يا حبيبتي والله انك عسسسسسسسسسسسسسسسسل

الله يهني زوجك وعيالك فيك يكفي خفة دمك ونواياك الجميلة

يارب بحق الذي لا اله الا هو في ذي الليلة الفضيلة انك تنحف اختي صهيل الخيل حتى ترضى عن جسدها اللهم انها ارادت بذلك ان تقوم الليل وتعف زوجها اللهم فيسر لها طريق ينقص به وزنها يااااااااااااااااااااااااااااارب

حبيبتي طريق الالف ميل في بدايته خطوة ابدأي برجيم سهل زي السعرات وشوي شوي ما يجي السنة الجاية زي ذا الوقت الا وانت غزااااااااااااااالة والرياضة خليها بس مشي مع تنظيف البيت تكفي مرة حتى المشي تدرجي فيه فالبداية عشر دقايق وزوديه شوي شوي لما توصلي نص ساعة واذا اكثر احسن عشان ينشد جسمك وتوكلي على ربك وباذن الواحد الاحد انك تنحفي وادعيلي حبيبتي اني انحف معك لي 3 شهور ونحفت 5 كيلو بس الحمد لله احسن من اني اكون زدت

حياتي .. ربي ينحفك من غير شر

ابدأي بخطوة صغيرة .. و بالتدريج

ياحبيبتي ياصهيل الله يسعدك قلبك ويحميك حبيتك من كل قلبي والله اني بكيت ونزلت دموعي وانا اقرأكلامك يالغاليه وحسيت فيك كثير الله لايضيع لك تعب ويساعدك يالغلا وينحفك من غير شر
لاتملي ولاتحطمي نفسك ارفعي من معنوياتك اولا توكلي على الله وروحي المكتبه واشتري كتب عن الرجيم وكيفية الثقة بالذات وفي كتاب وحدة تمدح فيه في المنتدى اسمه استطيع ان اجعلك نحيفة
وكتب كثيرة عن البرمجه العصبية
وغيري من نظام حياتك امك حركتك قليلة او انك من الناس اللي هاديين ونوعية اكلنا اللي دمرنا كله زيوت ورز ودسم
وشوفي الغدة الدرقية لاني انا جلست اكثر من شهرين اسوي رجيم وطلعت عندي خمول والحمد لله جالسه اخذ حبوب بس النزول بطئ والحمد لله على كل حال
حبيبتي لاتملي ولازم ترسم لك هدف وتسعين لتحقيقة بكل قوة وعزم
لان النحف صحه ولازم تحافظي على صحه
اسأل الله في هذه الساعه ياحبيبتي انه ينحفك ويحقق حلمك للرشاقة من غير شر عليك آمين

والله باين من كلامك يااختي انت عسل ودمك خفيف وهاذي ميزة لازم تحبيها بشخصيتك
ولاتخلي الوزن يكون هو مدمر حياتك وشبابتك وسعادتك لاانتي دمريه اعرف انو الامر صعب جدا بالبداية انا مريت فيه وكل الموجودين هنا مروفيه
بس كارتون الشكولاتة ماراح يسعدك الا لمدة ساعة ولاطبق الرز راح يريحك الا ربع ساعة وراهة المعاناه اقري هذا الموضوع انا يومية اقراه ويعطيني دفع للامام
http://forum.hawaaworld.com/showthread.php?t=3404163

واطلبي من الله يساعدك واقري تجارب العضوات الناجحة واستفادي من رجيمهم وابقي اقري واتثقفي

http://forum.hawaaworld.com/showthread.php?t=2909911

والله يوفقك ويوفقنا ويعطينا الصبر يارب

ترا كلنا مرينا بهالشي والله انها حاله نفسيه والا الآآمر سهل جدا انا وزني 80 :( ودايم كلن يعلق على جسمي لاني قصير ولاهمني وقبل سنه تكلمت علي اخت زوجي وقالت لي الحمدلله اني ماني مثلك الحمدلله على خلقه وانا مااقولك ماني جمال وجهي بس سمنتي وقصري خلاني ماسوا شي بنظرات الناس قالت هالكلمه حزت بخاطري واثرت فيني بس تصدقين حمستني وعطتني حماس ان يجي اليوم اللي اروح لها وتقول اني نحفانه المهم بديت السنه اللي فاتت احاول احاول برجيمات واحيان اخبص واتضايق لكن احاول قدر الاستطاعه بالبدايه تحسين انك ماتقدرين عن الاكل اول مابديت تركت الرز نهائي وحسيت اني ابموت لو ماكليته لكن حاولت وبعدها والله لو اجمل صحن رز قدامي ماعاد يهمني اني اكله .. تركت الغازيات على اني كنت اموت بالكوكا كولا القززاز كنت احطه بالفريزر واكله ثلج اموت فيه حاولت اتركه بالبدايه احس ابموت يومين ثلاثه ماعاد همني .. حاولت امشي لو نص ساعه لاراحو بناتي للمدرسه احاول امشي بالبيت لو ربع ساعه وهالحين شوي مو كثير امشي .. احاول قد مااقدر اشرب موية واحيان انسى لكن لاتذكرت جسمي ذكرت الماء وشربت مويه ام نص ريال .. جاء شهر سبعه اللي طاف الحمدلله حضرت زواج اخت زوجي الصغيره اشتريت فستان بالفين وشوي رحت كوافير يوم دخلت الزواج حسيت اني بنوته صغيره نحفانه نصصصصصصصصص جسمي انا من طبعي مااحب اوزن لاني اعرف نفسي ابتحطم .. والله يانظرات خوات زوجي كاني مسويه جريمه .. ولاقالو انك نحفتي على ان كل وحده تسولف معاي تقولي انتي نحفانه ..وربي ماتصدقين وش قد فرحت على انه شي بسيط ماتراجعت وقلت اترك الرجيمات والتخفيف لا قلت لازم المره الجايه اجيهم زياده نحفانه غير غير وهذاني من رجيم لرجيم واحاول قد ماقدر امشي عشان المره الجايه اجيهم بذات اللي تكلمت على خلقة ربي ودي اكسر عينها واخليها تعترف بجمالي اللي كنت ظالمته يوماً ما بسمنتي ويالغلا لازم تتحمسين تراها بسهوله بس طبعنا بشر لازم نصعب الامور فديتك الله ينحفك وينحفني يااارب ونصير اجمل الناس .. شوفي من ناحية الرجال يالغلا ماعليك منه صدقيني لو تنحفين مايعترف انك نحفتي طبيعة الرجال مايملى عينهم شي .. والله معك يارب .