موقادرة اتزوج والسبب....

السلام عليكم...
اول شي احب اشكركم يابنات حواء على قلوبكم الطيبة ولو ما كنت شايفه انكم ماتقصرون وتهتمون بخواتكم ماكنت تجرأت وكتبت لكم...

ندخل بالموضوع
معاناتي الازلية هي السوووااااااااد
يابنات صدقوني ما اكلم حد بالموضوع من كثر ما منحرجة منه ولا اعتقد انه احد عنده السواد اللي عندي...
بشرتي لونها حنطي وطبعا بشكل عام جسمي ألوان :( يعني
صدري تقدري تقولي عنه ابيض وبطني ظهري والمؤخرة لونهم اسمر
ورجولي بطولها لونهم حنطي فاتح جدا...
والمصيبة اللي عندي وهي اللي زايدة الطين بله

المنطقة الحساسة يابنات...بموت منها تصدقون اكرها موت
لونها غريب اسود مثل الرمادي واحس حواليها جفاف ومدري شقول عنها وايد لونها غير ياليتها سمرا غامق.......
والله يابنات متعقدة منها
جربت وصفه لاحدى الاخوات ما اذكر اسمها عنوانها(مضمون لازالة السواد بعشر ايام)
فيها زيت لوز وخروع وجلسرين وليمون ومسك مطحون..
في البداية مدري كنت اتوهم او حقيقة حسيت ان المنطقة تفتحت لكن للاسف مرت اكثر من عشر ايام بدون نتيجة وصار عندي حرقان بالمنقطة وبصراحة اكثر صرت لما انشف المنطقة الحساسة والمؤخرة بالمحارم بعد الحمام اشوف نقط دم؟؟؟؟؟؟؟
والحين اكثر من اسبوع بين فتر وفترة اشوف الدم بس خفيف جدا وخايفة لا يكون شي صارلي او يتضاعف هالشي واطيح في بلوة والحرقان اعلى المؤخرة للحين مستمر..

بس والله مو قادرة اروح واشوف شو عندي اخاف الدكتورة تبي تكشف عليّ وساعتها مابقدر بنحرج....
وكلما كلمتني الوالدة بموضوع الزواج أرفض واتحجج كل يوم بحجة شكل.. وبالنهايه مابقدر اتهرب عالطول...

صدقوني اكره شي اسمه زواج من العلة اللي فيني...
طلبتكم يابنات اللي تقدر تحللي مآساتي وتساعدني والله لأدعيلها واسويلها اللي تبيه
صدقوني تعبانه نفسيا والسبب هالموضوع؟؟؟

وبالنهاية اطلب من ربي ان يجعل الفرج على ايديكم؟؟؟
واسمحولي اذا تأخرت بالرد عليكم لأن اخوي طول الوقت عالكمبيوتر........
ساعدوووووووووووووووووني بليييييييييييييييييييييييززززززززززززززززز