ماااااااااااشاء الله تبارك الرحمن الله يحفظ لك اهلك ويشافي ابوك ويرزقك الزوج الصالح يااااارب اللي يفرح قلبك وقلب والدينك
السفره روعه تبارك الله عليكم بالف الف الف الف الف الف عاااااافيه

الدجاج المحشي رز مصري ولحم مفروم..

المقادير:
دجاج
ثوم مهروس
فلفل اسود

الحشو:
لحم مفروم
بصل مفروم
رز مصري
ماجي
دارسين
حمص حب
ملح

الطريقة:
طريقة الحشوة:
نقلي البصل على النار لحد ما شوي يشقر ونضيف عليه اللحم المفروم..
بعد ما ينشف ماء اللحم شوي نضيف الحمص والبهارات ونخليه 5 دقايق مع التقليب..
نضيف الرز المصري المعسول ونقلب لحد ماتحسين ان الحبة اتشبعت بهارات نضيف ماء حار او مرق اللحم ونخليه لحد ما يوصل الى ماقبل الاستواء يعني 3\4 تسوية..

طريقة حشو الدجاج:
نغسل الدجاج عدل ونفركة من داخل بشوية ثوم مهروس وفلفل اسود..
نحشي الدجاجة بالحشوة ونخيطها "ان شاء الله راح احط طريقة الحشو والخياطة بموضوع مستقل لما اسويه مرة ثانية لان ماكان عندي وقت اصورها وانا اسويها"..
ونسلق الدجاج بالطريقة الاعتيادية " مع بصل وثوم ولومي وبهار دجاج و ملح وفلفل اسود ودارسين شوية كركم"..
وهذا شكل الدجاج بعد السلق..



واهنيه سويت مثل ما سويت باللحم بالرد السابق..



وهذا شكل الحشوة عند الرقبة لان الدجاج اللي استخدمته 2.5 كيلو يعني واااايد كبيرة كأنها بطة ماشاء الله..



وهذا شكلها بعد ماطلعتها من الفرن "الفرن شغل من فوق وتحت"..

سلطة خضراء..




المقادير:
خيار
طماطم
خس امريكي
بقدونس
خلطة السلطة الجاهزة بالريحان

الطريقة:
نقطع الخيار والطماطم مربعات صغيرة..
نفرم البقدونس والخس ناعم..
نخلط المكونات ونسوي الخلطة "باضافة ماء وزيت عليها" ونضيفها على السلطة مع عصرة ليمون :42: ..

ماشالله
الله يشيفيلكم الوالد ان شالله
والاطباق ماشالله
بس انا امووت ما احب البيض على البشمل
والصج طريقتج لذيذة

بالنسبة للمحاشي طريقتها موجودة بموضوعي "ملف خاص لكل أنواع المحاشي من مطبخي بالخطوات المصورة والمفصلة.. "

رابط المحــــــــــــــاشي بالتــــفصيل :) ..