هههههههههههههه والله انتس يالزيزفون ههههههههههههههه


انا والله اللي احبك احبك احبك ....


...........


قدّر الله سبحانه انه يصير لي يوم حافل حافل جدددددددددا



بمواقف بسجلها لكم بعدين ...

بس الحاصل ان ابونا امس يوم انه راح وحاسب على الكنب وطاولة قهوة قال لي اذا قمتي من الصبح روحي كملي الباقي من الفلوس وجيبيهن لأنهن خفيفات والمحل مامن بعد ...

يعني مايسوى عشر باوندات اني ادفعهن عشان التوصيل...


المهم واروح للمحل ولد الحلال راعي المحل ساعدني في تفكيك الكنبات وصار من السهل اني اشيلهن لوحدي بس انه نادى واحد من عماله ووصلهن معي للبيت ...

المهم انا وياه حطينا جزء من الكراسي على باب العمارة مافتحت الباب قلت المحل موب من بعده وبجي بسرعة ادخلهن ..ورحت رجعت للمحل اثاريني تأخرت شوي دخلت في نقاش طويل وجميل عن الاسلام والدين الاسلامي مع راعي المحل (لازم ان شالله اكلمكم عنه بالتفصيل الممل )

وجيت ركض لبيتي لقيت واحدن من الكراسي مهوب موجود...


واحزني....عاد انا تذكرت هكالمنشورة اللي موزعينها شرطة برايتن على الطلاب في الجامعة من ضمنها لاتترك اشياءك في الخارج ترى المال السايب يعلم السرقة...



قلت واليييييييييين هلحين من بيفكني من رجلي (مافكرت بالكراسي خايفتن من رجلي والله :) )


واقوم ارجف وادور يمين شمال واناظر العمال اللي يصلحون العمارة اللي جنبنا قلت هيه انتم يا...

ماشفتوا كرسي خيزران من هنا ولا هنا قالوا لاماشفنا شي...

ووالمهم قلت يالله يعوض علي ربي ...واقوم افكر بكذبة على رجلي اقول انكسرت ولا انسرقت من المحل ولا اشوف لي اي صرفة...

ومير تطلع علي مورييييييييييييييييييييييييييييين ....وانا اعاصل ابفتح الباب...


قالت لي هيللللللللللووووووووووووووووووووووووو....


قلت هلا والله بام وليام يالله انك تحييها ...

والهث وانا احاول ادخل الكرسي الكبير ويوم دريت والاها تجي تبي تشيل معي....

قلت لالا الله لايهينتس وهي تعيي وتحلف وتجرجر الكرسي معي للداخل اثاريها هي اللي مدخلتن الكرسي الاول يااااااااااااااااابعد الدنيا يامورين ...


يااااااااااااااطيب مورين طيبااااااااااااااااااه.....


قلت مورين اثرتس انتي اللي مدخلتن الكرسي ؟؟؟

قالت عساتس مانهبلتي عليه؟؟؟

انا اسفة تساني هبلتس....


بس اني خفت انها تمطر ويخرب عليتس...!!!!!!!!


لأن الجو كان ماطر بالحيل ...

شوفوا تكفون القلب الطيب والنية البريئة الله يخلف علينا بس !!!!!!!!!!


فعلا شيء يخجل انها وهي مواطنة تعاملني انا يالاجنبية بهالاحترام والحنان تقولين بنتها ...


فكرت للأسف وشلون يعامل الأجانب المسلمين عندنا فضلا عن غير المسلمين في بلادنا اللي نسميها بلاد اسلامية ...


وكيف الواحد منا لما يشوف اجنبي حتى لو عربي او مسلم من دول العالم الثالث...وكيف ننظر لهم باحتقار هذا ان ماجاهم شي افظع من سوء المعاملة كخدم في البيوت ...


عرفت ذيك اللحظة وش الشي اللي خلاهم يتحضرون وحنا نتخلف....

ويدخلون قلوب الناس...ونطلع حنا منها....

ويصيرون هم اهل الحضارة والمدنية وحنا اهل الارهاب والبربرية...

الأخلاق اللي تبدا من احترام الانسان والتواضع له مهما يكن نوعه وجنسه ...

صحيح تلقين سكر ومنكرات وتفصّخ ...لكن هل تلقين كبر؟؟؟او تمييز عنصري؟؟؟


او قسوةمع الاجانب ولو بالكلمة السيئة؟؟؟

ولو لقيتيه هل يمر كذا مرور الكرام؟؟؟


زي ماتمر سوالف تعذيب الشغالات وضرب السواويق عندنا زي سلام عليكم....

