:icon33: :icon33: :icon33:

أول شي الحمد الله على سلامة الوالد ( الله يحفظه يارب ويخليه لكم ) :(

ثاني شي يانبع الانوثه اللي صار لك مو هين ... أنتي في بدايه الموضوع قلتي ان يمكن نقول اللي صار عادي ... واذا تبين الحق مو عادي والله وكل اللي سويتيه كنتي معذوره صراحه ...... :icon33: الله يلوم اللي يلومك

بس أختي بقولك شي لاتتفرعين بالتفكير .... ركزي على شي واحد طيب

مثلا انتي زعلانه على الوالد ... لاتروحين تفكرين في منظرك وانتي قدام ولد الجيران ...خلالاص انسي هاذي السالفه... لو كان اللي سويتيه غلط كان شفتي اللوم مننا لكن والله العالم بحالتك وانك من خوفك على والدك ماغطيتي نفسك .. يعني هاذي أخلصي منها ولا تزيدين همك هم

بالنسبه انك لسه تفكرين في الموقف ..... عااااااااااااادي جدا أهم شي انك تشوفينه قدامك بصحه وعافيه وصدقيني مع الوقت بتنسين ... بس انتي أدعي كثثير.

أبتسمي وانبسطي موقف صعب وعدا خلاص... بس هونيها وتهون بلالالاش تفكير كثير :27: :27:

ربي مايروعك على غالي

حبيبتي نبع الانوثه حسيت و كأني انا الي بالموقف واخنقتني العبره
يا قلبي وين هين!!!
ألف ألف ألأف الحمدلله على سلامة ابوج عسى الله يخليه لكم ذخر و يحفظه و كل آباءنا اللهم آميييين
و الله اني لو اشوف ابوي منسدح تعبان من الانفلونزا اركض داري ابجي بجي يصدع الراس و ادعي شلون لو السياره تيي عليه اسم الله عليه !!!!؟؟؟؟؟
ياعمري معذوره ونص وثلاث ارباع و زوجج خلاص خليه ينسى ولي فتح الموضوع قوليله بهداوه وفهمي انه هذا (((ابوووج)) والي ايده بالنار مو مثل الي ايده بالآيس كريم مادري شنو, وخليه يحط روحه مكانج, هذا لان يغار عليج بس و لو موقف صراحه لا تحسدين عليه, و انتي مشا الله عليج سوبرمانه كافي ما اغمى عليج والنعم والله فيج تستاهلين بوسه :39: و احلى ورده :26: ومشاالله اختي نونا قالت كل شي كنت بقوله ماقصرت, وهذا شي نفسي تعوذي من بليس و ادعي ربي ينسيج, والله ان العطر الي اشمه يوم امتحانات الفاينل والكلام قبل سنه, يوم اشمه الحين تردلي اللوعه نفسها وعوار البطن الي قبل الامتحان تخيلي هذا لان المخ سبحان ربي يربط, حاولي تربطين السياره بموقف او ذكرى حلوى, فهمي زوجج الي فيج و خليه يساعدج يسويلج مفاجأه تخليج تحبين السيارات مره ثانيه :27:

ياعمري والله اني احس انك قريبه مني باحساسك

الحمد لله على سلامة ابوك طولة عمر ان شاء الله له

وبتاخذين لك وقت لين يخف تاثير الحادثه عليك .انا اذا حلمت بابوي حلم شين تهل دموعي اربع

و اقعد متاثره ايام ويوجعني قلبي واقعد اطالع فيه واسال عنه طول الوقت شلون انتي

الله لا يفجعنا بشر ويخلي لنا اهالينا ويكفينا شر السيارات وحوادثها

الله يجزاكم خير والله ماقصرتوا ......
عسى كل حرف كتبتوه ينكتب لكم الف حسنه ..... والله واسيتوني كثير

بنات اليوم جوني اهلي وانا اقهوي ابوي مديت الفنجال ويوم شفت يده قعدت ابكي غصب علي خاصه انها الى الان تعوره وماانخاطت زين من كبر الجرح ... ورحمته ... وبكيت لاني تذكرت الحادثه بتفاصيلها ..
المهم قمت على طول عشان مايدري اني بكيت
مادريت الا وهو جاي لي يابعد عمري وفهمني وهداني
وقال ليش تبكين هذا شي وراح وقال انا فخور فيك كثير وفخور بردة فعلك وخوفك علي خصوصا يوم شفتك طالعه بدون عبايه وهذا يدل على حرصك وفزعتك لي .. الله لايحرمني منك

والله هذا كلامه لي .... والله والله والله والله بغييييييت اطير من الفرحه الا طرت !!
والحمدلله عقب كلامه هذا وانا متحسنه كثير . لا وابشركم طلعت مشوار انا وزوجي ولا خفت ... صرت احس اني بطـله عقب كلام ابوي ههههههههههه

الحمدالله على سلامة الوالد
الله يحفظة والله بكيتيني اختي
مواقفك قوية بس لا تستسلمين بالعكس حاولي تتذكرين ان اللي جا ابوك ان شاء الله يكون تكفير ذنوب واقري قران كثير وكمان زوجك لتحملي شوي وهذا رجال غصب يغار على عرضة ادعي ربي يهدية

والحمدلله على سلامة الوالد مرة ثانية