اذيكم يا هرابيين
فين الاكلات
مبطبخوش؟؟ ولا اية؟؟

ما علينا المهم اقولكم بقى امبارح طبت اية الاول

عملت لا زانيا
وباعملها من الالف للياء مبشتريش اللازانيا لا باعجنها وافردها فى الماكينة بتع المكرونة
اقولكم الاول مقادير العجينة :
كوب ونصف دقيق ممكن احيانا بحط كوب دقيق ونصف سمولينا لكن امبارح كانت بالدقيق بس وعليها معلقه زيت وذرة ملح وبعدين نعجن ب 2 بيضة لحد ما تتماسك العجينة نسيبها ترتاح ربع ساعه وبعدين نفرد العجينة
نجهز العصاج : نحمر بصلة لحد ما تبقى شفافة وبعدين نضيف اللحمة المفرومة والتوابل والبهارات وفلفل أخضر مفروم ونقلبهم بس شوية نضيف 2 كوب عصير طماطم يعنى كمية كبيرة متخفوش هتشربهم اللحمة ونضيف جزرة مشورة ناعم ونسيبها ستوى وفى الاخر بضيف ملعقه كبيرة معجون طماطم ونسيبها بس خمس دقايق ونطفى النار
نجهز بقى البشاميل : نحمر الدقيق فى الزبدة ونضيف البن عليه باااااااااااااااارد مهم اوى دى علشان البشاميل ميكلكعش وبعدين نضيف علية نصف مكعب مرقة مفتت وفلفل اسود وملح اذا احتاج تمام كدا لما يغلى هيتكاثف ويكون ثقيل نأخذ فى حدود نصفة ونضيفه على اللحمة المجهزة سابقا ونخلط كويس

كدا بقى الحشو جاهز
فردت العجينة فى الماكينة وهنا بقى السر مبسلقش اللازانيا نهائى اذا كان الايطاليين بيعملوا كدا هنسلقها احنا
بافرد فى الصينية معلقه بشاميل وفوقها طبقة عجين مفرود فيع جدا بالماكينة على درجة 7 ولو من غير يبقى رفيع اوى اوى
وبعدين نفرد طبقة لحمة بالبشاميل ونرش جبنة بارميزان وبعدين طبقة لازانيا وبعدين لحمة وجبنة وبعدين لازانيا وبعدين باقى البشاميل فاكريينة وعلشان لونة يبقى حلو بحط لو ملعقه واحدة صلصة طماطم واحيانا باخذ من الللحمة ونقلب كويس ونحطه كويس عل الوش ونرش جبنة بارميزان كثير

وبس تدخل الفرن 45 دقيقة فى الرف اللى فى النص وبعدين نحمر الوش وبالهنا
وكنت اوية اعمل شوربة معاها بس كسلت

العشا بقى كان فول بطماطم وجنبة وبيض بالجبنة الشيدر وسلطة

النهاردة بقى مطبختش عندى اكل من امبارح بس عملت شوربة خضار روعه
هاقولكم طريقتها
قطعت بصلة تقطيع كبير نوعا وحمرتها شوية ف الزبدة وبعدين ضفت فلفل رومى مقطع برضو مكعبات وبعدين جزر مكعبات وبطاطس مكعبات وبسلة وقلبتهم كلهم كويس فى الزبدة وغطيت عليهم الحلة ووطيت النار وستهم نلزا ميتهم شوية وبعدين حطيت مكغعب المرقة وبهارات لحمة وزنجبيل وشوية قرفة وبعد حوالى 10 دقايق كانوا نزلوا ميتهم حلو اوى نضفت عليهم ماء مغلى علشان يكملوا لسوا وتبقى الشوربة بقى
وسبتهم كمان 10 دقايق وبعدين فى طاسة تانية حمرت ثوم مفروم و4 ملاعق شعرية وكسبرة خضراء مفرومة
وبعد ما اتحمروا دقيقة ضفتهم فوق الشوربة وسبتها كمان 5 دقايق لحد ما الشعيرية استوت وبالهنا

