز زي ما قالتلك أم أبيها

الف شكر يا جماعة والله من غيركم مش عارفه كنت هاعمل ايه

بس فيه رز احمر من غير طماطم ولا فلفل اخضر بيتعمل مع السمك في مصر