اليوم إن شا ءالله حعمل مرقة الدارسين ورز وسلطة.

مرقة الدارسين:
دجاج مقطع +بقدونس+2 حبة لومي (نومي بصرة)+صلصة طمام+3 حبة طمام مقشرة +شطة حارة +2 أعواد قرفة(دارسين)+فلفل اسود وملح.

الطريقة:
يسلق الدجاج ويضاف إليه اعواد القرفة وحبات اللومي والبقدونس والطمام وبعد ان يسلق نضيف إليها الماء وصلصة الطمام والشطة وتترك على نار هادئة حتى تثخن قوامها وتؤكل مع الرز الأبيض او يعمل منها تشريب (تضاف إلى الخبر المقطع) وبالهنا والشفا.

السلام عليكم اخواتى


انا اول مره اشارك معاكم فى تطبخى ايه النهارده -


فكرنك حلوه يا مدام وائل واكلاتكم طعمه ياخواتى الشاطرات والماهرات


وبصراحه انا قريت شويه فى طبخاتكم واكلاتكم الحلوه - شجعتونى اقوم اعمل حاجه


وانا صاحيه من بدرى - النهارده الجمعه - وكلهم نايمين


قمت عملت كام حاجه وركبتها على النار وجيت اكمل معاكم ع النت


عملت محشى كرنب وورق عنب وركبته


وبعدين قلت ما انا عندى لحمه مفرومه معصجه فى الفريزر طب ما اعمل صينيه بطاطس باللحمه المفرومه

رحت قشرت بطاطش (خليها الشين علشان تضحكوا ان شاء الله ماحد حوش) وقطعت يصله وحطيته كله فى

صينيه وعليه اللحمه المفرومه والصلصه وقلبتها وعليها الميه المغليه يعنى بالعربى كده كله نى فى نى

- ودخلتها الفرن -

والخضار كان مغسول جاهز فعملت السلطه وحطيتها فى التلاجه وعندى مرقه فراخ - انا لما اسلق الفراخ و

تزيد شوربه باحطها فى عليه بلاستيك فى الفريزر لعوزه فعملت شوربه لسان عصفور

8 8 8 8 8

ريحه المحشى طلعت عن اذنكم ح ابص عليه واجى اكمل معاكم

المحشى استوا واخر جمال و صينيه البطاطس طلعتها من الفرن وكله جاهز للاكل والشوربه كنت طافيه عليها

نسيت اقولكم انى عملت كريم كراميل وحطيتها فى اول رفه فى التلاجه

انا بعملها بالبواكى الجاهزه فبتكون سريعه اغلى اللبن واحط عليه الكريم كراميل

واكون دهنت الطبق الغويط الكبير بالسكر المحروق واصبها فيه

عن اذنكم اخواتى ح اقوم اغرف الساعه 3

ودمتم اخواتى

السلام عليكم ورحمة الله وبركاته

أنا هعمل النهاردة فتة


طبعا الكل عارف

رز أبيض و لحمة مسلوقة وعيش محمص متحمر بالزبدة والصلصة أنا باعملها كتير بتغطي الصينية كلها وهي عبارة عن ثوم محمر في السمن وبعدين شوية خل ملعقتين كدة وبعدين عصير طماطم اول لما يتسبك نضيف قليل من الشوربة، ونرتب الحاجات فوق بعض

واتفضلوا معانا

انا امبارح عملت برياني كنت كتبت طريقته قبل كده وانهارده لسه مش عارفة هعمل ايه

السلام عليكم انا البارح اكلت بيتزا بفواكه البحر ومكرونة بكفتة وسلاطة. واليوم انا في الشغل ولما حروح للبيت انا تاركة مرق في التلاجة مرق مغري بالخرشف ولحم الغنم وزيتو ن وسلاطة مرافقة للاكل وحعمل فريت يعني بطاطس مقلية وبس