دندون معلش سؤال كمان
لو انا حبيت اعمل بسكويت وضربت الذبده والسكر
وقررت انى مش هكمل
ازاى اقدر احتفظ بالذبده والسكر
هل ينفع احتفظ بيهم ولا كدا الدنيا باظت؟؟؟؟؟؟؟؟؟؟؟؟؟؟؟

كل سنة وانتى طيبة يارب ياسموحة:26:

اهلا يانور عيد سعيد عليكى يارب بالنسبة للعجينة كانت عايزة شوية
دقيق لان كدة الدقيق مش حلو و البيكنج بودربتاعك حطيتى قد اية يانور؟
كنتى زودتى شوية دقيق صغيرين وانتى بتشكلى يانور
وبالنسبة للزبدة والسكر متخافيش حطيهم فى الثلاجة عادى او الفريزر لو مش حتعمليهم
الاسبوع دة

السلام عليكم ورحمة الله وبركاته

فى البداية عايزة أشكر الاخت دون ....وأقولها تسلم أيديك وربنا يكرمك يا شيخة ويسعدك دنيا وأخرة

وكل سنة وانت وحبايبك بخير


الصراحة مجهود كبير وجميل أوى اللى أنتوا عاملينه ....انا بدخل أحيانا بس ما بلحقش أشارك معاكم عشان النت عندى مش خط .....لكن بجد بقى مبسوطة بيكم


أنا بقى لى طلب ويا ريت ألاقى عندكوا حل وتساعدونى لحسن بجد أحترت (داخلة على طمع )
أنا كنت نزلت موضوع عن كفتة الارز وعايزة نصايحك يا أحلى شيف

شوفى أنا هأنقلك سؤالى علشان ما أغلبكيش




تفتكرى الرز اللى انا بحطه شويه
هو الارز لو كان كتير مش بيسيب الكفته ولا أيه ..؟؟

وسؤال كمان ..

أنا عملت كميه على العيد عشان كان عندى لحمة بقرى كتير بس للأسف طلعت سايبه برضة ...غير إنى الظاهر قللت الملح فطلعت لاذعة خالص ...(تطلع من الودان زى ما بيقولوا ) لما طبخت منها

مع العلم إنى حمرتها خلاص كلها والكميه مش شويه ...هل هناك حل لتظبيط الملح ...وأنت عارفة أن الكفته ما بتاخدش من الصلصة أى ملح حتى لو كانت مالحة برضه طعمها ما بيتأثرش بالصلصة


يا ريت الأقى عندك حد ...وأدينى مقاديرك المظبوطة إذا سمحتى

على فكرة أنا عملتها فى الهون لأن المفرمة بتعتى بايظة وهتتاخر شوية فى التصليح
بس بجد أنا نعمتها خالص وكانت زى الفل


وهل بنعجن اللحمة بشوية زيت أو سمن بعد الفرم و نعجنها بيه ولا دا غلط ؟؟

بصى يا دندونه
انا جبت دقيق اسمه الحلوانى
فى كتير كانوا بيشكروا فيه قلت اجربه بس الظاهر انه هو كمان طلع وحش
انا حطيت شويه صغيرين بيكنج بودر مش كتير
معلش يا دندونه ممكن تكتبيلى نوع دقيق (اسمه ايه يعنى) يكون فعلا كويس غير الضحى
لانى جربته وبردو طلع مش حلو

دون فيه جبنه فى هايبر اسمها جبنه كيرى بالكيلو عمرك جربتيها؟
الكيلو بتاعها رخيص قوى وكمان طعمها زى الكيرى بالظبط
مش عارفه خايفه اجيبها