واحيانا شغالة تدخل بيت وماتطلع منه زي الجارية الا من المطار للمطار ...


ومع ذلك وش نقول...نقول ايه عشان ماتختلط بغيرها من الشغالات وتخرب....

كاننا ملكناها يوم جبناها...

الكلام ماراح ينتهي لو قعدنا ننتقد اخلاقنا مع الاجانب للأسف...


لكن كلمة تقرقع في قلبي لازم تنقال بخصوص تعاملنا مع الشغالات والاجانب ...

وهو انه لو احد كره الاسلام بسببنا فإنه غير ملوم ...


وامر آخر ماننتبه له للأسف زي ماننتبه للمعاصي الشكلية اللي ركزنا عليها وكأنها هي كل المشاكل الي عندنا...

زي النمص والاغاني والعبايات المتبرجة غيرها...

هي قضية الكبر...وهو الشيء اللي مايدخل الجنة احد في قلبه مثقال منه...

ياناس حنا عندنا اطنان....موب ذرات...


الكبر اللي في قلوبنا ورب العالمين انه لو مزج بماء البحر لمزجه ولأنتن منه...

ومع ذلك طول وقتنا نفكر اننا نطهر انفسنا من معاصي الخارج لكن معاصي الداخل....ماتاخذ من تفكيرنا اي شيء...



معاصي القلب....الكبر.....الكبر.....اللي هو مفتاح الشرور كلها...

اللي طلع ابليس من الجنة...اللي جعل قابيل يقتل اخوه...

اللي جعل الكافرين يعذبون المؤمنين ...اللي خلى الناس ينقسمون ويقتل بعضهم بعض...ويحتقر بعضهم بعض...ويغتاب بعضهم بعض...


خل كل وحدة منا تقعد قدام نفسها شوي...بس خمس دقايق...

وتقول كم مرة احتقرت زميلتها لأن لبسها هراديس...؟؟

او كم مرة احتقرت شغالتها وهزأتها وخلتها تحس انها ولا شي...؟؟

كم مرة عاملت اختها المؤمنة بطريقة احتقارية؟؟؟

كم مرة شافت وحدة عليها معصية واحتقرتها ؟؟؟

كم مرة شافت وحدة من غير دينها واحتقرتها (مادعت لها بالهداية او حاولت تفهمها) عشان هالشي...؟؟؟


الاحتقار ذنب عظيم احيانا نمارسه بدون شعور...والكبر نسويه ايضا بدون توقف...


حتى لو لبسناه وسميناه اسماء اخرى ...افتخار...او عزة....او أصاله..أو دلع...أو أي شي؟؟؟


هل يتغير الكبر لو غيرنا اسمه؟؟؟




والله اني استحيت من نفسي....



ماطول عليكم خل ارجع لمورين...لكن استنزلت فوق أعلاه...:) يالله ...تحملوني...

المهم وتجي بالغصب تدخل معي الكرسي الكبير الين دخلته في شقتي ...


وعاد انا حلفت الا تدخلين تقهوين...قالت ابد دقيقة بس اغير هدومي واجيتس...


والمهم عاد البيت حوسة عقب ابونا امس واركض اضف الصالة واوراقي ودفاتري وكتبي والفزهن بدولاب الجدار واشب على القهوة بسرعة بسرعة ...

واعدل شكلي وبيجامتي وشوشتي وامسح وجهي واحط شويت روج ....

وصفصفت الكنب بس بدون تلبيسته ...يعني كنب عاري...:) واخزياه...


قمت حطيت وسايدنا ام اربعة باوند قلت ميخالف اذا جت الحرمة على الاقل ...
واشب فواحاتي وافوح البيت قلت واخزياه ريحة البيت عقب الرطوبة صايرتن الرطوبة عندنا مااشوف بنظاراتي تخيلوا...تقولين بجدة ولاالشرقية...

المهم مادريت الا هي تجي واناهشوى قد زليت القهوة وجهزت التمر وجهزت المكان وهيتي وقلت يالله حيها ادخلي ادخلي الله لايهينتس :)


عاد وتقعد على الكنب تقول مريح مريح ....ياحبي لها واجيب القهوة واصب لها بفنجال...

المرة الاولى طبعا ماصبيت لها بفنجال بكاس ....هالمرة طارت عيونها قالت وش هالنوع من الاكواب ؟؟

قلت لها هذا الفنجال راعي علوم الرجال ..اللي ماينعدل المزاج الا بهن الله لايخلينا منهن...


