حبيبتى طبخة
اولاً انا من امبارح عايزه اسأل عليكى ليه مش بتظهرى ؟
ثانياً اللى انتى فيه دا عادى
على فكره انا طول عمرى تخينه مع ان اكلى قليل
كان كله يقولى انتى مش بتاكلى الاكل اللى يجعلك كدا
ولما وصلت للثانويه والجامعه كنت بعيش نفس الفتره اللى انتى فيها حالياً
كنت بقول معنديش هدف وعايزه ابطل اكل
وكنت اقعد ابكى فى غرفتى واقول بكره هعمل دايت ويعدى بكره ويعدى بعده وتعدى سنين ولا الهوى
بس جه عليا وقت خلاااص قولت لنفسي stop
وروحت على دكتوره رجيم وخسيت معاها كويس
لدرجه ان كان كل اللى حواليا يقولولى كفايه انتى دلوقتى بقيتى عظم فقط كفايه ريجيم وكنت فرحانه اوى وواثقه من نفسي
وعدت ايام وسنين وتزوجت ورجعت اكتر من الاول بالذات انى فى غُربه وقاعده فى البيت دايماً وثقتى فى نفسي قلت كتيييير حتى قدام زوجى واكتئاب وبكاء
وحسيت انى بكره نفسي لانى مش باخد اي خطوه
بدأت اقول انا لازم احب نفسي ومش مهم ان كنت تخينه ولا رفيعه انا عجبانى نفسي كدا وبدأت ابص لنفسي فى المرايه واقولها انى بحبها وحاولت يكون عندى ثقه فى نفسي واقول لنفسي جسمك حلو واقتنعت بكدا
وبعدها قولت عايزه اعيش حياة صحية سواء خسيت ولا لا عايزه حياتى تبقى صحية ومميزه ودا اللى بعمله دلوقتى ومش بحط الاكل عشان اكل لا انا بقيت بحط الاكل فى الطبق بطريقة حلوه وبستمتع وبخس بردوا بس بعمل نفسي مش واخده بالى عشان انا عايزه حياة صحيه يعنى مفيش رجيم ولا دايت انا حرة ومستقلة وحياتى صحية
انتى كمان ابدئي حبي نفسك
وخديها بالتدريج لو بتاكلى طبق رز كبير كليه بس اتركى معلقتين رز ما تاكليهم
بعدها كلى ثلاث ارباع الطبق فقط ، وبعدها كلى نصف الطبق واملى بطنك خضروات
لو بتحبي الشوكولاته كلى منها بس مش تكمليها للاخر

حاسه نفسي اتكلمت كتييير اسفه
لكن يا طبخة بجد حبي نفسك
واتكلمى مع نفسك وقوليلها هنخلى حياتنا صحية
ولا تخبرى احد خدى قرارك انتى ونفسك فقط
وابعدى عن الميزان خااالص مش تبصى عليه حتى
واكتبي معانا هنا اكلتى ايه ؟ مهما كان اللى اكلتيه بس دا هيشجعك شويه
ومش تبكى لا خليكى متفائله انك هتخسي وخليكى فرحانه ومبهجه واضحكى
خلى الناس تتذكرك بخفة دمك وضحكتك الحلوه وكلامك الحلو
افتكرى اي واحده تخينه بتكون عسوله وانتى عسل وقمر واحنا بنحبك كتييير
ويالا منتظرين تكتبي مذكرات يومك مع الحياة الصحية 😘😘😘

وبعدين حبيبتى طبخة انتى صاحبة الجروب انتى اللى عطتينى حماس وشجعتينى لا انا كدا هزعل وهخرج من الجروب
انتى القائدة هنا يالا شجعينا واحنا معاكى 😘😘


حبيبتى EM6 فينك طمنينى عنك 😘😘

💐 يومي امس ❤️
فطرت بيض بالخضار وعليه حتة جبنه رومى
ونص رغيف 🥖
الغدا سمك سنجارى + سلطة + 3 ملاعق رز
بالليل اكلت موزه 🍌
شربت لتر ونصف ميه

هلا سمسمه
انتي الأمل انتي التفاؤل
غيرتي لي تفكيري بكلامك ربي يفتح لك ابواب الخير كلها
اقتنعت اني اعيش حياه صحيه من اليوم بعد ما قريت كلامك
واهم شي ماراح اخبر احد بخلي هالموضوع سر بيني وبين نفسي
وراح اقوي علاقتي بربي الي خلقني
وكل ماراح أحقق شي راح أسجد له شكر
لانه هو الوحيد الي راح يمدني بالطاقه والفرح كل ماادعيه


سمسمه حاسه بكل حرف كتبته علشاني وهذا يدل على طيبه قلبك انك تحبي لي الخير
ومشكوره كثيررر ربي يسعدك دنيا واخره