ماشاء الله تبارك الرحمن ماشاء الله تبارك الرحمن ماشاء الله تبارك الرحمن

روووووووووووعة من جد

لكن ياريت اختي تردين على سؤالنا عن الفرن ...
واككون لك شاكرة :27:

ماشالله عليج اختي ..
تسلم الايادي..

كل طبق يقول الزود عندي لا اله الا الله ,,
بس اختي في كثير من الاسئلة ما جاوبتي عليها
في انتظار الرد يا الغالية ..

سلم يديكي علي هالأطباق الجمييييلة الله يعطيكي العافية و ما تشوفين شر ان شاء الله
في انتظار الحلويات يا حلوة :27: بس لا تتأخرين علينا:26: :26:

الرد على الأسئلة:

ياسمينة

ممكن اعرف الفرن اللي عندك ونوعه ..
وكم تاخذ العجينة عشان تستوي و على اي درجة ؟
فرني عادي اللي بالغاز..والعجينة تأخذ من 15 ـ 20 دقيقة وأفتح النارعليه قبل أبدأ بحشو
الفطائر على درجة 130 ف ولابد من مراقبة الفطائر باستمرار وهي في الفرن...

*المسافرة*

بسألج..الصلصة الحمرا أشوفها سايلة بس بالمقاير مافيها سوائل وايد.. يعني ماتزيدين ماي عليها والا بس نكتفي بهالأشياء؟؟
حياك الله يالمسافرة..عودا" حميدا"
كيف الكتكوتة وأخوانها..أن شاء الله بخير..
مانزيد ماي يالمسافرة ..بس اللى بالمقادير ونطحنها بالمولينكس وتطلع تمام..

بيسان 77

عندي سؤال في شوربه بحريه بيضاء أنتي أضفتي حليب كم مقداره لأنج ما ذكرتي مقدار الحليب في المقادير ..

معليش نسيت أكتب مقدار الحليب جلّ من لايسهو..
مقداره كأسين حليب طازج..
أشكرك على التنبيه..

Umlayal

شوربه بحري الي فيها سمك ما تكون فيها اعشاب علشان تخفف من طعم السمك
مافيها أعشاب لكن البصل والفلفل البارد تكفي..
وهي لازم يكون فيها طعم بحري..

**بشايـــــــر**

الكاسة في مقاديرك هل هي كاسة الجبنة؟والكبيرة او الصغيرة؟
وفي مقادير البيتزا كاتبة ك..هل هو كوب معياري؟؟؟

الكأس هو كأس الماء العادي..
و ك تعني كأس كبير عادي..

11صبا11

بغيت اسالك عن نوع جبنة الموزريللا حقتك
هذه جبنة السنبلة اللي تجي قطعة كبيرة جدااا وغير مبشورة ..أقصصها الى قطع مناسبة وأفرزنها وأطلع منها اللي أحتاجه وبعد ما تذوب أبشرها وأستعملها..
وهي بصراحة أفضل جبنة جربتها..
وأحب أشكرك يالغالية على تجربتك للساندويتش..والحمد لله أنه عجبك ..
أنتظر رأيك بالباقي....

شمس الحب1

ماهو الطحين المستخدم في اي عجينه
الطحين الأبيض العادي اللي من صوامع الغلال السعودي..

من اين تحضرين عشبة الاوريغانو وكيف اسئل عنها وباي قسم اذا كانت تباع في السوبرماركت
عشبة الأوريغانوياشمس في قسم البهارات والتوابل في السوبرماركت ومكتوب عليها أوريغانو.

عجبتني طريقتك في ساندوش البيتزاء لكن كيف تصكرينها لانها تفتح معي فكيف تصكرينها
لاتكثري الحشوة وبعديها عن أطراف العجينة وأن شاء الله تضبط معك...

وهل في طريقتك للرول ساندوش هل تلفينها وبعدها تقطعينها من عند النصف وتضعين اول واحده في الصينيه وبعدها الثانيه وتجعلينهما مرصوصين مع بعض
شوفي ياشمس بعد ماتفردي العجينة وتضعي الحشوة تلفي رول من اليمين شوي ثم تلفي من اليسار شوي ثم من اليمين ثم من اليسارالى أن يلتقي الرولان مع بعض في المنتصف ثم
نضعها في القالب ونكمل الطريقة ..
أتمنى أن تكون الطريقة واضحة وأي سؤال أنا حاضرة..