اخر حاجة عملت من شوية كيك عادى علشان الصح عايزة اذوقها بالفراولة والكريم شانتية
كنت كنت واحدة قريبتى واكت عندها كيكة حلوة اوى سألتها بتعمليها اذاى وانا مبتكسفش ابدا اسال المهم قالت ل دى سهله جدا ف 10 دقايق واحلى كيك بجد
بصوا ف خلاط العصير
نضع 3 بيض و كوب سكر ونصف كوب زيت وكوب لبن او عصير برتقال وفانليا ونضرب فى الخلاط على سرعه عليا بس السر عارفيين القطعه الل بتتفتح ف الغطا خليها مفتوحه اثناء الخلط
فى اناء تانى بقى ننخل 2 كوب دقيق وعليهم كيس بينج بودر ونصب الخليط على الدقيق وبنقلب كويس وبعدين ف صينية مقاس 24 مدهونه دقيق وسمنة وضعها فى الفرن على حرار 160 لمدة ساعه وربع بس بعد 45 دقيقة بضو بصى عليها
وتمام كدا
بكرة بقى ناوية بأذن الله اطبخ شبة عدس وفته عدس تعرفوها؟
شوبرة العدس نقطع صله ونحمرها فى شوية زيت قليل وبعدين جزة وبطاطس وفلفل رومى برضو وبعدين نضيف العدس المغسول ونقلب جيدا وبعدين نضيف الطاطم ومكعب مرقه ونسيبها تستوى وممكن فى حلة الضغط 10 دقايق وبعد ما تستوى نضربها فى الخلاط وقبل ما نرجعها الحلة نحط ملعقه زبة ونحم فيها ثوم مفوم وكسبرة ناشفة وبعدين لما يعمروا شوية نصب عليهم الشوربة وممكن شعيرية كمان محمرة وبسيها تتقل شوية وفى الاخر نضيف نصف كوب لبن بيغير طعمها جدااااااااااااااا بتبقى تحفة

نجى بقى للفته بتقبى سهله برضو
نحمص عيش عربى عادى وقطعه قطع صغية ونحطة فى طاسة واسعه ونضيف علية شوربة من شوربة العدس ونقلب فية بيشرب الشوربة وبتغطى بيها كلها بنسبها بس شوية وكل شوية نزود شوي شوربة بتتعمل وقت التقديم

انا بحب ششوربة العدس مع رز وجوزى مبعرفش يأكلها كدا فغلبا مش هاعمل رز
وسلطة خضراء ومخلل
اصلى مشطرة الايام دى عامله مخلل لفت هههههههههههههههههههههه
على فكرة دا كدا يوم شعبى بالنسبة للى مش مصيين ومش عارفيين
بس كدا

نجع لمين
رزو اولا انتى منورة الموضوع طبعا مختفية من قعدتنا هناك انتى بجد وحشتنيا كلنا ووحشتى كل البنات ابقى بس طلى علينا كدا
بصى يا ستى لا الرز بالنى مش باصفى المي لانى ببقى فارهم البصل ناعم اوى اوى فمع السوا بيدوب خالص مع الرز ولا بتحسى بيه فى مفرمة البصل عل اعلى سرعه حتى بيغيب شوية لحد ما يتحمر اصلا

جربيه على ضمانتى متخافيش انا دمياطيية يعنى بلد السمك كله هههههههههههههههههه
هأغرقكم سمك بس صبرا آل ياسر

أم عبد المنعم
البط بقى يا ستى انا عندى المحشى منفعش من غير شوربة بط انا عن نفسى مبحب شالبط بس جوزى مدمن بط لو أكله كل يوم عادى فلما باعمل البط باخزن شوربتة فى الفيزر كمان ف اكياس على قد طبخة المحشى وطبعها بيكون رائع
بس المحشى عندى حدوته كل اللى بيدوقة بيتجنن عليه الحمد لله
ههههههههههههه حبة غرور بق ههههههههههههههههههههه والله انا متعلمه منكم
بس هابقى اكتب لكم عنه قريب آه صحيح انا كنت حاطه اصلا موضوع عن المحشى

أحب الخير
سؤالك صعب اوى
اصل المصريين دول بقى وانا منهم مزاجات مثلا فية ناس عندهم اللحمة هى الاساس اانا فى بيتنا كدا بيت بابا يعنى والطيور نادر وفية ناس يحبوا اوى الطيور وغرقيهم فى حمام بالفريك بقى وبط محشى وارانب وحاجات من دى فكله حسب المكان وطريقة البيت
بس اللى غالبا مختلفيين فية عن الخليج انا هنا الغنم قليل شبة نادر يعنى
والاسماك بقى بلد ذى بلد فية ناس بيكالوا سمك 5 ايام فى الاسبوع وانا باكله كل اسبوعيين مهر مثلا تفرق من ناس لناس

اما البسطرمة فهى طبعا غير اللانشن اللى هو المرتديلا خالص
اقرب حاجة ليها شم عافه فى الخليج ولا هى البرشيتوا الايطالى هى لحمة معتقه بس مختلفه قبا وقالبا عن اللانشون

