نفسي افرح زوجي بكيكه تنضبط..فشلللللله ادخلوا كلكم

سلام .. بقولك اول شي اني افشل منك في الكيك .. بسبب الاخطاء اللي كنت اسويهاااااااااااااااااا


اول شي وانتي تحركين خليط الكيك اذا تبينه اسفنجي لازم تنخلين الدقيق والباكنج عشان يدخله الهوا وينتفخ ..

ادهني الصينيه بزيت .. مسحه بس لا تغرقينه .. ورشي عليه دقيق عشان يطلع معك الكيك ..

شغلي على الفرن وانتي تعجنينها ... اذا دخلتي الكيك للفرن لازم يكون حار ..

اتركي الكيك في الفرن لا تفتحينه كل شوي وتشوفينه! ترى كذا الهوا يدخل ويهبط الكيك...

خليه بالفرن ربع ساعه وبعد كذا شيكي عليه اذا خلص او لسى!

اذا طلعتيه خلاص .. لا تقطعينه .. خليه يبرد ويرتاح .. بعدين تقدرين تقلبين الكيك وتقطعينه..




وراح ارجع اكتب لك طريقه كيك مااسوي الا هي ومضمونه ماشالله اخذتها من المنتدى ..
:
:
:
:
^_^

شوفي حبيبتي بقولك كيف اصلح الكيكه وان شاء الله تضبط معك..

المقادير: 4 بيضات
كاس سكر ناعم
كاس عصير برتقال ( تانج) او حليب
بشر برتقال ( الاضافه هذي طبعا اذا استعملتي البرتقال مو الحليب)
رشة فانيليا ( الاضافه هذي طبعا اذا استعملتي الحليب مو البرتقال)
ملعقه كبيره بكنج بودر
نصف كاس زيت
2 كاس طحين


الطريقه : اول شئ اخفقي البيض مع رشه الفانيليا او رشه البرتقال الى ان
يتضاعف جحم البيض
اضيفي السكر واخفقي اللمزيج حتى يصير لونه ابيض
اضيفي الطحين والبرتقال اوالحليب والبكنج بودرةالزيت واخفقي
شغلي الفرن..
ادهني الصينيه بـ زيت + طحين او استخدمي بخاخ الزيت ..
حطي العجينه بالصينيه ودخليها الفرن ولا تفتحين الفرن
اجلسي عند الفرن واول ما تشمين ريحة البرتقال الحلوه او الفانيليا
طفي الفرن( تقريبا بعد ثلث او نصف ساعه)
شغلي الفرن من فوق حتى تشقر
( لما تبغين تحشين الكيكه او تزينها بشوكولاته لازم تستخدمين الحليب
مو البرتقال اما اذا بتاكلوها كذا فبراحتك )
( عصير البرتقال افضل شئ عصير تانج اللي انتي تسوينه تانج+ ماء)
( الحليب الحليب الصغير ابو ريال السعوديه، الصافي، المراعي .....)
وبالعافيه على قلوبكم ..

قلبي موضوعهك مو هنا المفروض ينزل


روحي قسم الحلويات وراح تلقين طلبك

وخاصة وفيهم ماشاء الله طباخات خبره راح يفيدونك

وقبل كم يوم قرأت عن اهم الامور اللي تاخذينها في الاعتبار حتى يطلع الكيكات مظبوطه


وان شاء الله تحصلي اللي يسرك

شوفي يمكن تفيدك


وهناك عزيزتي قواعد مهمة لعمل الكيك وهي

يجب ان تكون الزبدة والبيض والحليب بدرجة حرارة الغرفة .
- يجب ان تكون الزبدة سائحة وأن لاتذوب على النار إلا إذا تطلبت الوصفة ذلك وان تكون غير مملحة .
- يحمى الفرن قبل أدخال الكيكة بـ15 دقيقة حتى تتوزع الحرارة به .
- استخدمي المضراب الكهربائي عن صنع الكيك .
- لا تكثري من ضرب البيض حتى لا يدخل الهواء إلى الكيكة .
- أستعملي وعاء عميق عن الخلط لأنه يساعد على التحريك الجيد وحتى لا تتناثر أجزاء من المقادير خارج الأناء .
- أحذري من فتح الفرن قبل انتهاء المده المقرر لصنع الكيكة حتى لا تهبط الكيكة .

البنات ما قصروا الله يجزاهم خير واهم شي لاتفتحين الفرن عليها كل شوي
لأن هذا سبب هبوط الكيكه والله يوفقك