وتقعد تطالع فيه من الاعجاب وترشف تقولين بدوية مابقى الا البرقع...


هياطيييييييييييب ام ولياااااااااااام طيبااااااااااااااااااااااه.....


واقعد اصب لها واصب ...


عاد مير تبدا تحتسي وتسولف قالت ابونا كان مريض ومحطوطن بدار عناية مسنين...وكنت ازوره كل يوم ...

هلحين مالي والي ولاحتى وليام من زمان ماشفته مير الله ساخرن لي بنت اختي تجي وتسير علي كل اسبوع...واروح يوم الاحد للكنيسة مع اخيتي نصلي همن نتمشى ونتسوق ...


قلت يابعد قلبي انتي....


اوجعت قلبي كلماتتها مع انها تحاول تبين انها ماهيب وحيدة وانها ماتعاني من اي شي...


قالت لي اني تقاعدت من محلات ماركس وسبنسر قبل سنتين ...واني كنت اشتغل عندهم مدة اربعين سنة!!!!!!!!!!!!!!!!




يااااااااااااااااو.....وش ....هه....


قلت لها فورتين يعني واحد اربعة ؟؟؟


قالت لاياحبيبتي الا فورتي....اربعة وجنبها صفر....يعني عشرة زايد عشرة زايد عشرة زايد عشرة...


هو ...وش كنتي تسوين بذاك يالله العمل الصالح ؟؟؟؟

قالت كنت اشتغل بمحل الاطعمة منول كانوا يبيعون اطعمة ...وساعات كنت اوصل الطلبات...

واااااااااااااو ....ياطيب مورين طيباه اربعين عام في محل واحد....

ياام وليام انا قعدت شهرين في برنامج ماجستير على طول طفشت واهلي يحاولون بي ابقى عندهم وعييت من الدلع ...


واربع مرات القى وظيفة ومن الطفش ومن الفساقة اتركها ....وانتي اربعين سنة



وهي تقهّز القهوة وتاكل تمر قالت واااااو اي لايك ات...


جاز لها تمري هالنوبة خلاص ذاك اللي يسرسب دبس درجة اولى تم تم تم يم يم ..


ثثثثثثثثثثثثثففففففففففت...


قالت والله جاز لي وقهوتس هالمرة غير ..قلت ايه حاطتن بها زنجبيل..


آخ ...انا لو االف كتاب عن القهوة وفنونها والله مالها الا بدورة الحلوة...

المهم واجي انشدها قلت مورين انتي ماقد شفتي عرب؟؟؟

قالت والله تبين الصدز ماقد شفت الا انتي وممرضتن مغربيتن كانت تخدم رجلي في دار العناية ....


قلت ايه وغيره؟؟
قالت اعرف وحدة من غامبيا ....


قلت وش غامبيا غامبيا مهب عربية من افريقيا ولايتكلمون عربي...

قالت اها اجل انتي منين؟؟

قلت من آسيا من ركن آسيا (شكلها تمالحتني يوم اني قلت لها آيجا كورنر :) )...


قلت لها الميدل ايست ماغيره اهل الذبح والذبيح والعراق وفلسطين والمشاكل والحروب اللي ماتقضي هذولا حنا...وهذاك بيتنا ....


قالت ايييييييييه يابنيتي...هالحرب .....هالحرب شي مخجل ....مخجل ججدا لنا حنا البشر اننا مازلنا نتقاتل علشان اشياء نقدر نتفاهم عليها بالحوار ....


قلت من تحاتسين يامورين ...؟؟؟


قبل امس خطاب بلير يدافع عن حربه الأثيمة والقذرة في العراق ضد الارهاب...


وهالعجيّز اليزابيث ضعيفت الله يوم تلقي خطابها امس تقول ان الحرب ضد الارهاب حرب مباركة !!!!!


قلت لها والله انتس ماتدرين وين ربي حاطتس ليتس بس قعدتي بقصر باكنغهام وصليتي وسميتي ....

انتي يالملكة اليزابيث ام تشارلز...تسيف انها حومت تسبدي امس وان ااتأمل انه يكون خطابها فيه شي جديد وحقيقي ....واثره عن الارهاب والخرط اللي يقوله لها بلير...

انتي تدرين وش السالفة يام تشارلز يالله العمل الصالح؟؟؟


مورين ماحبيت ادخل معها في سالفة خطاب الملكة لأن الموضوع بيعور الراس وخصوصا ان خطاب الملكة عند كثيرين من المتدينين يعتبر شيء مقدس ..


