سم:

جود وادلعها جوجو


العمر:
عمرها الله يحفظها 7 شهور ويومين

ترتيب الطفل بين أخوانه:
بنتي البكر
تاريخ الولادة:

مولوده 2/9/2005

نظام الأكل ونظام النوم:

حبيبة ماما.. تنام الساعه 12 بالليل ... ولأني اداوم تصحى الساعه 7 ونص الصباح تروح بيت اهل زوجي تفطر فطورها يكون سيريلاك مع مشمش او تمر مع شوفان او عصيدة مشمش او زبادي وكستر وموز او فواكه مشكله .. احب اغير لها لأن بنتي ملوله ... تحوس شوي وتنام على 9 خلال رضعه حليب لأن بنتي ما تعرف تنام الا على حلييييييب والا ما تنام 

بعدين تجلس تلعب وتغني وتجلس مع جدتها وعماتها..
لما تجي الساعه 2 ونص يكون غداها مكرونه وخضار مع سبانخ وهذا الاسبوع بديت لها بالدجاج أو رز وخضار .. و لأن بنتي ما تحب البطاطس ما احط لها بطاطس كثير... وهي عموما ما تحب الخضار...
صرت احمس لها شوية بصل مع زيت زيتون مع شويه خضار مسلوقه واخلط لها معاها المكرونه ...
يعني الغدا لازم خضار مع رز او مكرونه ...

بعدين تجلس تلعب بالمشايه وتحوس واذا صارت الساعه 4 تشرب رضعتها الثانيه تكون 120 مل وتنام نص ساعه تقريبا ...

واذا جت الساعه 7 تقريبا أكلتها شي خفيف زي تفاح او زبادي وكستر واليوم جربت لها توست وجبن .... واذا جيت انا اكل تزاااااااااحمني على اكلي مره اكلتها حمص وقامت تصيييييييح تبي بعد ما تبي عشاها عجبها… مره اكلتها قرصان…. مره جريش … الحمدالله عجبوها بس ما اوكلها دايم …
مرات اذا جت الساعه 8 تشرب رضعه وتنام نص ساعه

وعلى الساعه 12 تشرب حليب مع بسكويت فارليز وتنام....

لكن يا بنات انا عندددددددي مشكله مع بنتي ارجو انكم تساعدوني وتحطون في بالكم اني اشتغل ولازم اصحى 7 ونص ولا انام العصر 

تخيلوا بنتي تنام على الرضاعه وبعدين تشرب رضعتين من 12 الى 7 ونص وطول الوقت الرضاعه بفمها .... طفششششتني 

المشكله انها طول النهار تقريبا تشرب3 رضعات وبالليل رضعتين غير ايام الويك اند تنام من 12 الى 10 تشرب 4 رضعات حليب وباقي اليوم رضعه او رضعتين

يعني طول ماهي نايمه تشرب حليب... لا تقولين عودتيها لانها طفشتني اذا قامت ما تبي مصاصه ولا مويه بسس حليب.... ابغى اسالكم لو نامت 12 مفروض الساعه كم تاخذ رضعتها الي بعدها؟؟

المهارا ت والاسنان والكلام:

بنتي صايره تقووول امممم او اممماااا اذا صارت تصيح وباقي الوقت كله تقول بابا باااااابااااااااااااااا ابااااااااااااااااا
تقريبا صار لها شهر مجلستها في المشايه صارت تفحط فيها أي مكان تبي تروح له صارت تدل .... تلاحق وراي بالمشايع
تجلس لمدة دقيقه تقريبا بعدين هي ترمي نفسها ... هل يعتبر هذا جلوس؟؟؟
طبعا صارت تزحف بس لسه ما تحبي وتتقلب من مكان لمكان
طلع لها سنين لككككككككن بغيت اموت انا وياها الى ان طلعوا بفضل الله جاها طريش فضيييييييع الله يكرمكم وحراررررره وبس تصييييييييييح طبعا اسنانها بسم الله عليها طبعت بدري لاني استخدم لها فيتامين بولي فيسول من يوم انولدت

