ردوا علي ياللي تعرفون :(

nanooo اختى

انتى قووي عزيمتك ولاتخليين السمنه تغلبك >>>>>>>حاولي انتى اللى تغلبينها
وان شاء الله رح توصليين للوزن اللى انتى حابه توقفين عنده

والوجبات الغير محده كلي لحد ماتشبعيين يعني مو مشكله الاكل اهم شي انك ما تلخبطين وتاكلين خضار مع شي ثاني بس الاحسن انك تاكلين بمقدار معتدل ولا تاكلين الا وانتى جوعانه
وحاولي لو جعتي انك تشربين مويه والمويه مفيده جدا لرجيم

وان شاء الله النسكافه ما فيها اي ضرر لانك مارح تحطين سكر >>بس انا قريت من الاستاذه ساره انها تشتري النسافه اللى مافيها كافين >>اللى كون غطاها احمر

وشوفي الرياضه احسن حل المشي حاولي تمشين الاول نص وبعد كذا تزيدين الوقت
وحتى حركتك بالبيت كويسه حاولي تتحركين كثير

وزي ماقالت الاستاذه ساره لازم الاكل بدون ملح
انتى حاولي اول شي بالليمون >>>>>>>>>>>>>>>>والله يعينك ويوفقك وتبدي معنا
بس انتى قوووي عزيمتك



دلع 14
ياقلبي حاولي انك تطلعييين فوق او تروحين لاي مكان لحد مايخلصون اكل
والله هذا احسن حل


جي جي
يا قلبي حاولي تصيطرين على نظامك
انا زيك محتاس لان اصوم >>>>>>>>بس زي ماقلت اول الفطور خليته وقت اذان المغرب
وعلى الساعه 10 يكون الغداء
والسحور يكون العشاء

بس انتى نظامك رااايح فيها

يعني في اربع ساعات بتاكلين 3 وجبات اتوقع ماينفع
حاولي تنظمين نومك شوي

وبعدين لو ماقدرتي خلي العشاء فواكه
يعني تفاح
برتقال >>>اشياء خفيفه

والله يعينك ان شاء الله

السلام عليكم


ادري اني غبت كم يوم


لاني شوي تركت النظام لاسباب مرضيه

وان شاء الله او ما ارجع للنظام بخبركم



بقلكم شصار معاي



نشيت الصبح كالعاده وصليت

حسيت فيني دوره براسي


والسبب لاني اخذ حبوب رديكتال

المهم دايما الاعراض تكون عندي عطش وامساك وخفقان القلب


طبعا انا ذكيه جدا ههههههههههههه


قلت لكم بسوي الرجيم المركب وقاعده اخذ الحبوب


يعني معناته ما بقدر اكل شي


لانه يسد الشهيه

الموهم


بعد ما صليت الفجر حسيت بدوره فراسي قلت لازم اخذ اشياء قويه

طلبت من الخدامه كوب شاي حليب كامل الدسم وسكر عادي

ولا في فايده



واتصدقون ما كذب عليكم اني مو قادره اكل


رحتت خذت بسكوت

وتدرون في هاليوم صارلي تشتت

الناس يكلموني وانا خبر خير


اتقولون مخرفه

ولما جيت اصلي اشوف الارض كانها تتحرك على فوق

والله يا بنات

قلبي تم يدق بقوه

حسيت مب قادره اتنفس


طبعا من يومين تركت الحبوب لاني بتبع الرجيم المركب


^_^

الحين هذا ثالث يوم من تركت الحبوب اعتقد


بس احس ان شوي شهيتي بدت تنفتح

واول ما حس اني طبيعيه راح اكمل معاكم

صباحكم الله بالخير

شخبار رشيقات المستقبل ؟!؟

اليوم لي ثالث يوم الحمد لله اليومين اللي طافوا عدوا على خير

امس بعد ان رجعت من الدوام جوعااانه بس مسكت نفسي وما اكلت شي

ورحت امشي عقبها اكلت سلطة يونانيه ونسيت اشرب ماي دافي مع ليمون

واليوم الصبح صاحية متاخر وما لحقت اخبر الشغاله تسوي لي شي يادوب شربت كوب لبن كانت مجهزته وطلعت بسرعه

مدري شو اتغدى اليوم؟

شراايكم؟ اليومين اللي طافوا كنت اكل بطيخ ؟ هل استمر على البطيخ او اغير؟

لوعااا شو صار لج يا بطه ؟!؟

وليش تقعدين وياهم على العشى ؟ تنقهري تشوفيهم ياكلوا ونفسيتج بتنفتح للاكل

وقت الاكل لا تقعدين معهم

يله عاد ذي اخر مره لج ولا تتكرر <<< يا قووية عصبت اوركيده

يله ما بهذر بزياده عندي شغل برد اشوفكم

اوركييييده

ليلى مراااد

سلامااات حبيبتي ما تشوفي شر

انا قبل كنت اخذ ريدتكال والحمد لله مااثر عليه وكان يسد الشهية بطريقه حلووة

بس الحين اخذ فيتوشيب بس قريب تخلص وانا لين الحين ما طلبت لي غيره

حبيبتي حاول تبدي معانا بالرجيم ولا تاخذي ريدتكال دام ياثر عليج اخذي فيتوشيب تسد الشهية

ويعطيج ربي الف عافيه يارب


*** بنت الجنوب ***

حبيبتي لا تقيسي الوزن كل يوم ما بتحسي بفرق واايد

انطري كم مين يوم واذا فيج صبر كملي اسبوع وعقبها شوفي وزنج

انا البارحة قمت اشوف الوزن .. بس احس الميزان مخبص ولا عطاني الوزن الصح

انا حاسه روحي خفيت من منطقة الصدر بس الميزان عطاني نفس الوزن اللي باديه معه الرجيم قلت خلاص ما بوقف عليه الا يوم الجمعه الصبح

وين بقية البنات ؟ لين الحين نووم

يله اصحووا عن الكسل

اوركييييده