شمعة الحياة

سوري والله ..بعد عمري والله ما شفت ندائج . والله صار لي مده ادخل المنتدى و على طول للمسابقه اكتب رد و اطلع على طوووول ... مو عن شي بس والله لضيق الوقت.... اكرر اسفي ...و انتي طيبه و انا استاهل ;)

حبيبتي بالنسبة للشاي والقهوه كنت اشرب لدرجة الجنون ..لانها كانت تسليتي الوحيده و الشي المسموح بالريجيم ولكن بدووووون سكر ..( ممكن اضافة حبوب كاندريل ).. و ممنوع اضافة الحليب او مبيض القهوه منعا باتا.

و بعد بقول لك بعض الاشياء المسموح انك تشربينها او تاكلينها

1- ممكن تشربين دايت بيبسي او دايت سفن اب او اي شي دايت مثل دايت فيمتو ... بس حدك علبتين باليوم

2- ممكن تاكلين جزر ( ممكن تشربين الجزر على شكل عصير ) .. او خيار او خس بين الوجبات على ان يكون طاف ساعتين على اخر وجبه ....تاكلين نوووع واحد فقط بين الوجبتين ..يعني بين الريوق والغدا تاكلين جزر فقط ..او خيار فقط او خس فقط و باي كميه.و ممكن تاكلين نوع ثاني بين الغدا والعشا ( يعني الصبح جزر مثلا والمغرب خيار )
انا عن نفسي كنت اتسلى بصحن خيار و قلاص شاي ( لازم الحلج يشتغل ولا ما ارتاح) :21:

3- ممكن اضافة الملح والتوابل والليمون والبقدونس عند سلق اللحوم ( ممنوع اضافة مكعبات ماجي)

4- ينصح بشرب الماء بكثره خلال الريجيم ( تقريبا 2 لتر باليوم ) علشان ما تتعب الكليه من كثرة اكل اللحوم .

5- ممكن حذف اي شي من الوجبات او حذف الوجبه كامله بس ممنوع تبدلين غدا بعشااو اضافه شي بدال الشي المحذوف ..ترا ممنوع

اذا طبقتي الريجيم بالحرف صدقيني بتصيرين وحده ثاااانيه ابشهر واحد ... و قولي الكيكة ما قالت ( بس التزمي بالحرف)..مو تقولين قطعة توست مره بالشهر ما اتأثر الا اتأثر و نص

الله يوفقج و ينولج اللي في بالج
و سامحيني مره ثانيه على التأخير وانا اختج .. والله ماكنت شايفه الموضوع .:26: :26:

الله يعطيج العافية :24:
والله ضحكتيني ( لازم الحلج يشتغل ولا ما ارتاح)
صاجه لازم طول الوقت في شيء يحوس داخل حلوجنا ولا مانرتاح:27:
الله يبارك فيك ويخليلك زوج مال أنتِ وبيبي مال أنتِ وكل من تحبين وماقصرتي:26: :26:

الله يعافيج و يبارك فيج .. و تسلمين على دعواتج الحلوه .. الله يضعفج على صحه و عافيه و تطيح كل هدومج بجبدج و تشترين اصغر منهم برقمين قولي امين

اشرايج نبدي الريجيم الكيميائي مع بعض انا بسويه معاج ..اشرايج نبدي السبت اللي ورا العيد؟
ترا اول اسبوعين ما تحسين انج ضعفتي بس الاسبوع الثالث يمه يخرع .. تنزلين فجأه و من كثر الخرعه تروحين تتأكدين من اكثر من ميزان واحد ...

يالله انا معاج اشرايج نشجع بعض ... يمكن جسمي نسى الريجيم الكيميائي و ينزل عليه هالمره مثل ما نزل اول مره..اميييييييييييييييييييييين يا رب :26:

لا تاخذين معاه حبوب ولا فيتامينات ولا شي يسد الشهيه ولا خل التفاح ولا بذرة الكتان ولا اي وصفة بالمنتدى.. اكلي المكتوب بالجدول و بسسسسسسسس ...علشان ما يروح تعبج على الفاضي.. و الله يوفقنا اجمعين يا رب :27:

اييي تذكرت .. كثري شرب الماي و لا تخليــــــن نص البرتقاله على الريق ولا ترا بيذبحج القبض .... كنت ابجي و دموعي اربع اربع عزكم الله و انا بالحمام لاني كنت اشرب بس قهوه الصبح (كنت مسويه سكب للريوق):06::06::06:

ان شاء الله نبدا مع بعض والله يعيننا
وشكراً لك مرة ثانية:26: :26:

:26: :26: :24: :24: :26: :27: