مين يصدق ان النعمة تصير نقمة ؟؟؟ ولين متى الوحدة عايشة على اعصابها ؟؟ استغفر الله !

بسم الله الرحمن الرحيم

اللهم لك الحمد على كل حال ... لا إله الا انت سبحانك اني كنت من الظالمين...



والله تعبت يا بنات .. تعبت من شدّ الأعصاب .. تعبت من محاسبة نفسي على كل لقمة احاول امد يدي عليها ..لا وبعد وحدة من البنات تقول خلونا نحط ورقة كل ما اكلنا شي نكتبة علشان نحسب كم فيه كلوريز .. والله عذذذذذذذذذذذذذذذاب ..


متى اقدر اكل واحس بطعم الأكل من دون ما احاسب نفسي ... اعوذ بالله من غضب الله حتى الحلى اذا بلعته ما ادري كيف طعمه من كثر القلق اللي ذبحني وانا اقول ..ايوووووه بكرة رايحة ازيد كيلو ... بلا هالكيلو ما نزل بالساهل ..

تصدقون عاد يا خواتي .. ماهيب عادة اني اتذمر او اني اضعف لهاذي الدرجة بس والله اني احس انها حالة قشراء .. وين ما اطقها عوجاء ..
كل ما الوحدة سوت رجيم وانقصت مهما كان اللي انزلته تجلس طول عمرها خايفة عليه لا يرجع .. والمصيبة انه يرجع في وقت قياسي كأن الوحدة في سباق ..:time:

لا تقولون لي شدي حيلك .. خلاص حيلي انقطع .. ولين متى المشكلها مستمرة ؟الى ماشاء الله

ما فيه رجيم الا سويته لين حسيت ان جسمي انهد .. ولا خلطة الا شربتها لين صارت معي لخبطة في الدورة وحالة ما يعلمها الا الله تعالى .. حتى الرياضة مشيت عليها لين كرهتها ومن يوم اتركها يترهل الجسم ..

انا ما اقول هالكلام علشان احبطكم لا والله .. مع العلم اني من فضل الله نقصت كثير ولا بقيلي الا خمسة كيلو على الوزن اللي ابي اوصلة .. بس المشكلة انه ايامي كلها رجيم في رجيم ..
يعني حرمان في حرمان .. والله تعبت .. ما صرت احس بطعم النعمة الله لا يغير علينا ..

بنات فهمتوني .. انا ما انكر نعمة ربي علي ولله الحمد والمنة وصحيح اني قطعت مشوار كبير وربي عاني عليه والحمد لله ... بس انا شايلة هم هالنعمة اللي قمت ما احس بطعمها من كثر ما صرت اخاف منها ..
**********الله المستعان .. اللهم اعني على ذكرك وشكرك وحسن عبادتك .*********