هلا اختي أم الحسين..

بالنسبه للمقاسات.. يوم توزنين عند الدكتور الجهاز بروحه يحسب المقاسات.. فهمتي قصدي..؟ يعني الدكتور ما ايخصه .. الجهاز هو اللي ايطلع كل المعلومات المطلوبه نسبة الدهون، كتلة العضلات ، الماي اللي ف الجسم ، المقاسات لكل منطقه، اللياقه البدنيه... إلخ..

ف كل مره اروح عند الدكتور ايخبرني كم خفيت ف كل منطقه بالسنتي.. و انا اقوله يكتبها لي على الورقه عشان اتحمس يوم اشوفها..

بالنسبه للرياضه.. امارس نص ساعه مشي.. واحياناأ اكثر.. مرات اسوي على جهاز المشي الكهربائي.. و انط حبل.. بس مب دوم ملتزمه بالرياضه...

يعني ف المره اللي فاتت يوم خفيت 12 كيلو.. ما كنت اسوي رياضه إلا نااااااادراً.. اظني لو كنت اسوّي كان خفيت اكثر..

بس المره انشالله بالتزم بالرياضه.. عشان انزل بسرعه..

صح اذا تبين تاخذين مقاساتج بروحج..

خذي مقاس المنطقه اللي اسفل الصدر..
و منطقة البطن (اكبر منطقه ف البطن..)
الإيد نفس الشي عند اكبر منطقه و هي الزنود و الارداف بعد
و الافخاد.. اخذي مقاس الفخذ بروحه.. في نص الفخذ عند اكبر منطقه.. فهمتي علي..؟

ايوه يا الغالية فهمت عليج ...والله يوفقنا في الرحلة للرشاقة

هلا اختي العز سمحيلي ما شفت الرد لاني في الويك اند ما ادش النت

من شوي راجعه من عند الدكتور صراحه شو اقول .... خفيت بس كيلو لاني سويت فحص السكر الجلوكوز غرشة وكوب و خرب لي كل شي بس الدكتور قال عادي وعطاني اسبوع ثالث مختلف اشوي و قالي اذا ما نقصت اي شي الاسبوع القادم بغير معاي كل النظام ( انا جسمي بطيء النزول وايد) و كان يريد يعطيني يوم راحه ما طعت فعطاني اليوم عشا غير 1/2 خبز اسمر اكلة مع اي شي اريدة و حبة فاكهه و عصير برتقال ........ و قالي لا اتروحين الجيمGYM بس امشي

ان شاء الله الاسبوع القادم ايكون احسن مع اني ماشية على النظام عدل حتى بسكوتهم ما اكله ما اخذ شي اختياري بس الاجباري ....

الاسبوع الياي موعدي الجمعة الساعة 6 المساء اشوفكن هناك خلنا نتعارف *_*
شدو الهمه
و اللي اتروح الجيم اي صاله تروح اتخبرني

هلا اختي الدماني..

انا موعدي كل خميس الساعه 5 و نص..
و انا بروحي اسوّي رياضه.. بس مب دوم.. مسويه جيم بروحي ف البيت.. :).. عندي غرفه حاطه فيها ادوات رياضه.. و مرات اسوي عليهن يعني مب منتظمه.. اليوم مثلاً ما سويت رياضه فيني عيازه.

بالنسبه للرجيم..

انا التزم بالريوق و الغدا.. ما عندي مشكله.. بس فترة العصر احس بيووووع.. ف اكل الحلاوه مالتهم.. و اذا ما قدرت اتحمل لين العشا اشرب بيبسي دايت.. و العشا مرات اغير.. يعني بس آكل جبن.. و بما اني اسهر فلليل ف اشرب بيبسي دايت اذا يعت.. او العصير مالهم..

السلام عليكم ورحمة الله وبركاته
تعالي يا العز إسمعي أخباري إلي زي الزفت
وزنت البارحة
وإسمعي الصدمة المحبطة للغاية
:icon33:



:icon33:




وزني ما تغير ولا غرام .... :( :( ثابت مثل ما هو ... مع إني إلتزمت بالرجيم حرفيا بالعكس والله كنت آكل الإجباري فقط وما أخربط في شي أبداً!!!!!!!!!!!!!!!!!!!!! :icon33: :icon33:

ساعديني شو أسوي؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ





وإنت يا الــدُمانــي ... أخيثيني ...يمكن حلي عندج ....
لأنه الظاهر إنه وزني ما ينزل بسهول من النوع الصعب جداً مع إني أتحرك على طول في الدوام ...يا طالعة الدرج ويا نازلة تقريباً 8 مرات في اليوم

أرجوك يا الغالية أغيثيني بالبرنامج الجديد إلي أعطاج إياه الدكتور ... إنتي عارفة مشكلتي إني بعيد وما أقدر أراجع المركز ... فلعلى وعسى أجد الحل عندك :( :39: