سلام يا امهات ...
تسلمين يالمتغليه و الله هذا من ذوقك ... ترا انا البنوتات هذول اول خلفتى بس انا كنت مستقيله من العمل بامر الطبيب و انا حامل و الله لا يوريك قلايت كل انواع الكتب اللى تحكى عن الطفل و بصراحه كنت اتابع عالم حواء بس ما كنت اكتب او اشارك لأنى لسه ما فى شئ اقوله بس و الله لما ولدت لقيت انى كثير استفدت من اللى قريته ... هو الغلط لا بد منه بس صار عندى قاعده كويسه للتعامل مع الأطفال....
انا باقول عن بناتى لما كانوا 7 شهور ...
الاسم: الكبيره دانه و الصغيره سما (الفرق 2 دقيقه)
العمر الآن سنه بس انا بارجع لوراء ... احاول اصغرهم من الحين
نظام الأكل: أنا كنت معودتهم من عمر 4 شهور على تذوق الأكل ... 5 شهور بدينا ناكل وجبه وحده الغداء 6 شهور غداء و عصرونيه فواكه و عشاء
7 شهور كنا ناكل 3 وجبات و 3 رضعات حليب
الساعه 7 صباحا (حشا مدرسه) الفطور : بسكوت فارليز... زبادى مع توست ... توست مع جبن ... توست مع جبن مه صفار بيضه مسلوقه... بسكوت ميلوبا... زبادى فواكه....
الساعه 11 حليب 150 ملم
الساعه 2 غداء : خضار مع رز... خضار مع باشميل... دجاج , سمك, رز مع عدس, معكرونه و الميه 3 او 4 ملاعق اكل كبيره.
الساعه 5 حليب 150 ملم
الساعه 8 العشاء: غالبا كنت اعشيهم فواكه ... و ما تيجى 8:30 الا وهم نايمين... بس ليش كانت المشكله انهم لازم بصحوا الساعه 2 ياخذوا حليب (و كان هذا الشئ جدا مضايقنى بس سالت الدكتوره قالت لى عادى لأنهم ينامون بدرى)
لما صاروا 8 شهور كان لهم موعد و كنت احكى مع الدكتور تبعهم سالنى قال طبعا ما بيصحوا فى الليل ... قلت لا و الله يصحوا مره وحده.. قال لازم تبطليها و الا حيتعودوا ... طيب يا دكتور ايش اسوى هم يناموا بدرى .. قال لى اخرى نومتهم و عشيهم سيريلاك لأنه يطول فى المعده... كان وقتها الجو بارد و قلت لما يدفى الجو شوى باصير اأخر نومهم... بس اللى تغير انى صرت غيرت شوى فى النظام و لغيت رضعه...
صرنا نفطر ... نشرب حليب 11... نتغدى 2 .... نتعشى 6 او 6:30 و نشرب حليب قبل النوم و الله ظبط معانا النظام و فى خلال اسبوع تخلصنا من معظم صحيان الليل فيه ايام كانوا يصحوا كنت اعطى مويه ما عجبهم الحال شويه بكى على شويه عناد منى و نرجع ننام الأسبوع الثانى تعودوا ان اللى يصحى ما فيه الا المويه فبطلوا يصحوا.... نسيت اقول انى فى رضعه الليل من و هم 3 شهور و انا دايم احط فيها ميلوبا رز (رضعتهم 150 و انا استعمل نان2 يعنى 5 ملاعق ... انا احط 4 ملاعق حليب و 3 ميلوبا رز) لأنها تعبى البطن و تساعد انهم يناموا فتره اطول ... انا من 3 شهور بناتى ما يصحوا الا مره وحده بس فلا الليل بسبب الرز.
و هذا نظتمنا الى الآن طبعا بين الوجبات ,,, نعطى بسكوته فى اليد... شويه فواكه ... عصيرات ... بس كميات صغيره علشان يقدروا يأخذوا الوجبه الأساسيه.
و هذا نظامنا الى الآن مع تغييلر بسيط انى بديت اخلط حليب الصافى مع النان علشان شويه شويه نخلص من النان.
بالنسبه للحركات: عندى سما متطوره حركيا أفضل من دانه... يعنى اللى تسويه سما اليوم تسويه دانه بعد شهر... فى هذا الوقت: كانوا يجلسوا مظبوط بدون سنادات... بدت الأسنان السفليه تظهر... بدأوا يقولوا ماما و بابا بس بدون مين دا و مين دى... كانوا بفهموا لما البس عبايتى انى طالعه و يبكوا... طبعا المشى فى المشايه... سما بدت تحبى على عمر 9 شهور و دانه 10,5 ... على عمر 9 شهور يبدوا يعرفوا ماما من بابا... و يفهموا لا و نعم بس احيانا مو دايما... يتابعوا التلفزيون .. (بصراحه انا جايبه لهم من اشرطه تعليميه و هم بيتفرجوا عليها من عمر شهرين.. لا تضحكوا بس و الله من عمر شهرين و هم يتابعوها و الحمد لله استفادوا منها و الى الآن يشوفوها و مره يحبوها)
الألعاب... همممممممممم ألشياء اللى تتركب زى الحلقات .. المكعبات ... الأشياء اللى فيها نور تلفت نظرهم ... عروسه بس بهدلوها يا حرام... بس احلى لعبتين عندهم ... الريموت كنترول تبع التلفزيون... و جوال ماما... و ماما لما تعطيهم الجوال تطفيه علشان مش كويس و الله يرموه :(