زي الفتوى عندنا.....فكيف اناقشه ؟؟؟

..............

قلت لها مورين عندتس خوات ؟؟؟

قالت ماغير وحدتن اكبر مني ....



عمرها 86!!!!!!!!!!!!!!



قلت ايييييييييه ماشالله قالت لا..

لو تشوفينها تقولين اصغر مني.....


تصدقين هكاليوم اننا بالباص انا وياها مير تجي وحدتن عجوز وتهاوشها تقول ليه تقعدين في الاماكن المخصصة للكبار والمعوقين المفروض تقعدين ورا مع البنات :)




.........................




يتبع

السلام عليكم

اول مرة اظن اكتب في هالقسم

انا دايما اطامر فيه ( صرنا نتكلم قصيمي وزلفاوي ورساوي ) وشدتني كتاباتك يا بدورة جدا وتراني لا مغتربة ولا هم يحزنون .. في بيتي وحولي البزورة ( هذي استلفتها من الحجز ) .. وما رضيت ادرس في الرياض عن الغربة ...
بس بصراحة القعدة معاكم وقراية هالسوالف الحلوة تنسي الواحد هموم الدنيا كلها لا غربة ولا كربة ..
وسع الله صدوركم كلكم وردكم اوطانكم سالمين غانمين

شوفي بدورة هالمرة دخلت وكتبت واقول لك يا حلوة ويا مزيونة وياريحة المشموم والهيل كملي واكتبي ترى خلاص ما يوقف راسي الا اذا قريت شنو تكتبي
اذا دخلت بعد شوي وما كتبتي هم باتحايل عليكي شوية ..
ولو ما كتبتي ترى لا تطلعيها براسي اجي لك لهالبرايتون ولمورين بشحمها ولحمها واكتبك تحت تهيد السلاح بعد ( هذا يعني من تاثير كلامك عن الارهاب في الشرق الاوسط مو انا تبع شرقنا الاوسط الحبيب ناخذ الكلام من فوق بس )

اظن خلاص تعبت من الكتابة يالله شهلي يا حلوة واكتبي

بدورة سلامتك من التعب

صباح الخير بدوره ياعسل كملي والله انك تونسي وتوسعي الصدر

يعطيكي العافيه

ههههههههه ياحليلها أجل تقول للعجوز ارجعي مع البنات هههههههه
والله تحفة هالأجانب مهتمين بأرواحهم

تصدقين الأسبوع اللي راح كنت في (بوتس) المهم وأنا كنت عند ركن المكياج
الا أشوف ذيك العجيّز اللي اللي .. متعرعررررره مرة
وجاية تشتري كريم أساس ..!!
عاد والله أنا طارت عيوني :eek:
لا وتتشرط وتجرب على يدها قبل ..
وكم من عجوز وعجوز أشوفهم يشترون مكياج وخرابيط .. ماهوب يلعبون صدق ..!!



أما سالفة التمييز العنصري .. ترا يا بدّورة الأجانب عندهم كثيييير خصوصاً في بريطانيا ..!!

لكن من النواحي الإنسانية .. فكثير منهم متعاونين .. خصوصاً ..
يعني مرة شافتني عاملة تنظيف في حمام (تكرمون) في المطار ..
شغلت الموية الحارة على طول على بالي زي السعودية تاخذ لها شوي وتنزل
على طول قالت لي انتبهي ترا بيألمك على طول يصير حار ..
ومرة أمشي وكانت الرباطات في جزمتي (تكرمون) منفكة مادريت ..
جت وحدة قالت لي انتبهي لا تطيحين ..
ومواقف كثيرة مرة مرة مرة ..

لكن التمييز العنصري عندهم وهذا هم يحاولون يحاربونه بشتى الوسائل ..
سواء بالمنشورات أو الدعايات تلاحظين أغلب دعاياتهم وبرامجهم لازم يحطون
بريطاني أبيض وأسود وشرق آسيوي وغرب أسيوي :)
يعني محدش أحسن من حد :hahaha:
حتى من ضمن الوسائل الغرامات والعقوبات الخيالية ..!!
يعني الحين لو واحد بيتكلم عليك ويضايقك في مكان عام على طول كلمي الشرطة بلغي عنه
وفيها خمس سنين سجن ..!!

أما الكبر عندنا .. فهذي مصيبة .. خليها على الله بس :(

المهم قصصتس ماينمل منها .. كملي ولا عليتس أمر .. :26: