نصائح قصمنجيه للمقبله على الزواج (الرجال بلا لقافه)

السلام عليكم
اختكم القصمنجيه ناقله لكم نصايح قصمنجيه بس شئ......




انسان فيه احد من الشباب فيذا يطلع تراه حسي حريم وش تبون به
.
.
.
زين ظهرووو كلهم اجل اسمعو ابقولكم على نصايح لين طرى عليس وانهبلتي وجيتي بتعرسين فلا يفوتس ذا الحسي

1- عند رجلس لاتنقدين على الثانيات وتحشين فيهم تراه يستصغرس ويقول ايه يالكامله ويقعد يتلقط عيوبس
2-خلي كلشن في يده بس بشرط بعض الامور اللي تهمس لا حتى مايقول وشذي ماتعرف تسوي شين ابد
3-لاتغارين بقوه تراه عاد يحس انس ماتوثقين فيه ثمن يصير يخبي عنس كلش
4-ياوخيتي ترى مايمنع انس تجاملينه في بعض الاشياء حتى لو انها ماجازت لتس بس الرجال مثل البزر يحب المدح
هماه حسي وش وراس
5-لاتقعدين قبلس فيه هذا خطأ مهوب تسذا تراه يتضايق من كثر انتقاداتس له ولو تجي حرمتن اخرى تمدحه طار في العجه وقال هاذي فاهمتني..قلت لتس مثل البزر
6-اقول انتبهي ترى الحياة بعد الزواج مهيب دلع مثل الخطوبه لاتصدقين ثمن تنصدمين وترى حسيهم ايام الخطوبه زبده لين طلعت عليه شمس العرس ساح احذري لاتقولين وش بلاه
7-اختاري الحسي المناسب في الوقت المناسب والا لاتلومينه لين لحقتس الزبيريه
8-خليس قبلس متسنعه ولابسه ومرتبه وديرمس لاتطيح من ثمس والله الله بدهن العود وجددي في شكلس يومن اصبغي شعرس اخضر ويومن بنفسجي ويومن حطي روج كحلي المهم بربسي قبل في عمرس وخلاقينس


ثمن عاد شوفي انسانه قدر هاللي تسوينه وقال يا
حبني لس وياملحس والا بالشلووووووووت ولايردس الا بيت اهلس وش تبين بواحدن مايعرف قيمتس

اتمنى ياوخيتي تنفعس هالنصايح وتجوز لس ولا تصدقين تروحين لبيت اهلس تصبري الشكوى على الله كوده يتعدل


<<<<<<<<<<<<<<<<<<<<<لاتأخذونه بس حب ينقل لكم بعض النصائح قبل ما تروحوا في خبر كان وبنات خالتها



و اذا ماقدر هاللي تسوينه أليك هذه النصائح ..



9-أنتبهي اذا جيتي من أهلس تقولين أختي قالت و ألا يقولون تسذا وتسذ1 تراه لو يبي يلاحظ أي تغير حط اللوم كله عليهم و هم ياحول غافلين و مالهم دخل,,

10-اذا قالتس أجي عقب نص ساعة خليس عند الباب ان مالقيتس رحت و خليتس ..لاتصدقينه خوذي راحتس و أذ جاء خليه يصبر شوي قولي ماقضيت ..لأنهم عندهم نظرية تقول اذا قلت له ساعة(خله تنلطع)ساعتين..أنتي عاندي و مثل مايقطعس اقطعيه ..


11-كثير منهم اذا قعدوا عند القنوات الفضائيه و شافوا هاللي مايستحن قالوا يازينها ياملحها بس عشان يشب تسبدس ..أنتي بطريقة أخرى غير مباشره و لذيذه خليه يغار و ينتبه لنفسه ..جيبي مجلة من هالمجلات اللي اللهم لك الحمد سخيفات و أفتحي الصفحه على واحد زين (يجب ان يكون سوري او لبناني)ورزي هالصورة قدامه ,,بس عاد لا تزودينه عشان ما تلحقس الزبيريه
12-اذا شفتي لس شريط فيديو من شرطانه خليه على آآآخر الفيلم لا ترجعينه أنتي ..حتى اذا جاء يشوفه يعيده هو..(أدري ان ماله سنع بس زود شطانه )


13-اذا كان يناديس بأسم مهب أسمس مثلا(يا مره..هيش ..وينتس انتي)لا تردين ..و اذا حمق بالحيل و وصلت معه و قال وراتس مارديتي قولي (ماسمعتك ياعمري ..كنت افكر بك)..اجابه ذكيه و تسكته على طول..


14 –اذا اتصل عليس فجأة ذاك اليوم قال معي رجال على الغداء ..قولي مازينت الا لي ولعيالي ..و طبعا يرفض يجيب من المطعم ..وش تزينين؟؟حطي له نواشف و عشان ترقعينه أكثر حطي فواكه و سلطات و كثر خيرس ماقصرتي ..خليه يتوب يعزم أحد مايقولس ..لأن البيت بيتس و انتي المسؤولة ياحياتي و هو مهب مزين شئ ..


15 –اذا كان يتكلم مع أحد أصدقاؤه بالتلفون و سمعتيه يضحك ضحك ياكافي..اذا منه قضى لاتنزرينه ..بالعكس سوي نفسس ماحسيتي و قولي (يازين هالضحك من متى ماسمعناه)؟؟هو أصلا قاصد عشان يشوف أنتي تغارين والا لأ و مثل ماقلنا لا تبينين انتس تغارين بالحيل ..


16-من البدايه عوديه على الكشخه و السنع ..قصي و أصبغي و خليه يعرف أنس تهتمين بنفسس و ياليت تسوين له مفاجآت بدون مايدري ..

17-انتبهي ثم انتبهي تمدحين أحد عنده حتى البزران …لا تقولين هذي على أمه والا على أخته ..هذاي علمتس..


18-اذا تزاعلتي ذيك الساعه أنتي واياه ,,خليه يحس بالحرمان و أنه فقد شئ مايقدر يستغني عنه تراه مثل الطفل .و لا تصيرين مطفوقتن بالحيل ترضين بسرعه و لاتصيرين ثقيلة مرة تطققين تسبده بدلع فاضي ..


19-حاولي تتفاهمين انتي و اياه بحيث يكون مسؤل عن ترتيب اغراضه و ثيابه..و اذا سألتس مثلا (وين الشماغ الفلاني )قولي أنا اللي لابسته وفاصخته والا أنت؟؟ خاصة اذا كان محتاج يلبسه لمناسبة هامه عشان ثاني مرة يرجع كل شئ بمكانه و لا يحوس شئ ....

20- حاولي بقدر الأمكان تكسبين أمه و خواته ,,بأي طريقه تراه والله تفرح و أي شئ يشق خاطره مهب علشانه ولا عشانه هو عشانس أنتي ياذكيه ..أذ صارت تحبتس و انتي داخلتن خاطره تبي تهوش ولده عشانس و يمكن تزعل عليه لو سوى هه والا هه..

21 _يقولس (زوجس على ماعودتيه و ولدس على ماربيتيه )..و ترى طاعة الزوج واجبه ,,و تلبية رغباته من حقه كونس تطيعينه و تقدرينه و تقدرين أهله ,,يخليس تكبرين بعينه و يتمسك بتس أكثر و يقدرس..و تراه مهما كان الوحده ماله الا رجله اذا من الله هداه و أصلحه و سخره له



وان شاء الله تعجبكم النصايح


تحياتي :27: