حبيباتي .. من خبرتي فالرجيم .. أشوف اليوم المفتوح يباله فن :)
مثلا :
السبت \ الأحد \ الإثنين \ الثلاثاء \ الاربعاء\ الخميس \ الجمعه
1200 \ 1200 \ 1200 \ 1200 \ 1200 \ 1200 \ 2500 ......سعره
شي زين .. لو نحن بنلتزم .. المشكله لما الواحد يفتح .. ممكن توصل سعرات اليوم المفتوح الى 5000 سعره.. وهاي عباره عن يومين مفتوحين .. يعن كانج خربتي الجمعه و السبت الي عقب .. فترجعين يوم الاحد والاثنين تصلحين ..
و الثلاثا والاربعا والخميس تلتزمين بالدايت .. وكذي يكون الرجيم عباره عن 3 أيام و النتيجه الوزن يثبت .. أو ينزل بالجرامات !!!
أفضل شي لو تعطين الرجيم فتره .. مثلا 10 أيام وتفتحين .. اسبوعين .. 3 أسابيع .. شهر .. وكذي ..
ولما تشوفين في ثبات للوزن .. تكسرينه بيومين مفتوحين .. أو تغيرين الدايت .. بحيث تسوين لخبطه لبرنامج الجسم (Body shock) ..
طبعا .. كل وحدة وقدرتها اكيد .. بس هذا للي حابه تجرب شي جديد في الرجيم ..
بإذن الله ببدأ من الاسبوع الياي اسوي توحيد العناصر الغذائيه لمدة 10 أيام عسب أضمن اني ما ادخل في مرحله ثبات للوزن (وللي حابه تجرب معاي)
**بيكون 3 أيام: فواكه فقط باي نوع او كميه و تكون السعرات ما تزيد عن 1100 سعره (ممنوع العصير الفريش والفواكه الجففه عسب نكسب ألياف وما نحس بالجوع)
** وعقب 3 أيام: خضار فقط باي صنف او كميه و تكون السعرات ما تزيد عن 1100 سعره على شكل سلطه او ايدام أو شوربه أو اي طريقه تفضلينها (بس مع الاستغناء عن الزيوت)
** وعقب 3 أيام: بروتينات و دهون طبيعيه
(اليوم الاول: الريوق: 2 بيض مسلوق \ الغدا: فيليه سلمون 300 جم \ العشا: علبه تونه بالماي)
(اليوم الثاني: الريوق: 2 بيض مسلوق \ الغدا: ستيك لحم 270 جم \ العشا: علبه تونه بالماي)
(اليوم الثالث: الريوق: 2 بيض مسلوق \ الغدا: صدر دياي 270 جم \ العشا: علبه تونه بالماي
** واليوم الأخير: كربوهيدرات - مب يوم مفتوح - (ممنوع الخبز بأنواعه و الشابوره والصامولي و و )
الريوق: شوفان أو بذور الشيا + حليب قلبل الدسم
الغدا: معكرونه أو رز أو كينوا أو بقوليات مثل اللوبيا والفول والعدس والحمص و و و (بطريقه صحيه و قليله السعرات)
العشا: معكرونه أو رز أو كينوا أو بقوليات مثل اللوبيا والفول والعدس والحمص و و و (بطريقه صحيه و قليله السعرات)
والله الموفق

حمستيني ما شاء الله مبروك النزول و عقبال تشوفي السبعين

الوزن سابقاً/ 67

الوزن حالياً/ 65,1

ما شاء الله القروب يحمس في بنات


اليوم الخميس
الفطور
شريحتين توست = ٢
كوب قهوه امريكية مع سكر استيفيا و ربع كوب حليب = ١
شكشوكة ( بيضة + م ص زيت زيتون + بصل + فلفل رومي + طماطم + بهارات و ملح ) = ٢.٥
فلفل رومي و خيار و خس = ٠


سناك :
٣ تمرات = ١
كوب شاهي اخضر = ٠
الغداء :
نص صدر دجاجة = ٢.٥
١٠ م ك رز = ٥
سلطه = ٠

العشاء :
كوب حليب ك د مع م ص سكر و هيل و زنجبيل = ٤
٦ تمرات = ٢

مجموع النقاط = ٢٠ نقطه
وفرت نقطتين من اليوم
مره فرحانه من زمان ما قد التزمت كذا ١٠٠٪

متحدية نفسي يوم الخميس اكون ٨٤ بإذن الله

ما شاء الله نزول رائع
هذا في اسبوع و احد ؟؟؟؟