وأنا يا العز ما عبرتيني؟؟؟؟؟؟؟؟؟؟؟؟؟؟
المهم لو ما عليج أمر يا الغالية ممكن لما تروحين مراجعتج تسأليلي عن حبوب ضغط الدم وهل تتعارض هذه الأدوية مع حبوب الضغط ....
والله لما أسمع تجاربكم أتشجع ولما اشوف وزني على الميزان ثابت وما شي تقدم أحبط!!!!!!!!!!!!!!!!!!!!!!!!!!!!!!!!!!!!!!!!!!!!!

هلا اختي أم الحسين.. سوري حبيبتي ما قصدت.. لأني تكلمت بشكل عام عن تجربتي ف ردي السابق عشان تستفيدين منها..

و انا رحت للدكتور قبل ما اشوف ردج ف ما سألته .. بس انتي ليش ما تاخذين الحبوب عند اي صيدلاني و تتأكدين اذا يتناسب مع حبوب الضغط.. ؟

أو اتصلي على المركز مره ثانيه و قوليله عن الاعراض اللي اتحس فيها امج من بدت تاخذ الحبوب... سبحان الله يمكن ما ايناسبنها..

صح نسيت ما خبرتكم كم نقصت هالاسبوع..

اول شي قولوا ما شاء الله..

المهم نقصت كيلوين و 700 جرام ( الــدُمانــي انا اخذت نقطه هالاسبوع.. بنشوف من بتغلب الاسبوع الياي :)

وهذا كم نقصت بالسنتي من مقاساتي :
البطن : 3 سم
الارجل : 1 سم
الصدر : 2.4 سم
الايدي : 1 سم
الارداف : 1.8 سم

أم الحسين.. يالله تشجعي و بنسوي تحدي منو اتخف اكثر.. بس انتظر رد اختي الدماني..
اللي تخف اكثر وحده بنعطيها نقطه.. و بنشوف آخر الشهر منو اتحصل اكبر مجموع من النقاط.. شو رايكن.. ؟؟؟

هلا بالعز ...جزاك الله خير على الرد
والله يا الغالية أنا ما عندي أي مانع بالعكس أنا أتمنى أي أحد يشجعني .. على الأقل ما يروح تعبي ومشواري للعين ببلاش... والوزن مثل ما هو ...
أنا جاهزة للتحدي يلا..........
بس أنا ما كنت أعرف غنه المفروض ناخذ مقاسات بالمتر ... أنا بس أوزن بالميزان ...
المهم خلينا نبدي من هذا الأسبوع ... البوم بحطي لج مقاساتي ووزني الحالي لأنه اليوم هو يومي السابع من الأسبوع الثاني في النظام ....
فنبدأ هذا الأسبوع ...........تمام
بأسألج عن المقاسات كيف تاخذينها ؟؟؟
الأرجل ...يعني محيط الفخذ ؟؟
الصدر: مقاس محيط الصدر؟؟وإلا تحت الصدر مباشرة؟
الأيدي : يعني (الزنزود)؟؟؟
وإسمحيلي

صح نسيت أسألج يا العز ...
إنتي تسوين رياضة ؟؟؟