موقف صعب جداً كيف بتتحملينه..؟؟ شو بتسوين..؟؟

عزيزاتي في عالم حواء .. اتصلت بي صديقة عزيزة جداً اليوم و كانت تبكي بحرارة و هي عاقدة قرانها من 6 أشهر و بتتزوج الشهر القادم من رئيسها في العمل بعد ما سأل عنها و عرف إنها ما عندها علاقات شبابية و سمعتها زينة و الحمد لله.. خبرتني اليوم إنه قال لها أمر خطير عن نفسه.. قال لها إنه قبل ما يعجب فيها كان يبات في الفنادق أحياناً مع بنات الليل علشان يشبع شهواته و يدفع لهن فلوس مقابل هذا :06: و إنه اختارها هي بالذات مش لأجل جمالها رغم إنها تمتلك كل المواصفات اللي يتمناها حسب ما قال.. بل اختارها لسبب واحد بس إنها انسانة نظيفة و طاهرة حسب ما سأل عنها.. و إنه من أول ما تعرف عليها ابتعد عن هالعادة عشان ما يخونها صديقتي ألحين خايفة و محتارة .. خايفة إنه يظل على هالعادة بعد زواجهم خصوصاً لأنه رجل أعمال و غني.. و في نفس الوقت هي تقدّر إنه صارحها بمثل هالحقيقة المرة لأنه معودنها على إنه يكون صريح دايماً و ما يعرف يلف و يدور .. ألحين صديقتي بحاجة للنصح لأنها خايفة إنها لو ما قدرت تملي عينه في المستقبل يمكن يرجع لهالعادة.. و في نفس الوقت خايفة لو كانت ست بيت ممتازة إنه بعد سنوات يرجع لهالعادة الشينة.. و ينسى الحب اللي كان بينهم و يخونها.. أنا احترت مع صديقتي لأنه يحبها و في نفس الوقت له سوابق تخوفها منه.. ياليت تنصحونها و إذا وحدة منكم تعرضت لهالموقف أو أي وحدة تعرفها تخبرنا كيف تصرفت معاه.. و وحدة من صديقاتنا قالت لها إن الرجل اللي ما لعب في مراهقته و شبابه بيلعب بعد ما يكبر و بيكون عنده استعداد يخون أما اللي لعب و شبع بيكون مخلص أكثر من غيره لأنه شبع من البنات ... شو رأيكم؟؟ و أتمنى تكونون بألف خير و صحة و عافية في حياتكم الزوجية دايماً إن شاء الله :19: