من كثر الوصفات احترنا باللقيمات

انا وصفتي احياناً اسوي العجينه من عندي واحياناً اسوي لقمة القاضي
في كلا الحالتين نفس الشئ
راح اشرح على الكمية الي استعملها وسط ( اخذ كوب ونصف من الطحين واحط عليه الخميرة ملعقه الطعام واحيانا احط معها الحبة السوداء شكل ومفيدة كمان ثم اعجنها بكوب ماء دافي ثم اتركها لساعه تخمر ). واذا سويتها احط عليها عسل وبالهنا والعافية.

كنت زمان مثلك
ماتركت طريقة في العم قوقل ماجربتها
وللأسف ماكنت احصل على نتيجة مرضية او اللقيمات اللي ابغااااااااها !

ومرة كنت بسوي لقيمات وماكان عندي دقيق أبيض
قلت ليش ما اجرب الدقيق العادي " طحين دبي " حق الخبز
وفعلاً جربتها وكانت النتيجة مدهشة مدهشة مدهشة ورب السماء
طلعت اللقيمات اللي ابغاها صح
منفووووووشه وخفيفه وماتشرب زيت ابداً
ومن ذاك اليوم ليومك هذا وأنا معتمدتها وكل مرة تطلع نفس النتيجة رااااائعه

بعطيك الطريقة وجربيها وشوفي بنفسك
أنا ما اتقيد بمقادير بعرف شغلتي بالنظر
لكن بحاول اقرب لك مقاديرها

3 إلى 3 ونص كوب طحين دبي ( تلاقيه عند المطاحن باسم طحين دبي او الطحين الخليجي )
2 ملعقة كسترد
2 ملعقة سكر او 2 ملعقة شيرة " قطر "
رشة ملح
رشة فانيلا
ملعقة خميرة
ماء ( حطي الماء اول كوب ووزيدي شوي شوي وهي تعجن في العجانة حتى تحصلي
على عجينة مثل خليط الكيك او اثقل بشوي بس ) !

واعجني لمدة خمس دقائق ثم اتركيها ترتاح وتختمر !
بعدها حطيها في كيس لحم " ضروري " وافتحي الكيس على حسب الحجم اللي تبغية
للقيمات .. وادهني يدك بالزيت ونزليها في زيت غزير يغلي !
وخلي النار وسط وقلبي حتى تحصلي على اللون الذهبي
بعدها حطيها في صفية او على ورق نشاف
وبعدين رشي عليها حليب مركز مو شيرة !!
وتعالي ذوووووقي احلى لقيمات :)

وإذا سويتيها واعجبتك اسالك بالله تنزليها للبنات يستفيدون منها :)

لقيمات الاخت حروفي الاخيرة مره حلوة وعجبتني كثير ربي يجزاها خير .....

أنا مثلك عقدتي اللقيمات لين جربت هالطريقه رررررروعه وممكن تحطي نصف المقدار من كل شي



3 كاسات دقيق كويتي
بيالة حليب بودرة
بيالة زيت
بيالة لبن
بيالة نشاء
ملعقة ونصف خميرة فورية مذابة في كأس ماء دافئ

الطريقة

وانخلي الدقيق والنشاء وأخلطيهم زين
وحطي حليب البودرة واخلطيهم ثم حطي اللبن والماء اللي بالخميرة واخلطي
أضيفي كأس ماء بالتدريج لين تصير العجينة نصف لينة مو لازم تحطين الكاس بالكامل
وبعدة حطي بيالة الزيت
وخليها تتخمر في مكان دافئ
أقل شئ ساعة ونصف بعدين حطي بيضه وقلبيها عدل ثم اقليها بزيت غزير ورشي عليها عسل وبألف عافية على قلوبكم


بس هالسنه بجربها بالدقيق الفاخر السعودي او بالدقيق اللي بكرتونه لقمه القاضي أتوقع بيطلع حلو
مع نفس المقادير والكميات طبعاً


مووووفقه

جربي طريقه لقيمات منال العالم
رروعه مررره وقطنيه وهشه
ابحثي عنها بقوقل
لاتفوتك رووووعه مررررره