ماشاء الله الله يعطيكم الصحة والعافية
سفرة عامرة ودايمة ان شاء الله
غرومة..
•
طريقة القوزي..
المقادير "حسب عدد الاشخاص":
3 كجم رز "أنا استخدمت كنتري الحبة الطويلة XXL"
ماء اللحم بعد ما سلقناه
زعفران وكركم
ماء ورد لنقع الزعفران
ملح وماجي
الطريقة:
تطبخين الرز بطريقتج العادية "بالنسبة لي كل كوب رز أحطله 3/4 الكوب ماء لحم واخليه لحد ما ينشف بالمره وبعدين اقصر النار على الاخر واحط حديدة او صاج تحت القدر واخليه يطبخ على البخار ، وبعد عشر دقايق افتح الغطا واصب الزعفران المنقوع بماء الورد على الوجة والون طرف الجدر ب1/4 ك ماء لحم وشوي كركم وشرايح زبدة اوزعها على الوجه وارد اسكره واخليه لمدة 15-20 يكون استوى على الاخر..
الحشو:
بصل مفروم خشن
كشمش منقوع
حمص مجروش مسلوق ومغسول من ماء السلق
دارسين
هيل ناعم
ملح
لوز شرايح وممكن صنوبر
زيت
الطريقة:
نقلي البصل بشوية ماء لحد ما يذبل وبعد ما يبدأ يتغير لونه وينشف الماء نحط الزيت ونقلب لحد ما يتلون البصل..
وبعدين نحط الحمص المجروش ونقلب ونحط شوي ماء لحم والبهارات ولما ينشف الماء بالمرة نضيف الكشمش ونقلب شوي ونطفي النار ونغطيه عشان يكمل سواه بالبخار..
ونقلي اللوز بروحه وعند التزيين نضيفه بالاخير ..
هنيه طريقة الحشو بالتفصيل:
اضغطي هناااااااا
تحمير الخروف والدجاج بطريقتي الخاصة "والله كثر ماقلت روعة ما تصدقون"..
المقادير:
لحم خروف أو دجاج مسلوق
زعفران
هيل ناعم
كركم
زبدة
ماء لحم
الطريقة:
نذوب الكركم والزعفران بماء اللحم والهيل ونصبه بالعصارة على اللحم بهالطريقة..
نحط شرايح الزبد جذي على اللحم وندخله الفرن منفوق وتحت يتحمر..
وهذا شكله النهائي..
زائرة
•
الحمدللة على سلامة الاهل وعمرة مقبولة ان شاء الله والله يخليهم لكم وسفرة عامرة من يديكم الحلوة والله يجزيكم الف خير
الصفحة الأخيرة
سفرة عامرة ودايمة ان شاء الله
تسلم الايادي على الشغل العدل