يالا بقى عايزة اكتب كلمتين فى القعدة لاحسن باجرى ورا نفسى

واستحملونى لما باغيب لما باجى بارغى اهه

اه صحيح هيوشا اية يخنى اللمة مش قلنا الطريقة لالالالالالالالالالالالازم طالما فية مكونة اصل العب اللى هنا هيقلب ايطالى بعد شوية مش عايزين غير لازانيا ومكرونة وبيتزا
هنتجنن خلالاص
سلام بقى

لاروزا

الحمد لله بخير ياجميل انت الي اخبارك اية

امبارح كنت عاملة سمك موسي ورز بالحمبري والكاري وسلطة طحينة و سلطة خضرا

السمك طبعا بيكون متنضف ومغسول والتتبيلة ( ملح - فلفل -كسبرة -كمون-جنزبيل بودر -ثوم بودر -كركم- خل -ليمون وشوية لبن )

ويتساب في التتبيلة شوية وبعد كدة في الدقيق ويتقلي

الرز بالجمبري افرم بصلة ناعم جدا واقلبها في الزيت لغاية لونها مايصفر او بني فاتح اضيف الجمبري المتنضف ومتقشر طبعا

واضيف البهارات والملح والفلفل وثوم بودرة وجنزبيل بودرة وكمون والكاري واضيف الرز واقلب دقيقتين دة واضيف المية المغلية واسوية

عادي سلطة الطحينة بعملها عادي بس بضيف عليها معلقة كبيرة زبادي

وعملت كب كي بالشيولاتة وحشيت من جوة الجناش

السلام عليكم ورحمة الله وبركاته
كل البنات منورين ووصفاتكم جميله
روشانا بصى الفحم عسان يسخن بسرعه انا مخصصه له طبق استانتلس احطه فيه وعلى النار
او اى علبه معدن علبة تونه مثلا الطريقه دى بيسخن بسرعه وريحته بتكون اقوى فى الاكل
وطبعا باقى الطريقه معروفه
جربت للعشا بطاطس شفت الطريقه فى فتافيت
بطاطس صغيره اصغر مقاس تحطى ريت فى الطاسه كميه بسيطه وتكونى غاسله البطاطس كويس
وتشقيها بسيط بالسكينه وتحطيها فى الطاسه مع ملح وفلفل وهى حطت زعتر اخضر
وتغطيها وتسيبيها على نار هاديه خفيفه فى الاكل لانها مش شاربه زيت ومقرمشه
اما غدانا كان صينية باذنجان بالفراخ والخضار لمنال العالم لكن انا عملت فيها تغييرات
سلقت الفراخ وقطعتها شرائح
ثم فى طاسه تشوحى بصل ثم جزر مبشور ثم فلفل اخضر شارائح ثم الدجاج والتوابل المفضله عندك
ثم قليت شرائح باذنجان ورشيتها بالدقيق عشان ما تشربش زيت وزودت من عندى شرائح بطاطس
ثم شرائح باذنجان وبطاطس ثم خلطة الدجاج ثم باقى الباذنجان
وهى ضافت على فوق الدجاج جبنه موزاريلا وعلى الوجه قشطه وكريمة خفق
لكن انا ما ضفتش جبنه ضفت كزبره خضرا وعملت صوص بشاميل خفيف
ملعقة غرف دقيق وكوبين حليب وبمضرب يدوى يلف على النار ثم ملح وفلفل
ولم اشيف سمن نهائى اكتفيت بقلى الخضار ودخلتها الفرن عشر دقائق
وعملت معاها رز وسلطه طماطم
شرائح طماطم وعليها خلطه مكونه من ثوم وفلفل حار كمون ليمون وزيت زيتون

انا حاليا حا اعمل صينية مكرونه فى الفرن دى تخصص اهل دمياط فى اسكندريه بنسميها عزيزه
وايمان تقول الطريقه لان هى الاصل اسمها فى دمياط مكرونه بلبن
وحا اعمل صينية كيكه بما انى ما عنديش بيض والجو سىء جدا مش عارفين ننزل نشترى
فدى كيكه للطوارىء جربوها ممتازه
2كوب دقيق
كوب جوز هند
ثلاتة ارباع كوب سمن
ثلاثة ارباع كوب حليب
نصف كوب سكر
ملعقة شاء بيكينج بودر
نضرب سمن وحليب وسكر ثم الدقيق والبيكينج بودر وجوز الهند تدخل الفرن
وترش بالشيره فور خروجها من الفرن

ان شاء الله اليوم بسوي دجاج صيني بالليمون

وسلطة الباذنجان

بس لسه ماسويتهم

اذا طبختهم صورتهم لكم