اليوم موضوعنا عفوي وغير مخطط له يعني باخاطبكم كنكم صاحباتي
دايم اسمع بنات يشتكون من العجز والكسل ومنهم خواتي معي في البيت
المشكله في ذولي البنات تكون اعمارهم لسه صغيره وفيهم طاقات مايستغلونها
اليوم ينتهي للاسف وهي منسدحه على النت او التليفزيون
طيب جا وقت النوم بالله ماتنقهرين وانتي يومك خلص بدووووووووووون ماتستفيدين منه
انتي الحين في عز شبابك ليش تعجزين تنظمين وقتك وتحركين نفسك شوي
سمعت مقوله مره عجبتني الي دايم فاضي هذا انسان فاشل
بالله وقت الفراغ الي يكون 6 او 7 ساعات هذا ابدا مااقتنع فيه احسها رفله وعيابه
مو صعب تكوني لهلوبه وحركه ونشيطه ودمك حار
شوي تذاكرين شوي تساعدين امك حتى لو البيت مليان شغالات شوي تسوين خلطات والا ترك ودعك ودلع >>>>>>>>>>>>> موضوعي الاساسي الكسل عن ذي السوالف
تقرين كتاب تنظفين غرفتك
صلي اقراي قران سبحي استغفري
اهم شي الله يخليك تكونين منتجه مايمر الا 24 ساعه وانتي محلك راوح
صدقيني عن تجربه لو جا اخر اليوم وانتي تعباااااااااانه راح تحسي برضا عن ذاتك لانك سويتي شي مفيد لنفسك
غير كذا شوية تعب اليوم وشوي بكره ووووو >>>>>>>>> تلقين النتيجه الي تفرحك ان شاء الله
من اليوم اعزمي على التغيير
اي عيب فيني قابل للتغيير باغيره
اي عيب فيني خلقه من الله باتقبله وبافرض على الي حولي يتقبلونه
اتمنى مايتنقل لا اساس الموضوع عن البشره
فاصل ونواصل
اكمل ولا لا