السلام عليكم ورحمه الله وبركاته ...


اهلين بنات كيفكم وش اخباركم ..

انشالله تكونو مناح وبعزيمه وقوة اراده ..

نوفا .. ريماس .. تسلمون واتمنى تكونو استفدتو ..

فراشه <<< تسلمين ياقلبووو وادعيلي وانشالله تفيدوني وافيدكم اكثر ...

انا الفتره الي فاتت سافرت وخبرتكم كمان ..

لكن مقهوره مخبصه شويتين بالبرنامج لاني مقدرت اتحكم بأكلي ..
يعني تقدرون تقولون اني كررت اكلي بالايام الي فاتت وحطيت حرتي بالسلطه..
وصرت اتذوق قليلا من الخربطه <<< مو قلت شكلي بصير متذوقه هههههه
بس يالله يامعين اعني ..

على فكره لقيت المته الي تكلمتو عنها من قبل بهايبر بنده الي بمخرج 16 بالرياض الي عند رمال سنتر عند العطار الي جوا الهايبر ماركت ويقولي كمان تلقونها عند المهباج تبع الاعشاب ..
وعلمني كمان طريقتها وقالي هي تنشرب مزاج وكيف يعني زي القهوه عندنا بالسعوديه
بعضنا يشربها كيف ومزاج ..
طريقتها زي ما انكتبت هنا ..

بقولكم يابنات عن شي جاني هديه ......


يوم الاربعاء رحت لاختي وع\تني علبه فيها شي مطحون وقالتلي اشربيها مع مويه مغليه على
الريق ملعقه وحده بس وبشهر شوفي كيف راح تكوني

<<< طبعا انا انهبلت قلتلها .. طيب وش ذا ؟؟
قالت هذ وحده تبيعه بمركز تحفيظ قران وتبغى الاجر من فلوسه لصالح الدار ..
وهي تسوي هالخلطه وهي مكونه من نخاله وبذرة الكتان وشمر مطحونين سوا ..
وتقول انها مجربه وكثيييييييير نحفوا عليها وبدون ريجيم ..
طبعا انا مستحيل استخدمها بدون ريجيم اكيد مع ريجيم
الي بيستخدمها بدون ريجيم مايبي ينقص من وزنه الا 5 كيلو بالكثير طبعا
هي تقول انك تنحفي عليهابالشهر 7 كيلو من غير ريجيم <<< بس نا ماصدقت وراح استخدمها مع الريجيم وبديت فيها اليوم ..

طبعا نا ماتمشي معاي هالخرابيط لاني وبصراحه اخاف من الخلطات
بس الي خلاني اقتنع انه صاحبة الخلطه اعرفها ومن القرايب ومعروفه بأخلاقها ودينها وربي
يعني ماتوقع انها بتكذب وبعدين فلوسها لصالح الدار الي هي ماسكتها والحرمه هذي ماعليها
يعني مقتدره ماديا وبقوه كمان مشالله الله يزيدها كمان
يعني مو محتاجه فلوس ..
حبيت اخبركم هالخبريه لانه اختي تمدحها والله كثييييييييييييييييير
وتقولي نا اعرف كثييييييييييير حريم استخدموها والله خفوا واجد
اختي قايلتي عنها من زمان بس انا ماهتميت جت واشترتها لي وجابتها :42:
<<< يبوني اخس بأي شكل ههههههههههههههه

الله لايحرمني منهم ..
بنات الي تبي هالخلطه هي موجوده بالرياض بدار تحفيظ والله مدري شسمها بس بحي المنار بالرياض
اذا تبونها اسألككم اختي عن اسم الدار .. من عيوني ..

وبعدين بنات انا رحت لمهرجان الربيع الي بالدائري الشرقي
بالرياض .. وشفت راعي عطار يمني وسألته عن افضل انواع قشر القهوه ...<< لانهم هم اهلها
فقالي مفيده للتخسيس وقالي كمان عن هالخلطه بدون ماأسئله وربي
قالي جيبي نخاله وكتان وشمر واطحنيهم سوا واستخدميهم نفس الطريقه يوم قالي
وربي فرحت قلت يعني مو بس اختي تمدحها حتى هاليميني يمدحها <<<:arb:

اذا احد كمان يعرف عنها شي يعطينا خبر نستنى سوالفكم لاتحرمونا منها
وانا الى الان ماوزنت << شكلي بأوزن بالمستشفى احسن وازبط كمان ...

انا الان بالاسبوع الخامس يعني خلصت شهر الحمدلله
وبالنسبه للبنات الي يقولوا بنترك البرنامج وربي اتمنى انهم يصبروا ويكملو هالشهرين
ويشوفو مو معقوله كذ من اول محاوله نيأس...

>>> عبت ثلاجتهم فجل ابيض لزووووووووم الحرق ههههههههههههههههه:hahaha:

يالله بنات اشوفكم على خيييييييير .... يارب انك تخفف عنا واحنا بصحه وعافيه انا والبنات الي معايا هنا
امين يارب العالمين ... يامعين اعنا ..
بحفظ الكريم ..

هلا وغلا قصي 100

كيفك عيوني

فعلا بذرة الكتان والنخالة سمعت انهم ينحفون مررة بس ماجربتها بس بسالك

وشهي الشمر ؟؟

السلام عليكم ورحمة الله وبركاته
صباح الخير ... اختي الاستاذة
سؤال ... انا اصوم اثنين وخميس من كل اسبوع
هل استطيع الاكتفاء بوجبة العشاء فقط في يومين الاثنين والخميس ؟؟
سؤال اخر هل منقوع اي مشروب مثال :- النعناع والليمون وغيره يمكن شربه في كل الشهر؟
علما بأني اليوم الاحد 3-12-2006 قمت في تطبيق الريجيم فلقد اعجبني كثيراً ...ارجو منكِ الرد على بأقرب وقت لانه غدا الاثنين وسوف اصوم بأذن الله تعالى ....
دعواتي لكِ وكل فراشات المنتدى بأن ينحفو بالصحة وعافية وان ينالو ما يتمنوه ..
اسفة على الاطالة
شكرا لكِ
تحياتي

حبيبتى يانا

راح تتبعى اى رجيم حتى انا جسمى ثابت يعنى ثالث اسبوع نص كيلو و يمكن رجعت تانى

اصلا بطلت اوقف على الميزان عشان لا احبط

ما نلخبط و يمر اليوم الاكل خفيف جدا و مافى نزول من جد احبااااااااااااااااااااااااااط

هلا اختي قلبي تكتع

ايه تقدرين تكتفين بوجبه وحده






بناااااااااااااااات اذا مانزلت هالاسبووووووووووووع يمكن اغير الرجيم



بالتوووووووووووفيق حبيبات قلبي