وكانت مرات اخواته وزوجة ابوه وعيالهم كلهم ينامون عند عمتي واقسم بالله واللي خلق سبع سماوات اني م اظلمهم م يدخلون مطبخي ابدا اذا حطيت السفره جو ولا قبلها يجون بدقائق عمتي هي اللي كانت تجيني كل اذان عصر تجي تساعدني بالشوربه فقطط لانها كبيره بالعمر وم تعرف تطبخ وتساعدني بعيالي زي تأكلهم العصريه من يصحون ومرات تغسل الاواني معاي وم احب اطلب منها شي وطبعا زوجي رافض الشغاله بييتي يشوف عندي طاقه وده يستغلها بصالحه وقال استفيد من هالحرمه اخذ اجر ع حسابها م يفكر اني اتعب ابدا يحس عندي طاقه بلا حدود اعرف انا السبب بينت له اني سنعه واقدر ع كل طلباتك بس م فهمت وعرفت لين كبرت يارب انك تكتب اجري والله مو جالسه امن باللي سويته بس كنت فوضع محد يتمناه ومستغل اني صغيره بالعمر بكمل لكم ترى وربي للحين اتذكر اتعب نفسيا وقتها جلست سنوات كثيره ع ذا الوضع مو سنه ولا سنتين ولا اربع ولا 7 سنه من السنوات كنت برمضان توني مخلصه الاربيعين واشتغلني زي كل سنه وبيوم ولدي م خلاني انام كان صياح وم خلاني انام وغفيت عن الفطور م صحيت الا بعد العصر وطبعا زوجي كان مستلم بالدوام لو موجود والله م يخليني اغمض عيوني يصحيني غصب اتصلت عليه قال جهزتي الفطور لناس قلت نمت ولدك م خلاني انام وقام يسب ويهاوش متى تسوين انتي فيك وفيك تشترين اغراض وم تسوينها تبغينها تخرب تكذبين علي وربي م خلى كلمه م قالها وعمتي دقت الباب وم سمعت الباب من التعب ورجعت بيتها والعيال جو بيت عمتي ك العاده وعرفو انها موجوده وراحو لان الشغاله نايمه😂😂
قمت قسم ع السريع سويت خليط بيتي كروكر ع السريع وقليت سمبوسه مجهزتها انا من الليل للفطور وسويت عصير وتمر بس الشوربه وأطباق رائسيه م يمديني وأرسلتها لهم مع بنتي اخو زوجي كان زعلان لان نمت وعصب ويهاوش اسمعه مع الشباك ورجع كل آكلي وينافخ رجعوه م نبغاه محد يبغاه كانو فرض علي والسبب زوجي خلى الكل يتمادى ويحسون لهم حق علي وعمتي جات تتشرهه علي دقيت الباب م فتحتي كأنها زعلانه وربي حسيت نفسي سويت جريمه بحقهم طبعا قصده بيت عمتي اللي يجتمعون فيه الخلق وانا الشغاله حقتهم مجانا وبدون مقابل وزوجي يبغى الاجر ع ظهري

لو بنعزم احد بنكون مستعدين قبلها باسبوع ماعندنا نظام حياكم بكرا

وبعد كل هاذا عمتي تجيني بعد الفطور هاذا مو زين هاذا لاعاد تسوينه فلان يقول م أعجبه وانا ياعيني ادور شي يرضيهم كأنهم بفندق يتطلبون نبغى ذا وهاذا لاعاد تسويه مرا قالتلي الحلا هاذا م يحبونه طبعا عمتي تجيب كلام ولدها وتبغى السفره والاكل اللي اطبخه يعجب عيالها وكان حلا سويته قالت ماني شايلته لهم قلت دام سويته خذيه حطيته ع الطاوله مع الاغراض اللي تاخذها وربي قامت شالت كل الاغراض وتركت حلاي وانا عارفه لو شالته بينوكل لان البيت مليان مو بس عيالها بس لازم السفره اللي يحبونها عيالها ليتني وقتها حبيت عيالي وتهتمين فيهم زيها 😭😭
كنت مهمله نفسي مهمله بيتي بس ادور رضى زوجي وايش يبغى برمضان كان رمضان بنسبه لي إرهاق جسدي ونفسي الناس تتعبد تتسوق تزور بعض وانا م يمديني وقتها كان يمنعني افطر عندامي ولا عند اهلي سوا اخواتي او اقاربي ممنوع منعا باتا وراي فطور للخلق لو اروح يضيعون الناس بعدي والله يمكن 9 سنوات م قد افطرت عند امي كنت انقهر اذا امي يجتمعون اخواتي عندها ولا خالاتي للفطور مقدر اروح ياويلي وياسواد ليلي لو اتكلم بس حتى مرا سويت فطورهم وجهزت كل شي واختي مسويه فطور وعازمه اخواتي وامي وهي قريبه من بيتي والله رحت بعد م اذن وعمتي تجي تفطر ك العاده معاي حطيت لها سفرتها وأذن اخذت معاها كم لقمه ورحت اكمل مع امي واخواتي الكل زعل علي أولهم عمتي وعيالها وزوجي وسؤالي مشاكل مالها اول ولا تالي لين توبت اروح لاحد برمضان يادوب اكشن والف سمبوسه

عند زوجي لو احد يتصل يقول حياكم الحين 😂😂😂

معليش تحمست تذكرت معاناتي قديم برمضان الحمدلله نقلت من بيتي القديم ورحت مكان ابعد محد يقدر يجيني😂😂😂وكرهت اعزم برمضان غير اخواتي ونادرا والحمدلله زوجي تغير الحمدلله مدري كيف كنت عايشه اتخيل وضعي وربي احس بتعب م شالله علي الحمدلله ربي فرجها علي