بعد الرييجييم.. انا لسا ماوصلت للمثالي بس تقريبا بسم الله ماشاءالله خسرت 20 كيلو
صارت عندي ثقة كتييييير كبيرة بقابل عالم جدد وبطلع وبفوت وبحضر مناسبات ماعندي مشكلة حتى اللبس مقاسي صغر كتير لدرجة صرت البس لبس اختي الصغيرة صدقوووني شعوووور بجننننن الله لايحرمنا منه.
كمان لما روح بدي اشتري حاجات الريجيم وكلات الريجيم او لماحدا يعرف اني عاملة ريجيم يقلولولي جسمك حلو مابدو ريجيم ككتيير انبسط ، وخاصة انه صرت بين صغيرة مو متل بالاول يكبروني 8 سنين..
صرت بمشي بثقة وبحكي بثقة وبكل تواضع وصراحة يابنات صرت حس وشي كمان احلى واستغنيت عن الميك اب وصرت حس ماني بحاجته مع اني ماكنت اطلع من البيت بدونه وصرت البس اي شي بيعجبني وحس كلشي بيلبقلي..
التغير الكبيير والحقيقي والمواااقف الحقيقية رح تكوون لما ارجع لبلادي ولأهلي ورفقاتي يلي ساافرت من عندهم ووزني 95 كيلو وهلأ الحمدلله رب العالمين وزني 74 كيلو وان شاءالله لما ارجع لبلدي رح يكون وزني 60 ورح شوف مواقف كتيير لإنه ماحداا كان متوقع اني انحف طبعا لاني كل عمري بعمل ريجيم ونوادي ورياضة ومابنحف الا شوي وبرجع اسمن فعنجد رح تكون مفاجئة كبيرة للكل خاصة اني ماخبرت حدا اني بعمل ريجيم مومصدقة ايمت تجي هاللحظة يااااااارب ينحفني كماان لاوصل لهدفي :)
اتذكرت مووقف بضحك بس مبكي ههههههه
المهم مرة كانت اختي الكبيرة متزوجة بالسوق شافوها عالم عجبتهم بدهم يخطبوها قالتلهم انا متزوجة وعندي ولاد سألوها ماعندك اخوات بيشبهوكي للزواج اعطتهم رقم امي
المهم اتصلوا الجماعة واجو عأساس يشوفوا وحدة شبيهة اختي نحيفة وجسم وجمال وعين الله عليها موعارفين مين مستنيهم ههههه
بس لماشافوني حسيتهم انصدموا هههههههه وراحو وماعاد رجعوا ولاشفناهم، انا الحمدلله حلوة وملامحي حلوة بس اااه من السمن يلي بخبي كلشي لانه مابس بأثر عالجسم لابأثر عالوجه والعيون الغرقانة وكلشي :(
المهم مرة كانت اختي الكبيرة متزوجة بالسوق شافوها عالم عجبتهم بدهم يخطبوها قالتلهم انا متزوجة وعندي ولاد سألوها ماعندك اخوات بيشبهوكي للزواج اعطتهم رقم امي
المهم اتصلوا الجماعة واجو عأساس يشوفوا وحدة شبيهة اختي نحيفة وجسم وجمال وعين الله عليها موعارفين مين مستنيهم ههههه
بس لماشافوني حسيتهم انصدموا هههههههه وراحو وماعاد رجعوا ولاشفناهم، انا الحمدلله حلوة وملامحي حلوة بس اااه من السمن يلي بخبي كلشي لانه مابس بأثر عالجسم لابأثر عالوجه والعيون الغرقانة وكلشي :(
الصفحة الأخيرة
بالنسبة لإلي مافي أكتر من المواقف بس مومتذكرة كل شي
المهم كنت صغغيرة عمري 19 سنة بتدرب بالمستشفى تمريض وبحكي مع الدكاترة وبسألهم وبتعلم منهم ، مرة من المرات صرت حس بضيق بقلبي يجي ويروح وخفيف موملحوظ يعني يمكن نفسي مابعرف بس اانا من النوع بخاف على صحتي كتير فمن موضوع لموضوع سألت الدكتور وفحصني ولما خلص قلي قلبك سليم والشرايين وكله تمام مافيكي شي بس حاولي تنزلي وزنك لانه بأثر طبعا كتيير انحرجت انه كيف بدي كمل تدريب وشوفه بعدماحكالي هالحكي.
موقف تاني دايما وين مارحت مع امي بفكروني اختها خاصة انه ماشاءالله عليها امي بتبين صغيرة وجسمها حلو فكانو يفكرونا اخوات ، وعندي اخت اكبر مني ب4سنين كان يفكروني انا الكبيرة الدبة لانه هي ماشاءالله نحيفة.
موقف كمان اااه شوعمل فيني مرة كنت انا وامي واختي عمرها 12 سنة واخت عمرها 5سنوات وابن خالي كبير معنا كنا بمحل منشتري اغراض وهيك ، يلي بتبيع من سيرة لسيرة قالتلي فكرت انه هالبنتين بناتك عن اخواتي واناكل يلي عمري 20 سنة :(
هاد غير انه كل صاحبين المحلات او العالم يلي مابيعرفوني بنادولي مدام خاصة لواختي الصغيرة معهم لدرجة انه خلص ماعاد احكي شي مدام اوك مدام متل مبدكم بس انقهر من قلبي..
وانا ودبة كمان ماكنت حب روح الاعراس ولا اجتمع مع حدا ابدا لانه جسمي موحلو استحي منهم ومافي لبس يناسبني واكره حدا يزورنا او نزور حدا يزورنا.
ولما روح السوق بدي اشتري تياب وربي استحي قلهم مقاسي اخر فترة صرت قول لماما تجبلي التياب للبيت مابدي روح المحلات ، خاصة لما نكون ماشيين بالسوق وصاحب المحل يقول اتفضلوا عنا مقاسات كبيرة :(