ناني5 :

أهلا رواء الإسلام دايما عندنا في مصر بنعمل الملوخيه الناشفه في الشتاء لما يكون ما فيش أساسا ملوخيه خضراء ( دلوقتي الملوخيه موجوده طول السنه يمكن بيزرعوها في الصوبات ؟ ) والسلق يارواء من الخضار الشتوي مع السبانخ والقلقاس بعد إذن دون ممكن تعمليها بدون أي خضره ( صعيدي ) ممكن تحطي شوية كزبره خضراء ونشوف يمكن عند دون طريقه أحسن وتاكلوها بالهنا أنا حاسه بيكي .. أكيد بتشتاقوا للملوخيه .. تيجوا بالسلامه بإذن الله ..

أهلا رواء الإسلام دايما عندنا في مصر بنعمل الملوخيه الناشفه في الشتاء لما يكون ما فيش أساسا...

zeireda :

بعد اذن الشيفات الكبار أوى مقادير الدنش : 2 1/2 كوب دقيق 1/2 كوب لبن دافى 1/4 كوب مية دافيه 2 1/2 م/ص خميرة 1 بيض 1/4 كوب سكر 1/2 كوب زبدة مثلجة قطع الطريقة: نحط البيض مع الدقيق والزبدة فى العجانة والبيض ونحط الخميرة فى اللبن الدافىء والمية ونضيفهم على الخليط ونضربهم كلهم فى العجانة لحد ما تتماسك وتصبح قطعة واحدة ونسيبها تتخمر شوية وبعدين نحطها فى الثلاجة علشان تجمد لانها بتكون عجينة طرية وبعدين ناخدها ونفردها ونبتدى نشكلها كالتالى 1- نقطعها مربعات متساوية ونشق أطرافها هيكون عدنا حوالى 4 مثلثات ونقفل من كل مثلث عندنا حرف لجوه 2- نعمل مربع ونقفله زى السمبوسك الناحيتين قدام بعض لتكون شبه المثلث 3-نعمل مربع ونقطع فى نصفه علامتين على شكل ضلعين مثلث ونطبق الحرف من الخارج للداخل 4- نفردها مستطيلة كبيرة ونقطعها من الجنب بالقطاعة تحت بعض بين كل واحدة والتانية 1 سم تقريبا 5- نعمل مربع ونقفل كل ناحيتين قدام بعض لحد ما نحصل على شبة الظرف المقفول 6- ممكن نعمل مربع ونقفل ناحيتن قدام بعض بس ونسيب الناحيتين التانيين (كل الاشكال سوف تظهر فى الصور واضحة ان شاء الله) بحملها وهنزلهالك نسيبهم يخمروا مرة تانية قبل ما نحطها فى الفرن ندهنهم بالبيض قبل ما ندخلهم الفرن على درجة حرارة 200 ولمدة 15 دقيقة لعمل الكاسترد : نضرب صفار البيض مع فانيليا والسكر وبعدين نحط حتة زبدة وشوية لبن صغيرين ونضربهم كويس أوى وبعدين نضيف النشا ونقلب جامد وبسرعة وبعدين نضيفها على اللبن ونحطهم على النار ولما تتخن نحط الحلة فى حمام مائى ونسيبها تبرد ونحشى بيها الكاسترد مع الفاكهة لتلميع الوجه بعد ما يستوى الدنش : نجيب مربة مشمش ونحطها مه شوية ميه على النار علشان تكون سايلة وندهن بيها كل الدنش اللى بيطلع من الفرن أما اللى عاوزين الصور بالظبط يقدروا يدخلوا للموضوع .... صور عمل الشيف صفحة 21 وصور اللى أنا عملته صفحة 22 وبالهنا جميعا

بعد اذن الشيفات الكبار أوى مقادير الدنش : 2 1/2 كوب دقيق 1/2 كوب لبن دافى 1/4 كوب مية...