بالنسبه للنوم .... يصون مع المدارس 7 بعدين يناموا من 10 الى 11 و بعدين مره ثانيه من 2,30 الى 4 و بس الى الساعه 8:30.... الحين كبرنا و صرنا ما ننام الا 10 :)

الملابس ... ما اتقيد بشئ معين بس لأنهم اول خلفتى احب اجيب لهم احلى ما فى الدنيا..
انا اجيب اللى يعجبنى ... احب قطنيات مذركير ,,, و اموت على اغراض جاكادى غسيل و لبس و الله... و اشياء تورتينا شوكولا و شيكو نفس الشئ و الله قد ما تغسليها تطلع زى الجديده ... العيسائى عنده ماركه مره حلوه و سعرها معقول اسمها كاتيمينى رائعه .... و فيه محل بيتى بوى روعه.... انا من الناس اللى ما عندى شئ اسمه ملابس بيت و ملابس طلعه ... انا ما اشترى ملابس كثير لأنهم اسم الله يكبروا بسرعه و اللى اشتريه بصراحه يلبسونه لين يحللون سعره... الحمد لله بناتى مو من النوع اللى يوسخوا كثير علشان كده ما نغيير كثير فى اليوم لبسه وحده من الصباح الى النوم ... طبعا فيه ملابس كشخه بس مو كثير 3 فساتين حقت العيدين... هذه اذا رايحن عزومه و لو ان ملابسهم كمان تصلح بس استحوم البسهم لبس العيد فى البيت لأنه كان غالى جبته من العيساثى و القرعاوى و تورتينا شوكولا 2 من كل محل لأنى احيانا احب البسهم زى بعض.
غرفتهم من جاكادى مع الألحفه و اكسسوارات السرير ... جبتها مخصوص من هناك لأن حجم السرير اكبر من الغرف الثانيه........ :( بس البنات حركتهم فى الليل كثير زى أبوهم و دايم نايمين بعرض السرير و يتخبطوا لين يصحوا. بس يناموا على طول...
عطورهم ... جاكادى الأبيض .... تورتينا شوكولا الأزرق... للشعر المسك الأبيض من بودى شوب... للحمام منتجات جونسون لافندر بس استعمل شامبو بيجون ريحته روعه.
بالنسبه للأحذيه ... لأنى انا عندى فلات فوت و خايفه يصيرون مثلى (دانه عندها استعداد) اجيب لهم من العيسائى احذيه بيبى بوتس الطبيه ... حلوه و مريحه.
و سلامتكم ... هذى قصه حياتنا و اى سؤال احنا حاضرين...
طبعا هم الحين سنه الله يحفظ عيالكم ... و صايرين يخطوا كم خطوه ... و زادت حصيله الكلام كام كلمه... و عقبال عندكم

الشله كلها موجوده ماشالله................

ماشالله عليج يالمتغليه...الله يلخيلكم ولدكم إنشالله........ترا بنتى جريبه من عمره...ولي عوده إنشالله في التفاصيل ..

حلو

يا بنات ما جاوبتونى مشان نظام ابنى ، اليوم الصبح ابنى اول مرة بيصحة الساعة 8 سمعنى بتكلم مع ابوه وصحى وما عاد رجع نام وهوه هلق صاحى ، طيب كيف استغل هالشى وعوده على نظامى ايمتى يعنى هلق خليه يرجع ينام ؟
بليز يا بنات ابغى خبرتكن

ام طلال ولين تسلمى حبيبتى بس هوه مبارح نام 4 الفجر ، يعنى اكيد نعسان ورح يرجع ينق بعد شوى مشان ينام
وبالليل بالوقت هاد اغلب ايامى بخرج من البيت وما برجع انا وزوجى قبل الساعة 11 او 12 ممكن بالوقت هاد خليه ينام لتانى يوم
مشكورة ما قصرتى كالعادة مزوقة