ده ملف دينا الجديد

http://forum.hawaaworld.com/showthread.php?p=31677259&posted=1#post31677259

النهاردة غدانا كان كبسة بطريقة جديدة نورا كانت كتباها فى ملف استشارة بس تحفة ما شاء الله ومعاها لحمة محمرة وسلطة خضرا والحلو كيك الحليب المحمص بالتوفى

ودى طريقة الكبسة
امبارح عملن كبسة بطريقة مختلفة عن كل مرة وطلعت حلوة قوى
سلقت لحمة وبعد ما طلعتها من المية رشيت عليها كركم وكمون وحمرتها شويه فى شوية زيت
فى حلة الرز حطيت بصلة كبيرة مفرومة فى الخلاط عشان تبقى ناعمة قوى ولما اصفر حطيت طماطماية مبشورة ومعلقة زبادى ومعلقة صلصة والمية وكيس خلطة الكبسة الجاهزة وحطيت الرز واللحمة وقلبتهم وزبطت المية والملح وكانت حلوة جداااااااااااااااااا

مالي خلق اطبخ اليوم:06:

ليه اختفيتوا كده :(

منيو الاسبوع السابق

كشرى
كبدة اسكندرانى وعيش
باميا مطبوخة مع فراخ مسلوقة ومحمرة وسلطة خضراء (على يومين)
يوم فرى بيض وجبنة بالطماطم ورنجة مشوية بزيت وليمون مع العيش
مكرونة محمرة ياللحمة المفرومة



فى يوم ناقص مش فاكرة اكلنا فيه ايه :) اعزرونى حكم السن
بصراحة الحر مخلينى ماليش نفس اعمل حاجة وفى البيت مالهومش نفس ياكلوا حاجة

ايه يا بنات اجو الحر مخليكوا مبتطبخوش ولا ايه
النهاردة انا عاملة كوسة وارز بالشعريه ولحمة
امبارح كان ارنب وعلى شوربته حطيت بطاطس مكعبات اتسلقت فيها وارز ابيض
واول امبارح شوربه خضار باللحم وارز ابيض
اصل جوزى معدته بايظة فالاكل كله خفيف

بالنسبة لشوربة الخضار يا بنات بعد ما بتستوى واطفى عليها باقطع كرفس بلدى عليها وتتغطى شوية وصدقونى تشربوا اطعم شوربة
الكرفس بيفرق كتير فعلا