موضوع حلو اوي ما شاء الل، جزاكي الله خيرا يا ام بودي على الموضوع بس سبتوه ليه؟؟؟ فكرته جميلة عشان ندي بعض افكار بدل حوسة التفكير كل يوم. ياللا نرجعه و نصحصحه تاني
انا النهارده حاعمل صينية كفتة بالبطاطس و ارز بالشعرية و سلطة خضراء
طريقة الكفتة بالبطاطس للي مش عارفها كالتالي:
نصف كيلو لحمة مفرومة ابشر لها بصلة متوسطة و اتبلها بملح و فلفل و شوية بهارات و اخلطها كويس و اصبعها او اعملها على شكل برجر زي ما اللي عندك يحبوها
بعدين باقطع حوالي اربع بصلات كبار اربع ارباع و بعدين شرايح عريضة. و حوالي اربع بطاطسات متوسطين اقطعهم حلقات.
في صينية تيفال احط شوية زيت يادوب تمسح الصينية و بعدين البصل ادعكه بشوية ملح و فلفل و بهارات بس مكترش عشان الكفتة اصلا متبلة. نرص الاول الكفتة في الصينية بعد ما نسخنها على النار و نخليها على نار هادية و نقلب الكفتة على الناحية التانية لما تغير لونها. و بعدين نرص عيها نصف كمية البصل المتبل و بعدين نرص حلقات البطاطس و بعدين فوقها نوزع باقي كمية البصل عشان البطاطس تشرب من التتبيل و تتملح حلو و بدين اغطي عليها. طبعا مش محتاجة ماية عشان اللحمة و البصل بينزلوا مايتهم لكن لازم نبص عليها كل شوية عشان لو احتاجت ماية نزودها شوية بشوية.
بتاخد سوا على النار الهادية نصف ساعة بس و سهلة و سريعة جدا للسيدات العاملات. و طعمها حلو اوي يا بنات و بتنفع في العزايم كمان جنب الاكلات التقليدية، انا الكل في العيلة عندي بيطلبوها مني لما اعزمهم
موضوع حلو اوي ما شاء الل، جزاكي الله خيرا يا ام بودي على الموضوع بس سبتوه ليه؟؟؟ فكرته جميلة عشان ندي بعض افكار بدل حوسة التفكير كل يوم. ياللا نرجعه و نصحصحه تاني
انا النهارده حاعمل صينية كفتة بالبطاطس و ارز بالشعرية و سلطة خضراء
طريقة الكفتة بالبطاطس للي مش عارفها كالتالي:
نصف كيلو لحمة مفرومة ابشر لها بصلة متوسطة و اتبلها بملح و فلفل و شوية بهارات و اخلطها كويس و اصبعها او اعملها على شكل برجر زي ما اللي عندك يحبوها
بعدين باقطع حوالي اربع بصلات كبار اربع ارباع و بعدين شرايح عريضة. و حوالي اربع بطاطسات متوسطين اقطعهم حلقات.
في صينية تيفال احط شوية زيت يادوب تمسح الصينية و بعدين البصل ادعكه بشوية ملح و فلفل و بهارات بس مكترش عشان الكفتة اصلا متبلة. نرص الاول الكفتة في الصينية بعد ما نسخنها على النار و نخليها على نار هادية و نقلب الكفتة على الناحية التانية لما تغير لونها. و بعدين نرص عيها نصف كمية البصل المتبل و بعدين نرص حلقات البطاطس و بعدين فوقها نوزع باقي كمية البصل عشان البطاطس تشرب من التتبيل و تتملح حلو و بدين اغطي عليها. طبعا مش محتاجة ماية عشان اللحمة و البصل بينزلوا مايتهم لكن لازم نبص عليها كل شوية عشان لو احتاجت ماية نزودها شوية بشوية.
بتاخد سوا على النار الهادية نصف ساعة بس و سهلة و سريعة جدا للسيدات العاملات. و طعمها حلو اوي يا بنات و بتنفع في العزايم كمان جنب الاكلات التقليدية، انا الكل في العيلة عندي بيطلبوها مني لما اعزمهم
و بالهنا و الشفا