مواقفكم في الشوفة الشرعية 😂

يالله أن تحيي عالم حواء 💜😁

شفتو الخير اللي جانا من ربي هالأمطار الزينه والأجواء الزينة الله يديمها يارب ولا يغير علينا 🌸

عاد مع هالأجواء فتحنا موضوع بالدوام ( قد حصلك موقف يضحك أو يفشل بالشوفة الشرعية )😂 ، والله باجماعه ضحكنا ضحك واللي يضحك اكثر أنو أغلب اللي صار لها موقف يضحك أو يفشل يكون هو نفسه الشخص يتزوجها الله يوفق الجميع 💖
طبعاً بقولكم موقفي أستغفرالله مادري وش لون جتني هالفكرة ولا سمعت كلام أمي وخواتي ، الفكرة كانت ياطويلين العمر أني ادخل بالمدخنه فيها عود ريحته تجننن يقالي سنعه وحركه جديدة وكانو يحاولون يقنعوني قالو لي يابنت الحلال ترا بتطيح ولا بتتورطين فيها قلت ماااااعليكم ، والله وتجيكم الهيجاء ماسكه المدخنه وداخله فيهاااا ، ياليتني حطيتها على الطاوله أو عطيتها أخوي الكبير بوقتها يعني عشان يتبخرون ؟؟؟؟ مافي أي حسن تصرف😁
المهم صامله ماسكتها بيدي وجلست على الكنب والمصيبة كلللل الدخاننن صار بوجهي😂😂😂😂
مااحكي لكم عن كمية الدمووووع اللي نزلت من عيني من الدخان ولازلت صامله بس الحمدلله أخوي انتبه أنو لازم يتصرف ولا مارح يبقى شي من المسكره والكحل وبصير مهرج 🤡🤥
على طول اخذها وأعطاني مناديل 😂
وإلى يومكم إذا مسكت المدخنه يذكرني زوجي بالموقف🙈😂

هل حصلت لكم مواقف زي موقفي اللي يجنن ؟😎