هلا خواتي.. الصراحة أنا قريت كم مرة عن نظام فيافي.. وكنت متشتته بينه وبين أشياء ثانية.. بس توني قارتنه ومقنع جدا.. وشكلها تخاف من الله.. وكلامها صحيح..

بسألكم بس بالنسبة للتحاميل.. متى نقدر نستخدمها بعد الولادة.. أعتقد صعبة من البداية.. لأنه من كلامها فهمت من البداية.. انتوا شرايكم؟؟

اختي المسافرة لو ولدتي طبيعي يمكن ما تقدري مع الغرز يسير تستخدميها اخر عشرين يوم بس لو قيصري لا قدر الله استعمليها اول ما تطلعي على بيتك لانه ما رح تقدري تحطيها بالمستشفى
الخلاصة اول ماتشوفي نفسك قدرتي تحطيها حطيها واستمري الين تخلصي نفاسك وبالسلامه

انا جربت نظام فيافي بحذافيره لمدة عشرين يوم ووقفته لاني حملت بصراحه روعه ويخسس كمان

مشكورة الغالية همبرغر على الرد.. وان شالله أسويهم..

أنا مثل الأخت اللي تقول انها ماتعرف بالأعشاب.. كتبت كل نظام فيافي.. وبسويه ان شالله.. وشريت أغلب الأعشاب.. بس فيه بعضها مالقيته وخاصة اللي ينحط لشاي الأعشاب.. مثل الحزاة والنونخة.. يعني بشيلهم.. وببدأ أخلط الأدوية..

وبعد للأسف مالقيت الارطا ولا حتى العطارين عرفوه.. مادري اذا فيه اله أسم ثاني والا.. الله يخليكم ساعدوني اذا بالصورة أو باسم ثاني له.. عالأقل أقدر أوصفه للعطار.. أو ياررررررررررررريت لو تسألون العطارين الي خذتوه منهم.. شو أسمه بالفارسي أو بالايراني؟؟ عشان العطارين ايرانيين ويعرفون هالشي..

والله يعطيكم العافية ويسهل عالجميع ان شالله..

وانا بعد نفس طلب الأخت المسافرة، بالضبط نفس الأشياء اللي ما حصلتها

النونخة والحزاه والارطا ولكن قشر القهوة كيف نحصل عليه

ومثل ما قالت يا ريت حد يخبرنا اذا لهم اسم ثاني وخاصة الاسم ايراني ، وانا قريت انه الارطا هو الدباغ بس تأكدي يا المسافرة.