وسعتو صدري بردودكم
والله يكتب لي الاجر انا اكتب لكم وانا في المستشفى ومعي للاب توب :27:
تخيلي انا جلست 3 شهور مع بنت صغيرة عمرها 4 سنين في مستشفى الاورام في جدة ، و كمان ما تقربي لي مباشرة ، تصير بنت اخت زوجي ، يعني زوجي يصير خالها ، تخيلي الوضع ، لانه امها اضطرت تجلس في بيتها هذيك الفترة لانه عندها اطفال ، هي تجي الصباح و انا اجلس معاها من بعد العصر لين الصباح الساعة 8 ، كل يوم فليل تسمي اصوات انين المرضي من الكيماوي و غير الغرفة فيها مرضتين ، و اللي جنبها بنت عمرها 10 سنين جاية من اليمن اهلها حطوها و راحو عشان ما يكون عندها اهل فما راح يطلعوها و البنت ما تدري عن اهلها شي و ما شاء الله عليها صابرة و لا تبكي و لا حتى يتصلو عليها ، بس لما اشوفها كنت اتماسك ، اقول الحمدلله على الصحة و هذه طفلة مسكينة ما تدري عن اهلها و صابرة ، وغير رائحة الموت في المستشفى كل شوية يموت شخص ، تحسي ملك الموت بين الممرات ، الحمدلله جلست معاها ايام و عدت ، و الحمدلله كلها للاجر ،، و انتي اصبري مع امك و كلها ايام و تخرج ، انا كنت احط البنت في كرسي متحرك و معانا المحلول ونطلع لحديقة المستشفى و نتمشي شوية و بعد كنت اروح محل االالعاب حقت الاطفال بس تتفرج عليهم لانها كلها محاليل و بعدين نرجع الغرفة يجي زوجي و خالتها و بعض اقاربها يزوروها و بعدين وقت الاكل و بعدين يعطوها كيماوي و تخيلي طفلة قعدة تنحرق قدامك ، بس زي ما اقولك اشغلي نفسك ، جيبي لاب توبك معاك ، شغلي قران ، اتكلمي مع الممرضات ، يعني اقضي وقتك بأي شي مسلي ،، و الله يشفي امك و يشفي مرضي المسلمين ،،
الصفحة الأخيرة
هذا بر والدين اولا ومساعده مريض .....مثل ماقالوا الاخوات خذي معك لاب توب يكون فيه نت ...اوخذي كتاب تحبيه جيبي معك قهوه وشاي والاشياء اللي تحبيها شغلي التلفزيون اقري قران ..استغفري وسبحي ....واذا جيتي تصلين اددعيي ربك وقولي ياارب عشان امي تحملت شي انا مااطيقه وادعي باللي تتمني ....وامك بتدعيلك ان شاء الله ..