هلا بكل البنات
سويت رجيم قبل 3سنوات تقريبا بديت من بعد شهر رمضان لأني مستحيل أقدر أقاوم تنوع الأكلات
من بعد العيد بكم يوم الرجيم يعتمد على المتوفر عندي في البيت يعني ما كان عندي رجيم معين لأني ما أعرف أطبخ فما في أحد بيسوي لي أكل على حسابي
كنت أكل توست نخالة وبعد فتره تركته لأني كنت آكله بدون شيء فصار ماله طعم بعدين صرت آكل توست قمح واستمريت عليه فتره طويلة وكنت آكل فواكهة وخضار ولبن أو زبادي قليل الدسم
ونزل وزني وصار جسمي حلو بس للأسف ما كان عندي ميزان فما أدري كم نقصت من كيالو
بس الشعور يجنن تحسي روحك صغيرة وتجلسين في أي مكان محد يتضايق منك لأنك سمينة خصوصا في السيارة إذا كانت زحمة
بس لأني كنت أدرس فأثر واجد على درجاتي مع أني أحس نفسي أحل زين في الامتحان لكن صارت الدرجات زي الزفت ولله الحمد وهذا صار الشيء مع أكثر من بنت وحتى أحسن إني صار فيني أعراض فقر الدم من الدوخة بسبب قلة الأأكل فتركت الرجيم لأن الصحة أهم
أما بعد ما تركت الرجيم صرت زي الملهوفه على الأكل كأني عمري ما أكلت شيء وراح تعب السنة في فتره بسيطة والحين رجعت زي أول وأكثر بعد
وزني صار 75 والله يعيني على نزولة مره ثانية أني ودي أسوي رجيم لكن أخاف يأثر على دراستي ويروح فيها المعدل مع اني ضايق خلقي من شكلي إذا لبست البنطلون كرشي يتقسم نصفين وودي يصير وزني 60 حتى يصير مثالي على الأقل وإذا صار في الخمسين خير ونعمة
إن شاء نشجع بعض ونضعف كلنا يارب بصحة وسلامة
برجع وبتكلم عن تجربتي