golden eye :

تخيلي انا جلست 3 شهور مع بنت صغيرة عمرها 4 سنين في مستشفى الاورام في جدة ، و كمان ما تقربي لي مباشرة ، تصير بنت اخت زوجي ، يعني زوجي يصير خالها ، تخيلي الوضع ، لانه امها اضطرت تجلس في بيتها هذيك الفترة لانه عندها اطفال ، هي تجي الصباح و انا اجلس معاها من بعد العصر لين الصباح الساعة 8 ، كل يوم فليل تسمي اصوات انين المرضي من الكيماوي و غير الغرفة فيها مرضتين ، و اللي جنبها بنت عمرها 10 سنين جاية من اليمن اهلها حطوها و راحو عشان ما يكون عندها اهل فما راح يطلعوها و البنت ما تدري عن اهلها شي و ما شاء الله عليها صابرة و لا تبكي و لا حتى يتصلو عليها ، بس لما اشوفها كنت اتماسك ، اقول الحمدلله على الصحة و هذه طفلة مسكينة ما تدري عن اهلها و صابرة ، وغير رائحة الموت في المستشفى كل شوية يموت شخص ، تحسي ملك الموت بين الممرات ، الحمدلله جلست معاها ايام و عدت ، و الحمدلله كلها للاجر ،، و انتي اصبري مع امك و كلها ايام و تخرج ، انا كنت احط البنت في كرسي متحرك و معانا المحلول ونطلع لحديقة المستشفى و نتمشي شوية و بعد كنت اروح محل االالعاب حقت الاطفال بس تتفرج عليهم لانها كلها محاليل و بعدين نرجع الغرفة يجي زوجي و خالتها و بعض اقاربها يزوروها و بعدين وقت الاكل و بعدين يعطوها كيماوي و تخيلي طفلة قعدة تنحرق قدامك ، بس زي ما اقولك اشغلي نفسك ، جيبي لاب توبك معاك ، شغلي قران ، اتكلمي مع الممرضات ، يعني اقضي وقتك بأي شي مسلي ،، و الله يشفي امك و يشفي مرضي المسلمين ،،

تخيلي انا جلست 3 شهور مع بنت صغيرة عمرها 4 سنين في مستشفى الاورام في جدة ، و كمان ما تقربي لي...