جوجو مابقى لعبه بالوجود ماعندها لكن تكرررررررررررررره الالعاب... تحب الريموت التلفون الفاكس وتعششششششششششق الكمبيوتر ... لا تستغربون اذا جتكم السنه جايه تكتب بدالي :P
لان بنتي الى الحين ما تجلس ودي اشتريلها الكفر الدائره الي حوله كله العاب من التعليم المبكر بس مرات اقول خلاص ماباقي شي وتجلس اخاف ما تستفيد منها مثل السجاده حقتهم تكرررررررررررها ... بس خساير على الفاضي

ممممم بعد الحين الاحظ بنتي بسم الله عليها اكون شايلتها وشافت شي عجبها ترمي نفسها عليه بس تتمسك فيني....
طبعا من اهم الملاحظات على بنتي خوااااااااااااااااااااااااااااااااااااااااااااااااااااااااااااااااااااااااااافه مسكينه 
اذا حطيتي فوقها بالغلط منديله كانها بتموت بسم الله عليها تحسب نفسها ماتقدر تتنفس .. اذا صفقت تجلس تغمممممممض حتى لو بعيد مررررررره خوافه كلمن شافها يقول عليها ....
طبعا وين ما اروح أي مكااااااان لازم اخذها معاي.... لكن الى الحين اذا شافت ناس كثير عليها هي تصيح... اما اذا الناس مااعطوها وجه عادي ما تصيح ...
تستغرب شوي بعدين خلاص تصير تمون...
تموووووووت على الشوكلاته ... والله انها تعرفها اذا شافتني اكلها تحاول تاخذها مني...

نوع الملابس ومن وين :

اغلب ملابسها قطنياااات " ملابس البيت " وكلها من مذركير ماعمري جربت غيره

اما ملابس الطلعه فهي من خامات مختلفه
بربري- ديور- القرعاوي عنده ملابس حلوه وماركات مختلفه –Gap- اوركسترا- اغلب ملابسها انا شاريتلها اياه بالصيف لما كنت مسافره...

سريرها شاريته من مذركير والمفرش حقه وطقم السرير كامل مع العابه وكل شي...

اخر سؤال متى اعطي بنتي بيض ؟

وسلاااامي للجميع..

بغيت اسال عادي الطفل ياكل اكلناو فيه بهارات وهو 7 شهور ؟؟

لموووويه... انتبهى ... البهار حار غلى المعده ....
انا اكثر شئ استعمل كمون علشان الغازات ... شويه ملح و بس
بدرى عليهم بكره ينهروا من البهار

انا كمان بدي أسأل عن البهارات

عجبني الموضوع جدا

بس متعجبه انكم تعطون اولادكم اكل الكبار
المفروض يكون بدون ملح اوبهار علشان معدة البيبي ما تستحمل

و كثير تعطونهم سيريلاك وفارليز
خلوهم للضرورة

انا ابني عمره سبع شهور وعشرة ايام

يفطر ممكن تفاح او تمر او موزة
الغدا شوربة او رز بالخضار طبعا مهروس
اضفتله دجاج قليل ومهروس بس ما ناسبه بجرب بعدين مرة ثانيه
اعطيه العصر عصيرات او كمون او القليل من الفاكهة
لكنه ما يحب عصير البرتقال او اي شي حامض
العشاء على ست يا اما رز او خضار او فاكهة
الحليب يرضع طبيعي متى ماجاع و اي وقت ييه

بس صاير ينام قليل في النهار
يعني يصحى تسعه ويغفو عشر دقايق الساعة 11

بعدين ينام ثنتين ونص الظهر على حسب مزاجه

وبعدين ينام بالليل على 9 او 10
بعد ما يستحم ويرضع وادهنه علشان يدفى بزيت جونسن

ويصحى كذى مرة في الليل

وضعيف جدا ..

بديت اعطيه فيتامينات بالقطاره
وطلعله ضرسين

وبجرب اعطيه حلبه

اي ولما اكل مثلا اي شي يفتح فمه يبي اطعمه

وملابسه نصها شاحتينها ...هههههههه من بن خالته

والنص الثاني مذركير ونيكست و بريمانز

وما البسه احذيه لانها اتاذيه

لكن احب البسه قبعات .. اي لبس ييجي كشخه طقم مع القبعه البسه

وهو يحب يطلع برع .. كل يوم العصر اطلعه اشمسه برع اذا الجو زين

والله يحفظ اولادكم من كل شر